1 Bithroos 1:12 - Saaho Cusub Cahde

¹² Ten khidma lel sinah kibah tenah kuuk mitinem akah timidhdhige. Tayim lel tamaa carsheeko farritime Quddus kin Ufayehi araxah, mece ware sinalle warroyshe mari sinah warisheenih yanin. Tayim malaykut gantah kulux adde yarhxoona duumutak yiniinim kinni.

1 Bithroos 1:12 Iomraidhean Croise

Maatiyos 11:25

Yeesus amaa waqhtedde: “Abba, carshe kee baarhoh Maddara, ta xaajuj xikma-le mara kee maarhagitko sucusseh cindhaa cindham tiyshidhdhigemih, koh axmuduk aniyo.

Maatiyos 11:27

Yi Abbaako ummanna yoh tomxowweh tane, Abbaako bextih Barha yaarhigeti miyane. Barha kee Barhi yayshadhdhago doorime tiyaako bextih Abba yaarhigeti miyane.

Maatiyos 16:17

Yeesus lel: “Simcoon Yoonaas barha, tayim ku tuybulluwem carshelle geytima yi Abba kibah xazo kee biilo makiiki, atu baraka-letiya kito.

Markos 16:15

Usuk: “Umbuka caalamalle aduwantaaki, umbuka makhluuqhuh Mece Ware warisha.

Luukas 15:10

Amayim balih lel, Yallih malaykut-hi nifille yatoobe inki zambi-wannah xeden yanem sinak arhxiyuk ane”.

Luukas 2:26

Maddaraako yamiite Masiix ablekkah rabo makinam Quddus kin Ufayi kaa yuybulluweh yine.

Luukas 9:6

Usun lel yewciinih dikko dikille, Mece Ware aybissiruk kee ummanille urusak yuzuurin.

Yohannis 15:26

Laakin tamaa Xattiimeeni anu Abbaako faro liyo, rummaahit Ufayi, Abbaako yawceya yamiite gedda, yi zacabah yashhado kinni.

Fartottit hi Abittot 10:44

Bithroos tayim arhxih anuk, amaa waanitta yoobbe maralle inkoh Quddus kin Ufayi alle oobe.

Fartottit hi Abittot 16:10

Bawlos mablo yublek sarrah, mece ware ten naybassaro Yalli noh deecimem neerhege gedda, akkanih Makedooniya fanah nadawo ninqirribe.

Fartottit hi Abittot 2:33

Kado Yallih mizgaako nabneelih defeyek sarrah, Abbaako lel wacde akah sayeh yine Quddus kin Ufaye kabbaateyaako, atin sinneh abluk kee aabbuk xarheh yane.

Fartottit hi Abittot 4:31

Dhaaco bakeenimko sarrah, tamaa yekettiinih alle yinin makaano xumuu-terhxeyaako inkoh Quddus kin Ufayeh yemmeegiinih Yallahi waanitta mashshi hinnim wansiitoona erherhishen.

Fartottit hi Abittot 4:8

Sarrah Bithroos Quddus kin Ufayeh yemmeegeh: “Xiyaw manabottit kee naba marak,

Fartottit hi Abittot 8:25

Taykinna lel, Bithroos kee Yohannis yishhidiinih Maddari waanitta warroysheenih, Samaariyaati mango diikalle mece ware yiybissiriinimko sarrah Yerusaalem fanah gaxen.

Rooma 1:15

Amaymih, Roomalle tanemik gantah mece ware sinah warisho uguteh aniyo.

Rooma 1:17

Tamaa: “Xaqqi-wanna imaanah maro kinni” yarhxiinim tunkuttubeh akah taneekah, Yallih xaqqi erherhaako abayshima fanah imaanah caddoweh yane.

Rooma 10:15

Tamaa: “Mece ware warroysha marahi ibi ayidhdha carha mece!” yarhxiinim tunkuttubeh akah taneekah, farritime wayeenimko aaginah warroyshoona kinooni?

Rooma 15:19

Tayim lel, ishaarar kee bexsishshamhi xaylah, Yallih Ufayehi xaylah tekkem kinni. Amaymih, Yerusaalemko erherhisheh, aykee Illirikon fanah Masiix mece ware kaamilik warroysheh aniyo.

1 Korintos 2:10

Yalli tayim Ufayi araxah ni yuybulluweh yane. Ufayi lel ummannim Yallih adda raacekkah meceetih idhdhita.

2 Korintos 1:22

Ishi maxtam nolle hayeyaako, carbuunuh ishi Ufaye ni afcaadodde hayeti lel kayya kinni.

2 Korintos 6:6

lillaalih, irhga, sabre, mecaani, Quddus kin Ufaye, rummaahit kaxanoolih;

Galaatiya 1:12

Yeesus Masiix waxyehi araxah kinni kabbaatem kibah, xiyawko mikabbaatiyo, xiyawko lel milabcaadiyo.

Galaatiya 1:16

Aki-marahi addadde kaa zacabah mece ware warroysho ciloh, usuk ishi Barha yi yayballaw farhe gedda, anu walaa inkettaalih mizatteyinniyo.

Efesos 3:10

Amayim lel tamaa mango xibar le Yallih xikma, kaniisat araxah tamaa carshi makaanonulle tane reezon kee mas-uuliin yayshadhdhago ciloh kinni.

1 Tessaloniike 2:9

Yi saculo, ni ciyyo kee ni xawal tazzikkirin. Sinko walaa inkettalle cuuka nakkemko ciloh, Yallih mece ware warroyishnak bar kee lellecih nukhdume.

1 Timoteyos 3:16

Rumma lel Yallih mashshih mashthir naba tiya kinamah nashhide: Xiyawti xazotta yekkeh yumbulluwe, xaqqi-wanna kinam Ufayeh yimidhdhige, malaykutuh yumbulluwe, wathunti fanadde warroye, caalamalle akah yeemenin, nabnedde lel yumuqquce.

Cibraan 11:13

Ta mari inkoh imaanadde raben, tamaa wacde akah sayeenim lel mikabbaatinnooni, laakin amayim waacinaako yubliinih kabbaatenyaako, ta baarholle gerha kee duleenit kinoonim lel yeerhegin.

Cibraan 2:4

Yalli gantah lel shaahid yekkeyaako ishaarar, barhsime bexsishsham kee Quddus kin Ufayehi muttuxuwah ishi farhi balih keleh yane.

Cibraan 4:2

Mece wari tenalle akah warroyekah kinni nolle warroyem, laakin tamaa yoobbe maraalih imaanah tiya kuuk miyiniinimhi sabbatah, tamaa yoobbin farto ten mamfacinna.

1 Bithroos 1:25

Maddari waanitta laakin umman geddah marta.” Ta waanitta lel tamaa sinalle warroyshen mece ware kinni.

1 Bithroos 4:6

Xiyaw balih xazottat araxah ten yafrado ciloh, ufayeh lel Yalla balih maroona ciloh, taymih kinni mece wari rabtemille gantah warroyem.

Waxye 5:11

Sarrah lel kulux-erhxeh, amaa nugus-kurse kee umbuka ufayelit kee naba marahi lamma galelle mango malaykut hi dhaw oobbe. Ten manga lel nabaatih xadde hinam kee mango shiixaatah loyyimtam kuuk yine.