1 Bithroos 1:17 - Saaho Cusub Cahde

¹⁷ Tamaa babbarhishekkah, umman tiya kaa-kaa abitto balih yafride tiyak “Abba” terhxiinih akah deecimtoona tekkiinimko, gerha tekkiinih dago waqhteh taniinim fanah kayya mashshiitak suganta.

1 Bithroos 1:17 Iomraidhean Croise

Maatiyos 16:27

Xiyawti Barhi ishi Abbah nabnedde ishi malaykutlih yamaato kinni, amaa gedda lel umman tiya kaa-kaa ciyyo balih akah yafdaw kinni.

Maatiyos 22:16

Sinni katattaynit lel Heerodesti maraalih tahe yerhxinyaako alle dhirhiyen: “Mudarris, atu rummadde tanitom kee Yallih arax rummah taydurusem, xiyaw mablodde macal malitom kee xiyaw nif tableh mitanqiyyirem naarhige.

Maatiyos 6:9

Amaydo atin taginah issilliya: Carshelle geytima ni Abbaw, ku migac yanqaddasoo.

Rooma 11:20

Amayim rumma kinni. Sinni imaan waytohi sabbatah kinni yiggidiliinim, atu laakin imaanah tisbiteh daw-terhxe. Amaydo, mamnanabbinaaki, mashshit.

2 Korintos 1:2

Ni Abba kin Yalla kee Maddara kin Yeesus Masiixko nicma kee maaxiyo sinlih takkoo.

2 Korintos 5:6

Amaydo, nanu umman gedda mece fidbehi wannun kino. Nanu carelle nabsedde aninuk, Maddaraako mirix-nerhxeh nane.

2 Korintos 7:1

Yi kaxantoolito, inkoh ta wacde neellek sarrah, tamaa nabse kee ufaye xaraameeko ninne niysiffiyeh, Yalla mashshinneh ninni anqaddasak kaamil akko abnoo.

2 Korintos 7:11

Yallih araxah yamiite qadaab ayim sinadde baaheh yanem ubula: aaginale mece farhi, aaginale mogte, aaginale kura, aaginale mashshi, aaginale saana, aaginale qeera, aaginale qitscat! Umman taymille barii kitiinim tuybulluwin.

Galaatiya 2:6

Tamaa xiyaw adde takkale mari — usun miya kinoonimidde anu macal maliyo; Yalli lel feraako fera dhaye maleya — yi fartodde walaa inkim adde moosinnooni.

Efesos 1:17

Ni Maddara kin Yeesus Masiix Yalli, nabnet Abba kinya, meceetih kaa taarhagoona ciloh kas kee waxyi Ufaye sinah yaxaw dhaaco abak aniyo.

Efesos 3:14

Tayimhi sabbatah, Abbat nifille gululluubuwa,

Efesos 6:9

Atin lel maddaritik, mashshish xabteenih, amaa ginah akah abanta. Tamaa carshelle yane sin kee tenhi Maddara babbarhishnan malem taarhigin.

Filibbi 2:12

Amaydo, ko yi kaxantoolito, umman gedda akah tim-izziziiniikah, kado gantah, anu sinlih aniyuk bisa akkekkah, fertoh anu sinlih anniye waya gedda, gilix kee arharhoolih sinni garger akah taybulluyniikah ushtuqhula.

Kolossay 3:25

Umaani abati tamaa abeh yane umaanih yaffadaw kinni. Yallaalih babbarhishnan miyane.

Cibraan 12:28

Amaydo, amneqheeneqhinnixe nigsinna kabbatno kinomhi sabbatah xamdishinneyaako, xishma kee mashshiilih Yallah kabbaatimta cibaada abno.

Cibraan 4:1

Amaydo, kaa macrafadde orobaanamhi wacdi anuk, sinko walaa inketti amakke gufekkah raacamko mashshinnoo.

1 Bithroos 2:11

Yi kaxantoolito, gerha kee duleenit kitiinimhi sabbatah, tamaa sin rooxeelih dhibbayta xazottat farhiiko sinne tabbarhoona sin asuusak aniyo.

1 Bithroos 3:15

Sinni afcaadodde laakin, Masiix Maddara balih xishmatanta. Tamaa sin addadde yane cag hi sabbatah sin esserinnan tiyah radde taxawna inqirribanta.