Zephaniah 3:12 - Syin Chin Bible

¹² A kiniamkhiak, a thinnip mite tualai ah ka nusia tu a, kei kungah hu ngenin hong pai tu hi.

Zephaniah 3:12 Iomraidhean Croise

Ezra 9:8

Tu in hun tomno sung teng kote Pathian, Topa awng, ko tungah nong thuthiam a, mi pawlkhat sila pan nong suatak a, hi mun thiangthona ah thin muang takin nong teangsak hi. Saltanna pan nong suaktasak a, nuntakna thak nong pia hi.

Psalm Late 37:40

Topa in amate hu a suatak hi; ama in mihing ngilote khut sung panin hun hi, banghang ziam cile amate a dal tu in ama zuan uh hi.

Isaiah 14:30

Topa in ama mi a cimaw mizawngte ii tuucing pa hi tu a, thinmuang takin nungtasak tu hi. Ahizong ama in no Philistine mite tungah nasia takin kialpi hong tungsak tu a, khat zongh hong hingkhoai ngawl tu hi.

Isaiah 14:32

Philistia ngam pan hong pai kamtaite tung bangbang son tu khu ziam? Topa in Zion khua kipsak zo hi, tuaciang a ngim nga ama ii mite sia tua munah ngammuanna nga tu hi, ci in amate ka son tu uh hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 50:10

Topa zakta in, a naseampa thu a ni note theampo awng, na paina uh lampi zing tatak tha tu hi, ahihang Topa muangin, na Pathian uh suang vun.

Isaiah 6:13

A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)

Jeremiah 17:7

“Ahihang kei hong muangte ahile thupha ka pia tu hi.

Jeremiah 50:20

Tua hun a thet ciang, Israel ngam ah mawna khialna kimu ngawl tu a, Judah ngam ah seksolna om ngawl tu hi, banghang ziam cile a nuntakna ka kheet lai mihingte ii mawna ka maisak tu hi. Keima, Topa in ka son zo hi,” ci hi.

Ezekiel 6:8

“Kithalupna pan pawlkhatte ka suaktasak tu a, ngam tuatuamte ah kithethaang tu hi,

Micah 5:6

Ngalhiam tha hatna taw amate in Nimrod ii leitang Assyria sia zothal tu hi, tuaciang Assyria te in ih ngam hong sim ciang amate in eite hong hun tu hi.

Nahum 1:7

Topa pha hi; ngimna hun sungah a mite sungsia hi; Ama kung a zuante ama in keamthiam hi.

Zechariah 11:11

Tua ahikom tua thuciamna sia, tua ni in kiphiat hi, tuu a zuak le a leite in kei hong en nginge a, ka sep ka vawtte tungtawnin Topa in thuson ahi hunlam he uh hi.

Zechariah 11:7

Tuu a lei, a zuakte in kei hong cial a, kei sia a kingo tu tuute a cingpa ka suak hi. Ciangkang nii ka la a: khat sia “Maipha piakna” ka ci a, a dang khat sia ‘Kilomkhatna’ ka ci hi. Tuaciang tuuhonte ka cing hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Matthew 12:21

Tuaciang ama ii tungah minam theampo in lametna nei tu hi”.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Romete 15:12

Isaiah zongh in, “Jesse suan khat hong piang tu a; ama in Gentile te a uk tu in hong pai tu hi, tuaciangin amate in ama ii tungah, lametna nei tu hi,” ci hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

1 Peter 1:21

Ama thina pan a thosak, minthanna a pia Pathian sia ama tungtawnin na um uh hi; tuaciang note upna le lametna sia Pathian tungah kibul hi.