Zephaniah 3:6 - Syin Chin Bible

⁶ Topa in “Minam theampo ka maaimot zo hi; a khuapite ka susia a, a luphungte le a tausaangte a siacip sa in ka nusia hi. A khuapite kitaisan a; lampite a tawn om ngawl a — mihingte kuama om nawn ngawl hi.

Zephaniah 3:6 Iomraidhean Croise

Isaiah 14:26

Hi ngealna sia leitung atu hi a, minamte daan pia tu in ka khut ka vaan hi,” ci in kiciam hi.

Isaiah 37:36

Topa ii vantunglalang khat Assyria te ngiaphual ah pai in ngalkap 185,000 thatlum hi. A zing ciang zingsang khuavak tuungin tua munah amate a thi siatsa in kisial hi!

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Jeremiah 9:12

Keima in, “Topa awng, hi ngam sia kuama khualhaw ngawl natu in banghangin kisia cip a sennealngam bangin kongaw ziam? Akua in hi bang thute a tel thei tu za in ciim tu ziam? Midangte tungah sonsawn thei tu in akua tungah na thiang son zo ziam?” ci in ka dongh hi.

Thiampite 26:31

na khuapite ka lalcipsak tu a, na biakna munte siasak in, na sangaw biakpiaknate kong saang buatu hi.

Zephaniah 2:5

Tuipi hui ah a teang no Philistine mite awng, a lal hi zo nu hi. Topa in no tungah thukhen zo hi. Ama in hong susia tu a, khat zongh na taang buatu uh hi.

Zechariah 7:14

Amate ngamdang ah a teang tu in, vuipi suangval bangin ka niil keak hi. Hi ngampha na sungah a teang om ngawl a, ngamtongta in kinusia hi,” ci hi.

Matthew 23:38

Tua ahikom Biakinn sia kitaisan tu a, a hawm in om tu hi.

1 Corinth te 10:11

Hi thupiang theampo sia ngual ii ettee tu lim hi a, eite kidop thei natu in lai sungah a kiciamtee ahi hi. Banghang ziam cile leitung bo kuan hun sungah eite ih om hi.

1 Corinth te 10:6

Tu in hite theampo sia eite atu in, ettee tu lim hi a, amate dei bangin a sia nate ih dei ngawl natu kidopna hong piakna hi,

Joshua 23:4

Ngamsung minam a taanglai te ii leitang sia noma namte atu kong pia zo a, nisuana Jordan ngun pan nitumna Mediterranean Tuipi dong ka zawthal sa minam teng ii ngam zongh kong khensak zo hi.