1 Bithroos 1:6 - Saaho Cusub Cahde

⁶ Dago geddah mango caynah tattacakkanoona, raacinnixem kinni haaki, taymih mangum xedentan.

1 Bithroos 1:6 Iomraidhean Croise

Maatiyos 11:28

Xawala mara kee cuuki akko yiclishe marak curfen sinah axawo kinnik yottalle amowa.

Maatiyos 26:37

Bithroos kee Zibdit cindhamhi lamma isheelih beyeh, yaxzano kee yamraacado erherhishe.

Maatiyos 5:12

Sinko basoohit nobowa gantah amaa ginah hadaneenimhi sabbatah, carshelle sin casbi naba tiya kinnik xedenteenih ifrixa.

Luukas 1:47

Usuk ishi garuzzohi ramacta duheh yanemhi sabbatah lel, yi ufayi Yalla yi Gargeereenah mangum cafada. Taykinna lel, kadooko lakalle umman ijo dhaacole yok yarhxoona kinni.

Luukas 10:20

Laakin, ufayit sinah yim-izziziinimih mixedeninantaaki, sin migoc carshelle yunkuttubeh yanemih xedena”.

Luukas 2:10

Malaykatti lel: “Mimashshiitina! Umman tiya xedenishsho le naba xedenhi bissiraata sinah baaheh aniyo:

Yohannis 16:22

Amaydo, atin gantah kado waaxelta litin, anu laakin malammih sin ablo kiyo, sin afcaado lel xedento kinni. Sin xeden lel sinko beyati miyane.

Yohannis 16:33

Yottaalih salaam geytoona ciloh lel tayim sinah warisheh aniyo. Ta caalamalle cazaab yane, laakin aydukum-erhexa, anu ta caalam iscireh aniyo” yerhxeh alle yedebbe.

Fartottit hi Abittot 14:22

“Yallih nigsinnadde orobno nolle tanem mango hadaanoh kinni” arhxuk katattaynitti rooxe yeysheedeynih sinni imaanalle yasbatoona ten aydukumusen.

Rooma 12:12

Cag abitteenih xedena, tsabaabat waqhtedde sabre abita, salat mixabina.

Rooma 5:11

Tayim bisa maki, kaa sabbatah wagare akko geyne ni Maddara kin Yeesus Masiix araxah Yallah falinna.

Rooma 5:2

Kaa araxah lel kado adde nisbiteh nanino nicmadde imaanah orobne. Yallih nabneh caagak lel falinna.

Rooma 9:2

Mango xazan kee bakitinnixe qadaab inni afcaadodde liyo.

2 Korintos 4:17

Ta sissik urhurh waqhtih ni waaxelti lel, agaagim hin umman geedit cilish nabne noh yaxaw kinni.

2 Korintos 6:10

xazzanoye mara balih ni yablin, nanu laakin umman gedda xedeneenit kino; baaxentit balih ni yablin, nanu laakin mango marah gadda abna; inkim hin mara balih ni yablin, nanu laakin ummannim lino.

Galaatiya 5:22

Laakin Ufayi daro kaxano, xeden, salaam, sabre, xiyaawinna, mecaani, amaana,

Filibbi 2:26

Usuk inkoh sin yablo mangum sinah hambereereh yane, kaa laxuu toobbiinim yeerhegemhi sabbatah lel xazzanoyeh yane.

Filibbi 3:3

Nanu tamaa Yallih Ufaye kee Masiix kin Yeesusudde tane nabnehi araxah yacbude marak, xiyaawinnadde lel cikkishitinnixe marak, notta kinni rummah askok-kalum abe mari.

Filibbi 4:4

Umman gedda Maddaradde xedenanta; malammih arhxo kiyo, xedenanta.

1 Tessaloniike 1:6

Atin mango waaxelta kabbatten hanuk, tamaa waanitta Quddus kin Ufayehi xedenlih kabbatteenimhi sabbatah notta kee Maddarah timmingidiinih tanin.

Yacqoob 1:2

Yi saculo, mango caynah cakana sin taseedefe gedda, inkoh xeden balih ubula.

Yacqoob 1:9

Baaxenta kin sacal isheh xaf-yerhxeh yanemih cafadoo.

Yacqoob 4:9

Iqhdiba, ixzina, weca. Sin asal xazanalle, sin xeden lel zeerolle iybiddila.

1 Bithroos 3:17

Amayim lel, Yallih farhi tekkemko, umaani abaanah waaxelsiitaanamko, mecaani abaanah waaxilsiitaanam tashshemhi sabbatah kinni.

1 Bithroos 4:7

Ummanimhi abayshima kab-terhxeh tanemhi sabbatah, amaydo cilleh dhaaco abittoona ciloh, sinne tibbirhiinih himma-abitanta.

1 Bithroos 5:10

Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni.