1 Bithroos 1:4 - Saaho Cusub Cahde

⁴ Tamaa alayinnixe, masxitinnixeh, ahsisinnixe miiraas carshelle sinah obsimeh yaneya ni yiywirishe.

1 Bithroos 1:4 Iomraidhean Croise

Maatiyos 25:34

Sarrah amaa Nugus kaa mizgaako yane marak: ‘Ko yi Abbah dhaacolito, amowa, ta caalam dhishshimtemko taahe sinah tinqirribe nigsinna iwrisha.

Markos 10:17

Yeesus ishi kallaaxeh aduuk, wuli xiyawti arduk yemeeteh kaa nifille gululluubuweyaako: “Mece Mudarriso, umman geedit aniina awarasho ayim abo yolle tane?” yerhxeh kaa essere.

Fartottit hi Abittot 20:32

Kado Yalla kee kaa nicmah waanittalle sin amaanatishak aniyo. Ta waanitta sin ginto kee umbuka yinqiddise maraalih miiraas taalloona sin dhicshishsho kinni.

Fartottit hi Abittot 26:18

Atu intit akah fakteh, diteeko ifolle ten ayyaacituk, Sheethan xaylaako lel Yallalle ten tadabbo ciloh, ku farak aniyo. Zambi xabbot kee Yottah lon imaanah tinqiddisemhi fanadde cara geyoona kinon’ yok yerhxe.

Rooma 8:17

Amaydo, Yallih cindham nekkemko, Yallih waarish kino, Yallih waarish nekkemko lel inkidde Masiixlih waarish kino. Kaalih waaxelta nengelemko gantah kaalih nanabem takke.

1 Korintos 9:25

Ta ardah yammookome mari ummanimko sinni nabse yabbirhin. Ta mari tayim abaanam amaa urhurh waqhtedde yalaye bor beyoona kinni, nim laakin alayinnixem kinni.

Galaatiya 3:18

Miiraas sercat araxah yemeetemko, wacdi araxah miyamiite. Yalli laakin Abraahimih wacdi araxah akah yoxoye.

Efesos 1:11

Nanu tamaa yookomeh Masiixidde cag abite marak, kaa nabneh kaa faylishak marno ciloh, ummanim ishi macal balih, ishi farhih fawo balih abati, worosa nakko yookomeh ni dooreh yane.

Efesos 1:14

Nanu kaa nabne faylishno ciloh, Yalli inkoh ishi mara yayyaacendah, Quddus kin Ufaye miiraas dhishih noh yoxoyeh yane.

Efesos 1:18

Sin afcaadoh intit ifisheh, tamaa sinah deecime tiyahi cag ayim kinam taarhagoona, tamaa yinqiddise marah tamxawo kin nabne le miiraas ayidhdha gaddaale kinam taarhagoona gantah dhaaco abak aniyo.

Kolossay 1:12

amayim balih, tamaa ifodde geytima yinqiddise marahi miiraas nangalo sin dhicshiishe Abbah xamde addabbuk nane.

Kolossay 1:5

carshelle sinah yinqirribeh yane caghi sabbatah kinni. Ta cag lel tamaa rummi waanitta, mece ware kinyahi araxah toobbiinih tanin.

Kolossay 3:24

Amayim lel sinni casbeh amaa miiraas Maddaraako kabbattoona kitiinim teerhegiinih abanta. Atin Maddara kin Yeesus kinni akhdumuk taniinim.

2 Timoteyos 4:8

Kamboh, tamaa xaqqi daaniya kin Maddari, amaa maxadde yoh yaxaw le xaqqi bor yoh yinqirribeh yane. Tayim lel yottah bisa makiiki, tamaa inkoh kaa mumut kixin marah gantah kinni.

Cibraan 10:34

Tashshem kee umman gedih marta iraaro litiinim teerhegiinimhi sabbatah, tamaa tumudhdhuwemih akah tessexekkin, sin iraaro sinak bayshaanam lel xedenlih kabbatten.

Cibraan 9:15

Amaydo, usuk ta cusub cahdih fanti tiya kinni. Tamaa deeco akah tekke mari, tamaa wacde akah sayen umman geedit miiraas kabbaatoona ciloh, tamaa afti cahdehi geridde anuk aben zambeeko ten gargerta rabi tekkeh tane.

Yacqoob 1:11

Ayrotta xiyaa xararishsha lacnaalih tawceyaako amaa cashsho kafishsha; tee combooba urgufumta, tee cirhi lel yalaye. Amayim balih, amaa gaddaali ishi araxalle dagum-dagumuh yalaw kinni.

1 Bithroos 3:9

Umaani umaanih, hido waato waatoh maadabbinantaaki, amayimhi diddeh, tamaa sinah akah deecimen baraka geytoona ciloh dhaaco akah abanta.

1 Bithroos 5:4

Amaa Loynitti Nabati yamiite gedda, ahsisinnixe nabnet bor kabbattoona kitin.

Waxye 21:27

Tamaa amaa Leemahi aniinat kitaabadde migoc akko yunkuttubeh yane maraako bextih, xaraame kinam hido batakna kinam kee zirab inkinnah adde orobo maki.