1 Bithroos 1:25 - Saaho Cusub Cahde

²⁵ Maddari waanitta laakin umman geddah marta.” Ta waanitta lel tamaa sinalle warroyshen mece ware kinni.

1 Bithroos 1:25 Iomraidhean Croise

Maatiyos 5:18

Caran kee baarho talayendah, ummannim takmilendah, sercatko walaa cindhaa xarfi hido cindhaa dhimmiyo akko talawo makinam, rummah sinak arhxiyuk ane.

Luukas 16:17

Sercatko cindhaa dhimmiyo raddamko laakin, caran kee baarho talayem ruhuwa.

Yohannis 1:1

Erherhih Waanitta tine. Amaa Waanitta Yallaalih tine. Amaa Waanitta lel Yalla kuuk tine.

Yohannis 1:14

Waanitta xazotta tekkeh lel ni fanadde sigte. Yallaako inketta bisa kin Barha hi nabenta, nicma kee rummaako yemmeegeyahi nabne lel nubleh nane.

1 Korintos 2:2

Yeesus Masiix kee masqalakke takarime kaako bextih sinlih aniyuk akih inkim aarhigemko abayshe.

Efesos 2:17

Yemeeteh lel mirixtah yine sinah salaam, tamaa dhayelle yine marah lel salaam warroyshe

Efesos 3:8

Umbuka yinqiddise maraako cindha yottah, tamaa ammirmirinnixe Masiix gadda Aki-maralle warroysho, ta nicma yottah kinni tomxoyem.

Tiitos 1:3

Kaa waqhti gufe gedda lel, tamaa ni Gargeereena kin Yallahi amreh, amaanah yolle yomxoye warroyishnan araxah ishi waanitta caddoyshe.

Cibraan 6:5

Yallih waanittahi mecaani kee yamiite waqhtehi xaylaako dhacame mari,

1 Bithroos 1:12

Ten khidma lel sinah kibah tenah kuuk mitinem akah timidhdhige. Tayim lel tamaa carsheeko farritime Quddus kin Ufayehi araxah, mece ware sinalle warroyshe mari sinah warisheenih yanin. Tayim malaykut gantah kulux adde yarhxoona duumutak yiniinim kinni.

1 Bithroos 1:23

Malammih toobokiinih taniinim lel, tamaa taneh umman gedda marta Yallih waanittahi araxah, alayinnixe zarah kibah yalaye zarah maki.

1 Bithroos 2:2

Cusubih yooboke zabul balih, abayshimat sinni garger fanah carsimtoona ciloh, thaahir kin ufayi xanah hambereranta,

2 Bithroos 1:19

Tayim ziyaada meceetih noh taysibite nobowat waanitta lino. Baarho maxtam fanah, maaxi xutukti lel sin afcaadodde yawcendah, ta waanitta tamaa ditedde ifisha ifo balih macalsitteenimko mecem abak tanin.

1 YOHANNIS 1:1

Tamaa erherhko tine, tamaa noobbe, tamaa ninni intih nuble, tamaa kulux adde nerhxe, tamaa ni gabub dhage Aniinat Waanittah sabbatah sinak arhxuk nane.

1 YOHANNIS 1:3

Tamaa nubleh noobbem lel sinak arhxuk nane. Amayim lel inkettiino nottaalih taalloona ciloh kinni. Rummah ni inkettiino Abba kee kaa Barha Yeesus Masiixlih kinni.

Waxye 14:6

Sarrah, aki malaykatti akkanih caranalle firiirixitak uble, usuk tamaa baarholle martamah, umman wathun, kishosh, waani kee xiyawah warroysho umman geedit mece ware luuk yine.