Zephaniah 3:8 - Syin Chin Bible

⁸ Topa in, “Ngak zi vun, ka minamte ka mawsak tu ni ngak vun. Ka thin uukna ii thahatna ka heaksak nopna in minamte le kumpi ngamte khoptua tu in ka thin ka khensat zo hi. Ka thinsona meikuang in simlei bup ka kaanghthamsak tu hi.

Zephaniah 3:8 Iomraidhean Croise

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 123:2

Topa kote Pathian awng, naseampa khat in a topa suang a, naseamnu khat in a tonu a suan bangma, kote tungah hesuakna nong nei mateng in nang kong ento tawntung tu uh hi.

Psalm Late 27:14

Topa muang in, upna nei in, thinkiam heak in. Topa muang in!

Psalm Late 37:34

Topa tungah lametna nei vun a, a thupiakte ni vun; ngam le lei hong piakna taw ama in note hong patoai tu hi, tuaciang mihing seksolte a nawkeak na mu tu hi.

Psalm Late 37:7

Thinsau in Topa sep tu ngak in; a nuamsate le a sia ngealna neite ii maa tutnate hangin thinngim heak vun.

Psalm Late 62:1

Kei hong hun tu in Pathian thinsau takin ka ngak hi; Ama bekma ka suang hi.

Psalm Late 62:5

Keima in Pathian bek ka suang hi; ama ii sungah ka lametna ka koi hi.

Psalm Late 79:5

Topa awng, kote tungah a tawntungin na thin hong uuk tu ni ziam? Na thin uukna sia mei bangin kuang tan tu ziam?

Psalm Late 79:6

Nang hong bia ngawl minamte le nang tungah thu hong ngen ngawlte tungah thin uuk ta'n.

Paunakte 20:22

Ngual ii nang tungah hong khialnate thuk kik tu in ngaisun heak in. Topa muang in, ama in a maanin seam tu hi.

Solomon ii La 8:6

Keima simngawl kuama dang it heak in a, keima simngawl kuama dang koai heak in. Ki itna sia thina bangza in vaanglian a, kingaina zongh thina za in kho hi. Ki itna sia mei bangin kuang a, kaanghmei bangin lengkeak hi.

Isaiah 14:26

Hi ngealna sia leitung atu hi a, minamte daan pia tu in ka khut ka vaan hi,” ci in kiciam hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 34:2

Topa sia minam theampo le a ngalkap honte theampo tungah thin uuk hi. Topa in tuate a lalcip tu in ningkhiin zo hi.

Isaiah 63:6

Ka thin uukna taw in minam bup tuanhcil in ka sucip hi. Amate ii nuntakna chisan sia lei ah ka bua hi,” ci in zo hi.

Jeremiah 10:25

Na thin uukna sia nang hong bia ngawl minamte tung le nang hong nial mite tungah tungsak in. Amate in na mite that a; ko hong susia cipin ko ngam a sia sa in nusia uh hi.

Hosea 12:6

Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Joel 3:2

Minam theampo ka khawmtua tu a, Thukhenna Kuam ah ka paipui tu hi. Ka mite tung a, a vawt na sa theampo huvau in tua munah amate thu ka khen tu hi. Amate in Israel te ngamdang ah thethaang in, ka Israel ngam khentham uh hi.

Micah 7:7

Ahihang keima in Topa ka mitsuan tu hi; kei hong ngum tu Pathian kimuang takin ka ngak tu hi. Ka Pathian in kei hong za tu hi.

Habakkuk 2:3

Lai taw at in, banghang ziam cile tuasia a taangtut tu hun theng ngawl lai hi. Ahihang hun sia a manlangin hong theng tu a, kong lak sia taangtung tu hi. Hong pian tu haisaang thei tha tu hi, ahizong tuasia ngak in; hong piang tatak tu a, hong haisaang ngawl tu hi.

Zephaniah 1:18

Tua ni in Topa in a thinsona hong lak ciang a ngunn a khamh te theampo zongin amate a hun zo buatu hi. Leitung bup sia a thin uukna meikuang in susia tu hi. Leitung a teang mihing theampo bona — thakhat thu in a bona — ama in tungsak tu hi.

Haggai 2:22

kumpi ngamte lumletin a thahatna ka bosak tu hi. Ngalleangte le a hawlte ka sawnthal tu hi; siphute thi in, a tung tote khat le khat kithatlum tu hi.

Matthew 25:32

tuaciangin minam theampo ama mai ah kikhawm tu hi. Tua zawkciangin ama in tuu cing khat ii tuu le keal a khen bangin pawl nii in khen tu hi.

2 Peter 3:10

Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

Thupualaakna 16:1

Vantunglalang salite tungah biakinn panin awnging tatak khat in: “Pai tavun a, Pathian thin uukna khawbeam salite leitung ah sungsuk tavun!” a ci ka za hi.

Thupualaakna 16:14

Amate sia nalamdang laknate a vawt doaite thaa ahi uh hi. Vaanglianbelpa Pathian ii ni thupi Ni in, ngal kidona sungah a khawmtua tu in leitung kumpipate theampo kungah hi thaa thumte pai uh hi.