Zephaniah 3:4 - Syin Chin Bible

⁴ Kamsaangte in sep nop vacin nei ngawl a, thimthel uh hi; thiampite in a thiangtho nate ninsak in, Pathian thukhamte amate phattuam natu in deikai uh hi.

Zephaniah 3:4 Iomraidhean Croise

Isaiah 9:15

A khanghaam le a zatak huai pasalte sia a lu hi a — leilot thu a hil kamsaangte sia a mei ahi hi!

Jeremiah 23:32

Keima, Topa ii ka ci sia ngai vun! Leilot thu nguaktang ahi amate ii mangte a son kamsaangte ka langpan hi. Amate in hi mangte sonin a leilotnate le a kisaktheina uh taw in ka mite lam khialpui uh hi. Amate ka paisak bua a, thu zongh ka pia bua hi, mihingte atu in amate kimanna nei vet ngawl hi. Keima Topa in ka son zo hi,” ci hi.

Jeremiah 5:31

kamsaangte in leilot thu bek son uh hi; thiampite in kamsaangte thupiakna bangin uk uh a, ka mite in nalh ngawl uh hi. Ahihang a tawpna hun a thet ciang amate in bang law tu uh ziam,” ci hi.

Jeremiah 8:10

Tua ahikom a lote sia ngual lo nei thak te ka pia tu a, a zite sia pasal dangte ka pia tu hi. A lian a no a vekpi in thumaan ngawlin sum vawt sawm uh hi. Kamsaangte le thiampite ngawngawn ngualtheam uh hi.

Kaa late 2:14

Na kamsaangte in leilot thu ngawl po nang tungah son tu nei ngawl hi. Na mawna a pholaak ngeingawl amate thuhilna taw nang hong theam ahi hi. Amate in na kisii kik tu a kul ngawl tu dongin hong ngaisunsak hi.

Ezekiel 22:26

Thiampite in ka thukham paltan a, a thiangtho na te ciliap ngawl hi. Amate in a thiangtho nate le a thiangtho ngawl nate a khen bua uh hi. Amate in na a thiangthote le a nin kilamdanna hil ngawlin, Sabbath a melsia uh hi. Tua taw kizui in Israel mite in kei hong zakta bua uh hi.

Ezekiel 22:6

Israel lampuite theampo in amate thahatna suangin tual a that uh hi.

Ezekiel 44:23

“Thiampite in ka mite tungah biakna taw kisai a thiangtho le a thiangtho ngawlte kilamdanna le a zeksa ngeina thiangtho le a thiangtho ngawlte hil tu hi.

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Malachi 2:8

“Ahihang tu in no thiampite in lampi maan panin na pial zo uh hi. Na hilna in mihing tam mama khialsak hi. No taw ka vawt thuciam sia paltan zo nu hi.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

2 Corinth te 11:13

Tua mihingte sia sawltak tatakte hi ngawl hi — amate sawltak maan ngawlte hi a, a nasepna huvau leilot in Christ sawltak tatak te bangin a kimealsealte ahi uh hi.

1 John 4:1

Ka it lawmte awng, Thaa ka nei a ci theampo na um heak vun, ahihang amate nei thaa sia Pathian kung pan hong pai ahile ahi ngawl na sittel tavun. Banghang ziam cile mun theampo ah kamsaang maan ngawlte pai kawkoai zo uh hi.

Thupualaakna 19:20

Nganhing le tua nganhing omna mai ah, nalamdang lakna a vawt leilot kamsaangpa kiman khawm hi. (Nganhing tepteena a neite le, nganhing milim a biate sia, nalamdang laknate taw ama in theam zo hi) Nganhing le leilot kamsaangpa sia, kaan meikuang meili sungah a hingtang in kivawk khawm hi.

Thukhente 9:4

Amate in Abimelech sia Thuciamna-ii-Baal biakinn panin ngunntang sawmsali pia uh hi, tuaciang tua sum taw ama in mi ngina ngawl honkhat ama taw koppui tu in cial hi.

1 Samuel 2:22

Tu in Eli sia huai mama zo hi. Ama in a tate ii Israel mite tungah a ngamtatna theampo zaza a, Topa ompuina Puanbuk kongbiang a na a seam numeite ngawngawn luppui uh hi, ci in za hi.