Zephaniah 2:9 - Syin Chin Bible

⁹ Israel te ii Pathian, a nungta Topa ka hi bangma in Moab le Ammon sia Sodom le Gomorrah bangin kisusia tu hi, ci in ka kiciam hi. Tuate sia cikhukte le a laltham top, lopa bek pona mun suak tu hi. Ka mi a nungta laite in amate vanh suttol tu a, a ngam laaksak tu uh hi,” ci hi.

Zephaniah 2:9 Iomraidhean Croise

Isaiah 11:14

Amate in nitumna sangah a teang Philistine mite sim khawm tu a, nisuana sangah a teang mite do khawmin suttol tu uh hi. Amate in Edom le Moab mite zothal tu a, Ammon mite in amate thu ni tu uh hi.

Isaiah 25:10

Topa in Zion Mual dal tu hi, ahihang nganhing eak sungah taangphawte a kitotcil bangin Moab mite kituanhcil tu hi.

Isaiah 49:18

Na kiim na paam khuadak kawkoai in bang thupiang ziam en in! Na mite kikhawm uh a — inn ah hong cia uh hi! Keima in a nungta Pathian ka hi tatak bangma in, mothak khat in a kizepna suangmanpha a kiphatsak pui bangma in na mite hangin na kiphasak tu hi.

Jeremiah 46:18

Vaanglianbelpa Topa Keima sia kumpipa ka hi hi. A nungta Pathian ka hi hi. Mual dangte sangin Tabor mual a saan zawk bangin, Carmel mual sia tuipi tungah dawk to in a saan bangma in, No hong sim sia pa ii thahatna zongh lian tu hi.

Jeremiah 48:1

Vaanglianbelpa Topa in Moab ngam taw kisai hi bangin ci hi: “Nebo khua mite hesuak vun — a khua kisusia hi! Kiriathaim khua kila zo a, a kulh lianpi kipheltham zo hi, a mite maizum kingasak zo hi;

Jeremiah 49:1

Ammon thu Topa in hi bangin son hi: “Israel pasalte koisungah om ziam? A ngam a hung tu kuama om ngawl ziam? Banghangin Gad minamte ii ngam sia Molech pathian a bia mihingte in lasakin tua munah teangsak ziam?

Jeremiah 49:18

Sodom khua, Gomorrah khua le a kiim a khuate a kisiatsak lai bangin Edom khua kisiasak tu hi. Tua munah kuama teang kik ngeingawl tu hi. Keima, Topa in ka ci zo hi.

Jeremiah 49:33

Hazor ngam sia a tawntungin sennealngam kisuaksak tu a, ngiate bek tua munah teang tu hi. Tua munah kuama teang kik ngeingawl tu hi. Keima, Topa in ka son zo hi,” ci hi.

Jeremiah 50:40

Sodom khua, Gomorrah khua le a nai a khuate ka suksiat bangin Babylon ka susia tu hi. Tua munah kuama teang kik ngeingawl tu hi. Keima, Topa in ka ci zo hi.

Amos 1:13

Topa in, “Ammon mite maw kikik khial kikik ahiciang amate daan ka pia tatak tu hi. Amate in ngamkeau ngal kisimna sung Gilead khua ah naupaai numeite ngawngawn ii ngil kuikeak uh hi.

Amos 2:1

Topa in, “Moab mite maw kikik khial kikik ahiciang amate daan ka pia tatak tu hi. Amate in Edom kumpipa ii ngute sia zawnsak vawtin haltham a, vut suaksak hi.

Zephaniah 2:14

Tua mun in tuuhon, khuihon le nganhing namcin tatna mun hi tu hi. Tua a lalsa munah simbute teangin khelkite panin haam tu hi. Kongkha saamkiil tungah va-akte haam tu hi. A inn sakna thingkal ahi cedar thingte kilakeak tu hi.

Zephaniah 2:7

Judah mi a nungta laiteng in na leitang uh la tu hi. Amate in a ngan honte thana in nei tu a, Ashkelon innte ah ngiak tu uh hi. Topa a Pathian in amate taw omkhawm tu a, amate nuamsasak kik tu hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zechariah 2:13

Ama sia a teenna mun thiangtho panin hong pai ahiciang mi theampo awng, Topa mai ah thim dide in om vun.

Mi Simna 14:21

Ahizong keima in a nungta takpi Pathian ka hi a ka ompuina in leitung theampo a dim takpi bangin,

Romete 14:11

Banghang ziam cile laithiangtho in, “A nungta Pathian ka hi bangma in, mihing theampo ka mai ah khupdin tu a, tuaciangin mihing theampo in kei sia Pathian ka hina pualaak tu uh hi, Topa in ci hi,” ci hi.

Thuhil kikna 29:22

“Mailam khang kikte sungah na suan na paalte le ngam khuala pan ngamdangmite in na ngam sungah Topa ii hong puak tuasiatnate le ngim thuaknate mu tu uh hi.

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.