Zephaniah 3:1 - Syin Chin Bible

¹ A mite a zothaw, tatsia in ngalphuang nuam Jerusalem khuapi a lal hi zo hi.

Zephaniah 3:1 Iomraidhean Croise

Isaiah 30:12

Ahizong Israel te ii a thiangtho Pathian in, “Kei kong sonte thusim ngawlin zawthawk tatna le theamna na suang uh hi.

Isaiah 5:7

Israel sia Vaanglianbelpa Topa ii sapithuan hi; Judah mite sia ama suan sa sapitkungte ahi hi. Topa in amate a pha vawt tu in muangmaw a, ahihang amate in tual that zaw uh hi. Ama in amate sia a maan bang seam tu in muangmaw a, ahihang amate ii a vawtsiatte in thumaanna dei in kap uh hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 5:23

Ahihang no mihingte! Na thin uh pui in nong langpan uh hi; Kei nong pial uh a nong nusia uh hi.

Jeremiah 6:6

Vaanglianbelpa Topa in Jerusalem uumci natu in thing kungte phukin leivumte a vawt natu in hi kumpite thupia hi. Ama in, “Keima in hi khuapi daan ka pia tu hi, banghang ziam cile hi khuapi sia kizawthawkna taw kidim hi,” ci hi.

Jeremiah 6:7

Tuikhuk in a tui a thiansak tawntung bangin, Jerusalem khua in a siatna thaksua tan hi. Khua sungah ngoltolna le suksiatna thu ka za a; ci natna le liamnate vive ka mu hi.

Ezekiel 22:29

Sumhaute in ngual theamin suttol uh hi. Amate in a zawngte vawtsia a, ngamdangmite tung pan hamphatna la uh hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Ezekiel 23:30

hi teng na tungah hong tungsak hi. Nang sia ngam tuatuam te a tu pumpi zuak na hi a, milimte taw nangma le nangma na kininsak zo hi.

Thiampite 1:16

A longtawl le a tawl sungah a om teng la tu a, vut koina, biaknatau ii nisuana sangah vawk tu hi.

Amos 3:9

Ashdod le Egypt kumpi innte sung a teangte munah hi bangin taangko vun: “Samaria kiimkot mualte tungah kikhawm vun a, tua munah a nasia mama buaina le khialna liante en vun.”

Amos 4:1

A thaneamte vawtsia a, mizawngte a nengniam, na pasalte ii zuhang hong piak tan tu a ngen, pha takin a kivaak, Bashan a khuipuite bangin a thau, no, Samaria numeite awng, hi thu ngai vun!

Micah 2:2

Amate in lote a dei uh ciang suttol uh hi; innte a dei uh ciang laksak uh hi. A kuama po ii innkuan, ahibuale neisa bit ngawl hi.

Zechariah 7:10

No sungah hong teang ngamdangmite, meingong tangate ahizong, a cimaw dangte ahizong, zothaw ngawl tu nu hi. Khat le khat kisuksiat natu a nanamin sawm ngawl tu nu hi.’

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”