Zephaniah 2:8 - Syin Chin Bible

⁸ Topa Vaanglianbelpa in, “Moab le Ammon mite in ka mite a zawnsakna, a nomuna le, a ngam ka sut tu hi ci in a kiphatsakna zongh ka za zo hi.

Zephaniah 2:8 Iomraidhean Croise

Pianciilna 19:37

A tanu uzaw in tapa khat nei a, Moab ci in minphuak hi. Ama in tu hun a, Moab te ii pianna taanghpupi ahi hi.

Pianciilna 19:38

A tanu nozaw zongh in tapa khat nei a, Benammi ci in min phuak hi. Ama in tu hun a Ammon te pianna taanghpupi ahi hi.

Isaiah 15:1

Hisia sia Moab taw kisai thupuak khat ahi hi. Zan khat thu in Ar le Kir khuapite kilalcipsak a, Moab ngam thim dide hi.

Isaiah 16:6

Judah mihingte in, “Moab mihingte bang zata in kiphasak ci thu ih za zo hi. Amate a kisaktheina le a kiletsakna ih he hi, ahihang amate ii kisuantaakna sia a luithawthong hi,” ci uh hi.

Jeremiah 12:14

Topa in, “Israel ka mite tungah ka piaksa ngam a siasak Israel ii ngam paamte thu taw kisai son tu thu pawlkhat ka nei hi. Keima in tua mi seksolte sia a kizunglok keak thingkung khat bangin amate ii ngam panin ka la keak tu a, amate khut sung pan Judah mite ka suatak tu hi.

Jeremiah 48:1

Vaanglianbelpa Topa in Moab ngam taw kisai hi bangin ci hi: “Nebo khua mite hesuak vun — a khua kisusia hi! Kiriathaim khua kila zo a, a kulh lianpi kipheltham zo hi, a mite maizum kingasak zo hi;

Jeremiah 49:1

Ammon thu Topa in hi bangin son hi: “Israel pasalte koisungah om ziam? A ngam a hung tu kuama om ngawl ziam? Banghangin Gad minamte ii ngam sia Molech pathian a bia mihingte in lasakin tua munah teangsak ziam?

Kaa late 3:61

“Topa awng, amate ii kei hong lan nate na za zo hi, amate ii hong thasawm nate theampo na he hi.

Ezekiel 21:28

“A thithei mihing awng, kam saanna son in. Israel a zawngsak Ammon te tungah Kei, Vaanglianpipa Topa ii ka ci teng taangko in. Amate munah hi bangin son in: Namsau khat sia a susia tu in kinging zo hi: Khualeng bangin a tee vazal tu, a that tu in kinawt thiang zo hi.

Ezekiel 25:1

Topa in kei hong paupui hi.

Ezekiel 35:12

Tuaciangin, nangma in, Israel mualte sia a ngamtongta suak a, ka siasak hial zong keima thu hi zo hi, ci in nomuna taw na paunate Keima Topa in za ka hi hunlam na he tu hi.

Ezekiel 36:2

Keima, Vaanglianpipa Topa ii ka son tu thute hi bang hi: Israel ii a ngalte in eenna taw en in, ‘Tu in tua taanghlai mualte sia koma aa hi!’ ci hi.

Amos 1:13

Topa in, “Ammon mite maw kikik khial kikik ahiciang amate daan ka pia tatak tu hi. Amate in ngamkeau ngal kisimna sung Gilead khua ah naupaai numeite ngawngawn ii ngil kuikeak uh hi.

Amos 2:1

Topa in, “Moab mite maw kikik khial kikik ahiciang amate daan ka pia tatak tu hi. Amate in Edom kumpipa ii ngute sia zawnsak vawtin haltham a, vut suaksak hi.

Zephaniah 2:10

Moab le Ammon mite kiphatsakna, a kisaktheina le vaanglianbelpa Topa ii mite a selno hu in daan a piak tu zia sia tuabang ahi hi.

Joshua 5:9

Topa in Joshua mun ah, “Tu ni in Egypt ngam ah saltaang in na min daina uh teng ka bosak hi,” ci hi. Tua hu in tua mun sia Gilgal kici hi, tu dong ma in kina lai hi.