1 Bithroos 1:10 - Saaho Cusub Cahde

¹⁰ Tamaa sinah tamxawo le nicmahi zacabah takko-lem tuble nobowa, ta gargerti zacabah, goronishenyaako xeelaatih yimirmiriinih kinon.

1 Bithroos 1:10 Iomraidhean Croise

Maatiyos 13:17

Mango nobowa kee xaqqi-wannun atin tubliinim yabloona mangum hambeeren, laakin maballinnooni, atin taabbiinim yaabboona hambereereenih mabbinnoonim rummah sinak arhxiyuk ane.

Maatiyos 26:24

Xiyawti Barhi tamaa kaa sabbatah akah tunkuttubeekah yadiye, kaa sabbatah Xiyawti Barhi akko yandhibbirheti laakin kaa careyta! Ta xiyawti aabuke wayeh yakkeedo akah ashshe dhadhdhe” yerhxeh alle yedebbe.

Luukas 10:24

Mango nobowa kee nuguusa atin tubliinim yabloona farhen, laakin maballinnooni, atin taabbiinim yaabboona hambereereenih mabbinnoonim sinak arhxiyuk ane.”

Luukas 24:44

Amaymik sarrah lel usuk: “Tayim lel anu sinlih aniyuk, yi sabbatah Moosat Sercat, Nobowa kee Zaaburudde tunkuttubem inkoh takmalo alle tane sinak erhxeh iniyo yi waani kinni” akko yerhxe.

Yohannis 5:39

Umman geedit aniina adde geytan sinne takkaliinimhi sabbatah Kutuub goronishshan; yottah tashhidem lel tena kinni.

Yohannis 7:52

Usun: “Atu gantah Galiilaako kito? Wagiyaaki ubul, amaa wacde akah sayen nabii Galiilaako miyamiite” yerhxiinih alle yedebbin. [

Fartottit hi Abittot 10:43

Kayyah aamininnanti kaa migacalle zambi xabbot geyo kinamah nobowa inkoh kaa shohoda kinon” akko yerhxe.

Fartottit hi Abittot 17:11

Kado, talle tine Yahuud amaa Tessaloniikelle tinemko ziyaada inti faktem kuuk yinin; amaa waanitta lel naba farhiilih kabbaaten, ta gondo rumma kinam kee makinam yabloona lel max-yeenim amaa Kutuub amirmiruk yinin.

Fartottit hi Abittot 28:23

Sitta adde geyan lellec abeenih lel, tamaa usuk adde orobak yinelle mango mara yekkiinih alle yemeetin. Usuk lel dhaxiineeko kaso fanah inkoh Moosat Sercat kee Nobowaako mangum akah caddoyshak, Yeesus zacabah ten yashshamano farheyaako lel, Yallih nigsinnah zacabah akah yishhide.

Fartottit hi Abittot 7:52

Sin abbub hadane wayenti nobowaako awlih tiya kinni? Usun lel tamaa atin kado tosxoynih tisgidifin Xaqqi-wannat mumut yookomeh warishe mara yigdifin.

Cibraan 11:13

Ta mari inkoh imaanadde raben, tamaa wacde akah sayeenim lel mikabbaatinnooni, laakin amayim waacinaako yubliinih kabbaatenyaako, ta baarholle gerha kee duleenit kinoonim lel yeerhegin.

Cibraan 11:40

Amayim lel Yalli nottah tashshem yisqirribeh yinemhi sabbatah, usun notta hinnim naqhuse hin mara yakkiinimko ciloh kinni.

1 Bithroos 1:11

Tamaa tenadde yine Masiix Ufayi awlih xiyawto kee awlih waqhtehi zacabah arhxuk yinem yimirmirin. Tayim tekkem lel tamaa Ufayi, Masiix waaxelta kee katayta kaa nabnehi zacabah yookomeh yishhide gedda kinni.

1 Bithroos 1:13

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.