Biblia Todo Logo
Bìoball air-loidhne

- Sanasan -




Zephaniah 3:5 - Syin Chin Bible

5 Ahihang khuapi sungah Topa om lai hi; ama in a maan bang seam a, a hi ngawlte vawt ngeingawl hi. Zing sim a pealmaw in a mite tungah thutang lak hi. Tua hi napi thutang ngawl mite in a maan ngawlte ma vawt tan viuveu a, a mai uh zum ngawl hi.

Faic an caibideil Dèan lethbhreac




Zephaniah 3:5
41 Iomraidhean Croise  

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.


No a tel thei pasalte awng, hong ngai tavun! Vaanglianbelpa Pathian in a maan ngawl naseam tu ziam?


Zing simin ama na vil a, a minit simin ama na ze et hi.


Pathian in thutang lumlet ngeingawl hi; ama in a maan ngawl vawt ngeingawl hi.


Topa in ama ii sepna theampo sungah thutang a, a ngamtatna sung theampo ah hesuak thei hi.


ama in na thutang sia sun ni bangin hong taangsak tu hi.


Hisia in Topa thumaan a, kei hong hungpa sia khial ngawl hi ci in lak hi.


Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”


Tuasia in note sia zing khat zawk zing khat hong suu kikik tu hi. Sun zong zan zong na thuak uh kul tu hi. Topa kung pan hong pai thuthak khat sim in, patauna thak veu hong puak tu hi!


Topa awng, kote hong hesuak ta'n. Ka lamet uh sia nangma na hi hi. Ni khat zawk ni khat kote hong khoi ta'n a thinngim hunin, hong hun ta'n.


Hong pai tavun a, na thu uh zum ah son vun; thu neite khat le khat kikum hen. Thupiang tute akua in taanghlai in sonkhol ziam? A mite a ngum Pathian, Topa sia keima hi ngawl kana khi ziam? Keima ngawl pathian dang om ngawl hi.


Vaanglianpipa Topa in a ngim a toite ka thahatsak thei natu in ka pau tute hong hil zo hi. Ama ii hong hil tute ka ngai thei natu in zing simin ama in kei hong thalawpsak hi.


Tua hu in nguatui hang a, khuapi nguazu ngawl hi. Numei kizuak khat taw na kibang hi; maizumna na nei bua hi.


Hi a kiihuai nate a vawt uh hu in amate a maizum ziam? Hi ngawl hi, maizum dek ngawl a; maizum natu zia zongh he ngawl uh hi. Tua ahiciang midangte ii puk bangma in amate puk tu uh hi; amate daan ka piak ciang, amate bona hi tu hi. Keima Topa in ka son zo hi,” hong ci hi.


Ka mite awng, hi a kiihuai nate na vawt uh manin na mai uh a zum ziam? Hi ngawl hi, na mai uh zum vet ngawl hi; maizum natu zia zongh na he bua uh hi! Tua ahikom midangte puk bangma in na puk tu uh hi; daan kong piak ciang na bona uh hi tu hi. Keima Topa in ka son zo hi.


zing khuavak bangin thak suak tawntung a, nisuak pealmaw bang ahi hi.


“Ahihang, ‘Topa sepna maan ngawl hi’ na ci uh hi. Israel te awng kei hong ngai tavun. Na ka sepzia sia maan ngawl hi ci in ngaisun nu ziam? A maan ngawl sia noma ngaisut zia hi zaw hi.


Khuapi ii pangh li teng a kiim uum pang sia ii sauna kingawm sia metre 9,000 pha hi. Tu pan kipan tua khuapi ii min sia, ‘Hi munah Topa om hi!’ “Jehovah Shammah” hi tu hi.


Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.


Tua hu in no kungah thukhenna le lalsakna thu puakin ka kamsaangte kong paisak zo hi. Note tung pan ka dei thu sia thiang a kitel sinsen hi:


Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.


Eite in Topa tungah ih maw zo hi, tua ahikom tu in ama ii thin uuk tutna tawmvei ih thuak kul tu hi. Ahihang a tawpna ah ama in eite hong dal tu a, ei tungah hong kitat khialnate a maan taw hong laihsak tu hi. Ama in khuavak sung hong then tu a; hong ngupna ih mu dong ih nungta tu hi.


Tuabang ngimnate banghangin hong musak ni ziam? Tuabang tatkhialnate en in bangbangin thuak zo ni ziam? Siatna le ngongtatnate ka kiimkot ah om a, kihauna le kidona mun theampo ah om hi.


A maizum maw minam awng,


A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.


Topa in na daan thuakna bosak zo hi; Na ngalte theampo hong hepsak hi. Topa, Israel kumpipa sia note taw omkhawm hi; tu in bangma lau natu thu om ngawl hi.


Topa na Pathian in nang taw omkhawm hi; ama ii thahatna in zawna hong pia hi; Topa in nang tungah lungdam tu hi, tuaciang ama ii itna sungah nuntakna thak hong pia tu hi. Ama in lasa tu a, na tungah lungdam tu hi.


Topa in khuapi huu tu in ama mama khuapi kiimkot a mei luphung khat hi tu a, ama tua munah a vaangletna theampo taw a teang tu in kamciam pia zo hi va ci ta'n,” ci hi.


Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.


A kisiin theampo kihong tu a, thuku a minpiang kipholaak tu hi.


Ahihang note na thin uh pui in na lungtang uh sak hi, tua ahikom Pathian sia thin uukna le thutang taw thu a khen Ni ciangin na daan khak tu uh sia a nasia seseam in hong kilangh tu hi.


Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.


Na ngiaphual sia biakna taw kisai in thiangsak vun, banghang ziam cile hong keam tu le na ngalte hong zosak tu in Topa na Pathian sia na ngiaphual sungah note hong ompui hi. Topa ii hong nungngat natu za dongin a deihuai ngawl bangma vawt heak vun.


“Topa sia note hong dal a hatbelpa hi a, A sepzia theampo kicing in maan hi; Na Pathian thumaan in thutak a; Ama in a maan le a pha in seam hi.


Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.


Lean sinn:

Sanasan


Sanasan