1 Bithroos 1:15 - Saaho Cusub Cahde

¹⁵ Laakin tamaa sinah deecimeti quddus akah kinniika balih, atin gantah abinnannimidde inkoh yinqiddise mara tika.

1 Bithroos 1:15 Iomraidhean Croise

Maatiyos 5:48

Carshelle geytima sin Abba kaamil akah kinniika balih atin lel kaamil takkoona sinalle tane.”

Rooma 9:24

tamaa Yahuudko bisa akkekkah, Aki-maraako akah deecime marak nottah tayim gantah abemko?

2 Korintos 7:1

Yi kaxantoolito, inkoh ta wacde neellek sarrah, tamaa nabse kee ufaye xaraameeko ninne niysiffiyeh, Yalla mashshinneh ninni anqaddasak kaamil akko abnoo.

Filibbi 1:27

Sin ablo amiite gedda, hido dherhille aniyuk, inki ufayelle tisbitiinih, mece warehi imaanah inki afcaadoh andufuluk taniinim aabbo ciloh, sin gerhegerh Masiix mece wareh missilam yakkoo.

Filibbi 3:14

Anu tamaa abayshimat bursaaleh, tamaa sariigallat ashshowa fanah, Yallahi deeco aganaako Masiix kin Yeesusiyahi gabolle ardiyuk ane.

Filibbi 3:20

Nanu laakin ni sigimi carshelle kinni yanem, amakkeeko lel ni Gargeereena kee ni Maddara kin Yeesus Masiix ilaalak nane.

1 Tessaloniike 2:12

tamaa ishi nigsinna kee nabnedde sinah deecima Yallah missil araxalle tadawna sinalle tanemih, sinko umman tiya aaginah fayishneh aydukumusnem taarhigin.

1 Timoteyos 4:12

Ku cindhaaneh walaa inketti ku ilaace wayooki, tamaa yaamine marak waanih, adabeh, kaxanoh, imaanah, tsitstsayeh misaal akko ab.

2 Timoteyos 1:9

Usuk ni gargeereyaako quddus kin deecoh noh deecimem, ni ciyyohi sabbatah akkekkah, ishi farhi kee ishi nicmahi sabbatah kinni. Amayim lel, waqhti erherhekkah Masiix kin Yeesus araxah noh yoxoye.

Tiitos 3:14

Tamaa ni xiyaw lel, max-yeenim ten farhshishsham sinneh abitoona kee, fire hin aniinah maraanak, mece abittot hi zan akah abaanaakah labcaadoonaa.

Tiitos 3:8

Ta marhxo rumma kinni. Tamaa Yallah yaamine mari mece abittot hi zanadde hammitoona ciloh, taymidde ten dufuffuyto kok farhak aniyo. Tayim mecem kee xiyaw tamficem kinni.

Cibraan 12:14

Anqaddas hinnim Maddara yablo dhiica tiyah walaa inketti miyanemhi sabbatah, umman tiyaalih salaamadde akah martaanaakah xawalanta.

Cibraan 13:5

“Caduruh ku mixaba, ku mathlime” yerhxeh yanemhi sabbatah, sinni aniina solaadit kaxanooko dhawudhdheenih, litiinimih xedeneenit tika.

Yacqoob 3:13

Sin fanadde kas-le tiya kee fahaama leti miyatto kinni? Ishi mece xaalah kasle xiyaawinnadde ishi abitto yayballaw.

1 Bithroos 2:12

Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.

1 Bithroos 2:9

Atin laakin tamaa diteeko cibra kin ishi ifo fanah sinah deecime tiyahi mecaani warroyishshoona ciloh doorimte xiyaw, nigsinnat sheekhino, yinqiddise dik, Yalli isheh yubbuxute xiyaw kitin.

1 Bithroos 3:16

Laakin tayim xiyaawinna kee xishmaalih abanta. Tamaa atin Masiix araxah litin mece gerh-gerhih waatima mari, tamaa waatoh xoolashshiitoona ciloh, cado-qalbe abitanta.

1 Bithroos 5:10

Masiix araxah, umman geedit ishi nabnelle sinah deecime, umman caynah nabnehi Yalli, dago gedih waaxelsiitteenik sarrah, usuk sin yascassabo, sin yaysabato, sin yaysaraw kee sin sigisho kinni.

1 YOHANNIS 3:3

Kayyadde cag aallinnanti, tamaa Usuk thaahir akah kinniika balih ishe yaythihire.

Waxye 3:7

Filadelfiyalle tane kaniisahi malaykattolle taginah alle uktub: “Quddus kin tiyahi waani, rumma kinti, Dawud maftix leyaya, usuk alifem walaa inketti akko faako taanaya, usuk faakem walaa inketti akko alifo taanaya, tayim arhxuk yane:

Waxye 4:8

Ta affara ufayletti, babbarhi lixa gale leya, adda kee iroh lel intitko temmeegem kinon, bar kee lellecih lel daweena hinnim: “Quddus, quddus, quddus kinni Nabamko Naba Maddara kin Yalli, usuk yineh yaneh yamaato le tiya kinni!” arhxuk yinin.

Waxye 6:10

Wac-yerhxiinih lel: “Ko ishe dhiica quddus kee rumma kin Maddaraw, ta baarholle mara mara tafrideh ni biilohi xane akko tafdiyendah ayidhdha kok beyo kinni?” yerhxinyaako zeeren.