Zephaniah 3:16 - Syin Chin Bible

¹⁶ Jerusalem tungah amate ii hi bangin a ci tu hun hong theng tu hi, “Lau heak in, Zion khuapi awng! Na khutte zawsak in khia vanuang heak in!

Zephaniah 3:16 Iomraidhean Croise

Job 4:3

Mi tam na hil zo a, tha zawngkhalte tha na pia zo hi.

Isaiah 25:9

Tuasia a pian ciang, mihing theampo in, “Ama ih Pathian hi! Ama ka muang zo uh a, ama in hong suatak zo hi. Ama in Topa hi! Ama ka muang zo uh a, ama in kote hong ngum zo ahikom. tu in lungdam thinnuamin ka om uh hi” ci tu uh hi.

Isaiah 40:9

Jerusalem awng, mualsaang khat tungah kaato in lungdamna thupha thangsak in! Zion awng, nging takin au keakin, lungdamna thupha taangko in! Lau ngawlin son khe in. A Pathian uh hong pai tu hi ci in Judah khuate tungah son vun!

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 44:2

No hong bitphua Topa ka hi hi; na sua hun pan kipan, kong hu zo hi. Lau heak in; nangma in kong it kong teal mi, ka naseampa na hi hi.

Isaiah 54:4

Lau heak in — na mai hong kimawlsak kik ngawl tu hi; hong kizawngsak ngawl tu hi. A khangmoi zi khat bangin na thumaan ngawlna le, meingong khat bangin, thinkiam a na lunglen mamana te na mangil tu hi.

Joel 2:21

“Lote awng, lau heak vun, Topa hong sepsak sate hu in lungpil in lungdam vun.

Zechariah 8:13

Judah le Israel mite awng! Hun bosa sungah ngamdangmite khat le khat, a kihaamsiat uh ciangin ‘Judah le Israel mite tungah a tung tuasiatnate ma no tungah hong tung tahen’ kici uh hi. Ahihang note kong hun tu a, tuaciang tua ngamdangmite khat le khat in, ‘Judah le Israel te tungah a theng thuphate ma nga tavun!’ kici tu uh hi. Tua ahikom hangsan vun a, lau heak vun.”

Zechariah 8:15

Ahihang tu in Jerusalem le Judah mite thupha piak ka sawm hi. Tua ahikom lau heak vun.

John 12:12

A zing ciangin Paisan Poai siim tu in hong pai mihonpi in, Jerusalem khua ah Jesus hong pai natu thu za uh hi.

2 Corinth te 4:1

Pathian in ama ii hong hesuakna taw hi nasep tu hong pia ahikom ka thin uh a kiam bua hi.

Galatia te 6:9

Tua ahikom na pha sepna sungah toi kisa bua tawng; banghang ziam cile thinkiam in tawp bua po leang ih anlaak tu hun hong theng tu hi.

Ephesus te 3:13

Tua zawkciang, note atu in thuak ka hihang, na thin a kiam ngawl natu in kong thuum hi; tuate theampo sia noma phattuam natu ahi hi.

Hebrew te 12:12

Tua ahikom na khut uh a kha le laamto vun a, a huang vadil na khupte uh hatsak vun.

Thupualaakna 2:3

Note na thin uh uai a, kei atu in thuakin, na thin uh na thasua bua uh hi.