Zephaniah 3:3 - Syin Chin Bible

³ A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Zephaniah 3:3 Iomraidhean Croise

Paunakte 28:15

A seksol ngamuk khat ii lang ah, mizawngte a hu tu a om bua hi; ama sia tawpi hawk le an zongin a vakkot vompui bangin kiitakhuai hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 5:29

Ngalkapte sia, tawpite in ngam sa khat man a, amate kung pan kuama ii a laaksak thei ngawl natu munah tua in, a hawk bangin au uh hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 23:11

Topa in, “Kamsaangte le thiampite Pathian sel uh a; ka Biakinnpi sung mama ah a tatsiat laitak ka man zo hi.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Ezekiel 22:6

Israel lampuite theampo in amate thahatna suangin tual a that uh hi.

Ezekiel 33:26

Na namsaute suang nu hi. Na ngamtatna uh thasiathuai hi. Mihing theampo in palngul mawna vawt nu hi. Hi leitang sia noma neisa hi ci in, bang in hong ngaisunsak ziam?

Habakkuk 1:8

“A siphute pawlbeam sangin manlang zaw a, ngia ngilkialte sangin kiitakhuai zaw hi. A siphu ngalkapte ngam khuala pan hong pai a; a siphute in lei khuat uh hi. Muvanlaite suktun in a mat tute a zap bangin amate hong pai uh hi.