Zephaniah 3:10 - Syin Chin Bible

¹⁰ Ngam khuala Ethiopia pan ngawngawnin a kithethaang ka mite in kei tungah biakpiakna hong pia tu uh hi.

Zephaniah 3:10 Iomraidhean Croise

Psalm Late 68:31

Egypt ngam panin tongciin uliante hong pai tu hi; Ethiopia mite in Pathian tungah a khutte laamto in thungen tu uh hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 11:12

Topa in a kithethaang Israel le Judah mite kaikhawm kikin, leitung kiing li panin a ciapui kik natu thute sia minamte a lak natu in lim lakna laandial khat phut tu hi.

Isaiah 18:1

Ethiopia ngunte ngalkhat ah ngam khat om a, tualai ah thaphil nging kiza hi.

Isaiah 18:7

Ngunte ii khentan hi ngam, a thahat a vaanglian hi minam, a tun saangin a ciineal, leitung theampo ii a kiitak hi mihingte tung panin biakpiaknate Vaanglianbelpa Topa ii a saan thei tu hun khat hong theng tu hi. Vaanglianbelpa Topa a kibiakna mun, Zion Mual tungah amate hong pai tu uh hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

John 7:35

Jew thuneite in, amate teng kikum uh a, “Ei mu ngawl tu in, ama koisung pai sawm ziam? Ih mihingte teenna Greek khuapite ah ama pai in, Greek mite hilcian tu ziam?

Sawltakte 24:17

“Kum tam mama sung Jerusalem ka nusiat zawkciang, ka mite kungah sum pawlkhat kengin, sangaw biakpiakna vawt tu in, tua munah ka pai hi.

Sawltakte 8:27

Tua ahikom Philip in kithoai in pai hi. Tu in Ethiopia kumpinu ii sum kholna a uk cil kinget Ethiopia mi a thupi ulian khat sia a inn ah cia tu in pai hi. Ama sia Jerusalem ah Pathian bia tu in a theng hi a, a siphu ngalleang taw cia kik hi. Tuabangin a cia kawmin, Isaiah thubu sim hi.

Romete 15:16

Jesus Christ ii naseampa hong suasak hang ahi hi. Thaa Thiangtho ii a aap Gentile te, Pathian ii saan thamman biakpiakna ahi thei natu in Pathian tung panin hong pai Lungdamna Thupha hil in thiampi khat bangin ka diang hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.