1 Bithroos 1:2 - Saaho Cusub Cahde

² Abba kin Yalli yookomeh akah abaysheeka balih lel Yeesus Masiix taabboona kee kaa biilohi anasnasah lel tanqaddasoona: nicma kee maaxiyo sinah sasantoo.

1 Bithroos 1:2 Iomraidhean Croise

Maatiyos 24:22

Amaa max adhdhurhe wayaado, walaa inki xiyawti raaceh anniye mirhaarho. Amaa doorimeh yane marah arhxuk laakin amaa max yadhdharho kinni.

Maatiyos 24:24

Amayim lel zirabti masiixiin kee zirabti nobowa uguteenih, dhiicimemko, amaa Yalli doore mara gantah doolaboona ciloh naba ishaarar kee bexsishsham aboona kinon.

Maatiyos 24:31

Usuk ishi malaykut naba thurumbat dhaw faro kinni, doorimte kaa mara lel carshi wuli wasanko wuli wasan fanah affara jahaako yaskattoona kinon.

Markos 13:20

Amaa max Maddari yuyshudhdhurheh akke wayaado, walaa inki xiyawti gargeerimeh anniye mirhaarho. Amaa doorimeh yane marah arhxuk laakin amaa max yuyshudhdhurhe.

Markos 13:22

Amayim lel zirabti masiixiin kee zirabti nobowa uguteenih, dhiiceenimko, amaa Yalli doore mara doolaboona ciloh ishaarar kee bexsishsham aboona kinon.

Markos 13:27

Amaymik sarrah, usuk ishi malaykut faro kinni, usun lel doorimte kaa mara affara jahaako, baarhot wasanko carshi wasan fanah yaskattoona kinon.

Luukas 18:7

Yalli lel bar kee lellecih kaa dhaacimta ishi doorimtemih xaqqe yaxaw maki? Mangum akko caawito kinni?

Fartottit hi Abittot 15:18

tayim lel kalxaako timidhdhigem kinni.’

Fartottit hi Abittot 2:23

Ta awwalko bakitte xagara kee Yalli yookomeh suguse irhgah ta xiyawto atin sercat hin Aki-marahi gabah abteenih masqalakke kaa tinkiinih kaa tisgidifin.

Fartottit hi Abittot 20:32

Kado Yalla kee kaa nicmah waanittalle sin amaanatishak aniyo. Ta waanitta sin ginto kee umbuka yinqiddise maraalih miiraas taalloona sin dhicshishsho kinni.

Rooma 1:5

Umbuka Aki-marak yaamineh yaabbe mara akko abno ciloh, kaa migacalle nicma kee fartottoyishnan kabbatne.

Rooma 1:7

Inkoh Roomalle Yalli yikxineh yinqiddise mara takkoona decsiime marak: ni Abba kin Yalla kee Maddara kin Yeesus Masiixko nicma kee maaxiyo sinlih takkoo.

Rooma 11:2

Yalli tamaa yookomeh yeerhege ishi xiyaw mixininna. Eliyaas zacabah Kutuub yarhxem, usuk lel Israa-eel xiyawhi diddeh Yallalle aaginah yathricem mitaarhigiini?

Rooma 11:28

Mece warehi gabooko yekkemko sinah arhxuk cangit kinon. Doorot gabooko laakin, sinni abbubuh arhxuk yinkixxine mara kinon.

Rooma 15:16

Aki-maralle Masiix kin Yeesus khaddaam akko ciloh kinni. Amayim lel, Aki-marahi muttuxuwa Yallah kabbaatimto kee Quddus kin Ufayeh tinqiddisem takko ciloh, shekh ekkeh Yallih mece ware akhdume.

Rooma 16:19

Sin thaaca ummanti yeerhegemhi sabbatah sinak xedeneh aniyo. Mecem kinamalle kas-le mara, umamko lel barii takkoona sinak farha.

Rooma 16:26

Kado laakin caddoweh yane. Amaa nobowat kutuubhi araxah, umman geedit Yallahi amre balih, yeemeniinih yathaacoona, umbuka diikalle yimidhdhigeh yane.

Rooma 8:13

Xazottat araxah marteenimko, rabtoona kitin, nabsi abitto Ufayeh tigdifiinimko laakin martoona kitin.

Rooma 8:33

Yalli dooreh yane mara taksisem miya kinni? Yalla kinni ku yasxiqqiqheti.

1 Korintos 1:30

Atin kaa sabbatah Yallih kas, xaqqe, anqaddas kee muuca noh yekke Masiix kin Yeesusudde kinni taniinim,

1 Korintos 6:11

Sinko gari lel ta gina le mara kuuk yinin. Laakin atin Maddara kin Yeesus Masiix migacalle, ni Yallahi Ufayeh cakalteenih, yinqiddise mara tekkiinih, xaqqi-wannun tekkiinih tinin.

2 Korintos 10:5

Taginah lel, Yallahi irhgah didde kin zirabti mablol kee umman amnonobba dumusna. Umman xasaab lel nabbirheh Masiixih akah yam-izzizeekah akko abna.

2 Korintos 13:14

Maddara kin Yeesus Masiix nicma kee Yallih kaxano, amayim balih Quddus kin Ufayehi agle sinlih takkoo.

Kolossay 3:12

Amaydo, yinqiddise mara kee yinkixxine mara Yalli dooreya, afcaadot naxrurta le mara akah kitiiniikah, mecaani, amnanabbe wayaanam, xiyaawinna kee curtayyo saritanta.

2 Tessaloniike 2:13

Laakin, Maddari kixin ni saculo, Ufayi araxah tinqiddisinyaako rumma teemeniinih afti daro tekkiinih gargeerimtoona Yalli sin dooremhi sabbatah, nanu umman gedda sin idhdhadde Yallah xamde naddabbo noh eedda.

2 Timoteyos 2:10

Amaydo, tamaa doorime mari, Masiix kin Yeesus araxah umman geedit nabneelih garger geyoona ciloh ummanim curak aniyo.

Tiitos 1:1

Yallih garuzza kee Yeesus Masiix fartotta, tamaa Yallah doorime marahi imaan kee ten Yallih mashshiilih tanseene rummi irhga warroysho ciloh deeco akah tekke Bawlosko.

Cibraan 10:22

ninni afcaado uma niyaako anasnasah qarcoyishneh, ninni nabse tsitstsii layeh cakalishnemhi sabbatah, mece niya kee imaanah yamiite thummutuh kab-narhxoo.

Cibraan 11:28

Tamaa riish yagdifeti ten dhagamkohi ciloh, imaanah Faasigi cid kee biili anasnas abaanam erherhishe.

Cibraan 12:24

kee cusub cahdehi fanti tiya kin Yeesus kee tamaa Abeel biilooko ziyaada meceetih waanisha yimnisnise biilolle kinni temeetiinih taniinim.

Cibraan 5:9

Naqhuse hin tiya yekkeh lel tamaa inkoh kaa yaabbe marah umman geedit garger-hi raxeena akah yekke.

1 Bithroos 1:14

Akko yarhxiinim yaabbe cindham akah kitiiniikah lel, tamaa basoh sorheenit kuuk tinin gedda balih, sinni uma farhih maadayna.

1 Bithroos 1:20

Usuk caalam dhishshimtemko basolle yimidhdhige tiya kuuk yine hanuk, abayshimat waqhtedde sinah arhxuk yumbulluwe.

1 Bithroos 1:22

Rummi yarhxem toobbinyaako, rummaahit sacoolinni kaxanoh sinni rooxe tiythihiriinih, rummaahit afcaadooko cilleh sittiya ikxinanta.

1 Bithroos 2:9

Atin laakin tamaa diteeko cibra kin ishi ifo fanah sinah deecime tiyahi mecaani warroyishshoona ciloh doorimte xiyaw, nigsinnat sheekhino, yinqiddise dik, Yalli isheh yubbuxute xiyaw kitin.

2 Bithroos 1:2

Yalla kee ni Maddara kin Yeesus araxah litin irhgah nicma kee maaxiyo sinah sasantoo.

2 YOHANNIS 1:1

Naba tiyaako rummah kixiniyo doorimte numa kee tee cindham fanah, yotta busa makiiki laakin inkoh rumma teerhegem gantah sin kixinon,

2 YOHANNIS 1:13

Doorimte ku saclahi cindham lel kolle yaysillimin.

Yahuuda 1:2

raxma, maaxiyo kee kaxani sinah yammangoo.