1 Bithroos 1:3 - Saaho Cusub Cahde

³ Ni Maddara kin Yeesus Masiix Yalla kee Abbah fayla takkoo! Ishi naba raxmah balih, Yeesus Masiix rabaakohi ugutti araxah yane cagadde malammih akah naabukeekah nok abe.

1 Bithroos 1:3 Iomraidhean Croise

Yohannis 1:13

Ta mari lel biilooko hido xazottat farhiiko hido labhatti farhiiko akkekkah Yallaako toobokem kinon.

Rooma 12:12

Cag abitteenih xedena, tsabaabat waqhtedde sabre abita, salat mixabina.

Rooma 15:13

Quddus kin Ufayehi xaylah sin cag meceetih yanabo ciloh, amaa cagti Yalli umbuka kayyah teemeniinimih xeden kee salaamah sin yamagoo.

Rooma 4:25

Usuk ni umaanih rabo yomxoye, ni asxaqqaqhah lel rabaako ugute.

Rooma 5:10

Nanu cangit kiinuk nineh yekkemko, kaa Barhahi rabih araxah Yallaalih wagarneh nane, wagarnek sarrah lel ayidhdha ziyaada thummutuh kaa aniinah gargeerimno kino?

Rooma 8:11

Tamaa Yeesus rabaako uguse tiyahi Ufayi sinadde sigemko, tamaa Yeesus rabaako uguseti sin addadde siga ishi Ufayehi araxah rabe sin nabseh aniina akah yaxaw kinni.

Rooma 8:24

Amayim lel nanu ta cagadde gargeerimnemhi sabbatah kinni. Tambulluwemih cag abitaanam cag maki. Yablemih cag abita tiyah miyatti yane?

1 Korintos 13:13

Amaydo kado, imaan, cag kee kaxano adoxuk raacan, umman tenko nabati laakin kaxano kinni.

1 Korintos 15:20

Masiix laakin rummah rabaako ugute, taginah lel dhinko uguta marahi afti darotta yekke.

2 Korintos 1:3

Ni Maddara kin Yeesus Masiix Yalla kee Abbah fayla takkoo. Usuk naxrurtat Abba kee umbuka ruftoh Yalla kinni.

Galaatiya 6:16

Inkoh ta arax kataa mara kee Yallih mara kin Israa-eel xiyawah maaxiyo kee raxma takkoo.

Efesos 1:17

Ni Maddara kin Yeesus Masiix Yalli, nabnet Abba kinya, meceetih kaa taarhagoona ciloh kas kee waxyi Ufaye sinah yaxaw dhaaco abak aniyo.

Efesos 1:3

Ni Maddara kin Yeesus Yalla kee Abba, umman ufayi barakah Masiixidde carshi makaanolle ni yeybeerekeyah fayla takkoo.

Efesos 1:7

Kayyadde kaa biilohi araxah muuca, tamaa kaa nicmahi gadda balih lel ni zambehi xabbot geyneh nane.

Efesos 2:4

Laakin raxmah gaddaale kin Yalli, tamaa akah ni yikxine naba kaxanohi sabbatah,

Efesos 3:20

Amaydo, tamaa nottadde yashtuqhule xayla balih, inkoh nanu essernam hido naxeesebemko ziyaada yeymengeh abo dhiica kayyah,

Kolossay 1:23

Tayim lel rummah atin imaan katattayishsheenih, tamaa toobbin mece warehi rajaako acrhiyekkah, dhishshimteenih tisbitiinimko kinni. Ta mece wari carshi geridde geytimta umbuka makhluuqhulle warreyeh yane. Anu, Bawlos lel mece warehi khaddaam ekkeh aniyo.

Kolossay 1:27

Yalli Aki-marahi addalle ta mashthir hi gaddih nabne ayidhdha nabam tena yayshidhdhigem doore. Ta sirri lel sin addadde yane nabnet cag kin Masiix kinni.

1 Tessaloniike 1:3

Sin imaanhi ciyyo, tamaa kaxanolle dhishshiime sin xawal, tamaa ni Maddara kin Yeesusudde yane cagadde cikite sin curtayyo, ni Yalla kee Abbahi nifille xunsuusak nane.

1 Tessaloniike 4:13

Laakin yi saculo, tamaa cag hin aki xiyaw balih taxziniinimko, tamaa rabidde dhiineh yane marahi zacabah sodhdhoona sinak mifarha.

2 Tessaloniike 2:16

Kado, isheh ni Maddara kin Yeesus Masiix kee tamaa ni kixinah, ishi nicmah umman geedit aydukumusnan kee mece cag noh yoxoye ni Abba kin Yalla,

1 Timoteyos 1:14

Masiix kin Yeesusko yamiite imaan kee kaxanoolih, ni Maddarahi nicma yottah mangum yoh temmenge.

Tiitos 2:13

Taginah lel, tamaa baraka-le ni cag, naba ni Yalla kee Gargeereena kin Yeesus Masiix nabne caddoyto, ilaalak nane.

Cibraan 3:6

Masiix laakin barha balih Yallih carehi bukalle umun kinni. Tamaa ninni fidbe kee ninni faloolih, ninni cagalle qath-nerhxemko, nanu kaa care kino.

Yacqoob 1:18

Nanu usuk isheh yukhluqheh yanemhi afti firehi caynaako nakko ciloh, ishi farhih rummaahit waanittah ni yuyshubuke.

1 Bithroos 1:13

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.

1 Bithroos 1:21

Sin imaan kee cag Yalladde yakko ciloh, Yeesus araxah, tamaa kayya rabaako uguseh nabne akah yoxoye Yallah teemenin.

1 Bithroos 1:23

Malammih toobokiinih taniinim lel, tamaa taneh umman gedda marta Yallih waanittahi araxah, alayinnixe zarah kibah yalaye zarah maki.

1 Bithroos 2:2

Cusubih yooboke zabul balih, abayshimat sinni garger fanah carsimtoona ciloh, thaahir kin ufayi xanah hambereranta,

1 Bithroos 3:15

Sinni afcaadodde laakin, Masiix Maddara balih xishmatanta. Tamaa sin addadde yane cag hi sabbatah sin esserinnan tiyah radde taxawna inqirribanta.

1 Bithroos 3:21

Tayim lel ta kado sin gargeera aythammaq tablem kinni. Aythammaq lel, tamaa rabaakohi ugut Yeesus Masiixiyahi araxah, cado-qalbeh Yallalle aban dhaacoh kibah, askok nabseeko kalaanamah maki.

1 Bithroos 3:5

Basooko, Yalladde cag le tinqiddise sayyo, sinni baacilih yam-izziziinih, taginah kinni bilcitak yiniinim.

1 YOHANNIS 2:29

Usuk xaqqi-wanna kinam teerhegiinimko, xaqqe abinnanti kaako yoobokeh yanem taarhigin.

1 YOHANNIS 3:3

Kayyadde cag aallinnanti, tamaa Usuk thaahir akah kinniika balih ishe yaythihire.

1 YOHANNIS 3:9

Yallaako yoobokeh anniinnanti, kaa zari kayyadde sigamhi sabbatah zambedde maasa. Yallaako yoobokeh yanemhi sabbatah lel zambe abo mirhiica.

1 YOHANNIS 4:7

Yi kaxantoolito, sitta nakxanoo, kaxani Yallaako kinamhi sabbatah, akxininnanti lel Yallaako yoobokeh yane, Yalla lel yaarhige.

1 YOHANNIS 5:1

Yeesus, Masiix kinam aamininnanti, Yallaako yoobokeh yane. Abba akxininnanti lel kaako yoobokeh yane tiya gantah yakxine.

1 YOHANNIS 5:18

Yallaako yoobokeh yanetii, zambe maabam naarhige. Laakin Yallaako yoobokeh yane tiya, usuk kaa dhawrha, umati lel kaa dhafo mirhiica.

1 YOHANNIS 5:4

Yallaako yoobokeh anniinnanti, caalamko yamlikemhi sabbatah; amaa caalamko yamlike nasri lel tatiya kinni: ni imaan.