Zephaniah 3:9 - Syin Chin Bible

⁹ “Tua sia ciang ngam tuatuamte sungah mihingte ka kikhealsak tu a, amate in kei tung bek ah thu hong ngen in pathian dangte tungah thungen nawn ngawl tu hi. Amate a vekpi in keima thu hong ni tu uh hi.

Zephaniah 3:9 Iomraidhean Croise

Pianciilna 11:1

A masa phitin leitung buppi mihingte in kampau khat bek kinei a kammal kibang zangh uh hi.

Pianciilna 4:26

Seth in Enosh kici tapa khat nei hi. Tua hun panin mihingte in biakpiakna ah Topa ii min thiangtho law kipan uh hi.

Psalm Late 113:3

Nisuana pan nitumna ah Topa min pok vun!

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Isaiah 19:18

Tua hun a thet ciang, Egypt khuapi ngate sungah Hebrew kam kipau tu hi. Tualai a mihingte in Vaanglianbelpa Topa min suangin kiciamnate vawt tu uh hi. Khuapite sung pan khuapi khat sia, “Ni ii Khuapi” kici tu hi.

Isaiah 57:19

A naina le a khuala na ah a omte theampo tungah, thinnopna ka pia hi! Ka mihingte ka damsak tu hi.

Isaiah 6:7

Ama in meikam taw ka muk hong bitsak a, “Hisia in na muk hong bi zo hi, tu in na mawna bo siat zo a, na mawna teng kimaisak zo hi,” hong ci hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Ezekiel 37:17

Tua zawkciang a mong veve situa in a, ciangkhut khat bek bangin na khut sungah toai in.

Habakkuk 2:14

Ahihang tuipi sia tui taw a kidim bangin leitung in Topa vaangletna heakna taw kidim tu hi.

Zephaniah 2:11

Topa in amate lausak tu hi. Ama in leitung pathiante sia bangma ngawl suaksak tu a, tua zawkciang minam theampo in amate ngam tek ah ama bia tu hi.

Zechariah 14:9

Tua zawkciang Topa sia leitung theampo ii kumpipa in hong mang tu a; ama ii Pathian sia a kuama po in bia tu a, tua min taw ma in ama he tu uh hi.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Matthew 12:35

Mihing phate in a thinsung a ngaisutna pha a kholsa te sung panin pau uh a; mihing ngilote in a thinsung thusia a kholte panin kamsia pau hi.

Ephesus te 4:29

Kamsia pau heak vun, kammal manphate bek pau vun; kitaangsapna sungah a kizangh thei le hong sato thei kammalte pau vun, tua hile hong za po in, phattuamna nga tu hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.