Zephaniah 2:7 - Syin Chin Bible

⁷ Judah mi a nungta laiteng in na leitang uh la tu hi. Amate in a ngan honte thana in nei tu a, Ashkelon innte ah ngiak tu uh hi. Topa a Pathian in amate taw omkhawm tu a, amate nuamsasak kik tu hi.

Zephaniah 2:7 Iomraidhean Croise

Pianciilna 50:24

Ama in a suapuite tungah, “Kei a thi nai tu ka hi hi, ahizong Pathian in note hong keam tatak tu a, hi ngam pan, Abraham, Isaac le Jacob te tungah a ciliap huai takin a kamciamna ngam ah hong paipui nanak tu hi,” ci hi.

Psalm Late 80:14

Vaanglianbelpa Pathian awng, ko sang hong nga ta'n! Vantung panin hong ensuk ta'n; hong pai ta'n a, na mite hong hun ta'n!

Psalm Late 85:1

Topa awng, na leitang na hesuak zo hi; nangma in Israel te na nuamsasak kik zo hi.

Pusuana 4:31

Amate in um uh hi. Amate kungah Topa pai in kivawtsiatna a thuaknate Topa ii a mu sakna thu teng a zaak uh ciang amate kunin Topa bia uh hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 11:14

Amate in nitumna sangah a teang Philistine mite sim khawm tu a, nisuana sangah a teang mite do khawmin suttol tu uh hi. Amate in Edom le Moab mite zothal tu a, Ammon mite in amate thu ni tu uh hi.

Isaiah 11:16

A taanghpupite in Egypt ngam a nusiat lai in amate atu lampi lian khat a om bangma in, tua munah a nungta lai Israel a mite atu in Assyria ngam pan a suatak natu lampi lian khat om tu hi.

Isaiah 14:1

Topa in ama ii mihing Israel te khatvei ma hesuak kik leleau tu a, ama aituam mi in teal tu hi. Topa in amate a leitang tungah teangsak kik tu a, ngamdangmite pai in tua munah amate taw teang khawm tu uh hi.

Isaiah 32:14

Kumpi inn ngawngawn kinusia tu a, khuapi taisan in kiloai tu hi. Innte le amate a dal kulhte a tawntung lalcip tu hi. Tua mun ah ngam laate vakin tuute an zong tu uh hi.

Jeremiah 23:3

Ka mihingte a taanglai teng ka thethaang na ngamte panin ka kaikhawm tu a, a ngam ah ka ciasak kik tu hi. Amate in ta tam mama nei in pung mama tu uh hi.

Jeremiah 29:10

“Topa in, ‘Babylon ah na om zawk uh kum sawmsali a cin ciang no kong thin nopmawkna kong lak tu a, na khua na tui uh ah na cia kik natu uh in ka kamciam ka len tu hi.

Jeremiah 29:14

Hi hi, Kei nong mu tu uh a, na ngam uh ah kong koi kik tu hi, ka ci hi. Note kong thethaangna ngam theampo le mun theampo panin kong kaikhawm kik tu a, saltaang a kong puak ma na omna munah kong ciapui kik tu hi. Keima, Topa in ka ci zo hi.’

Jeremiah 3:18

Israel sia Judah taw kikop tu uh a, amate in a saltanna ngamsung saksang pan hong paikhawm tekin, na taanghpupite ii a kip a kho in a nei top tu a piaksa ngam ah cia kik tek tu uh hi,” va ci ta'n, ci a hong sawl hi.

Jeremiah 30:3

banghang ziam cile Israel le Judah ka mite a ngam ka piak kik tu hun hong theng tu hi. A taanghpupite tungah ka piaksa ngam ah ka heak kik sak tu a, amate in tua ngam tang kik tu uh hi. Keima, Topa in ka son zo hi,” hong ci hi.

Jeremiah 31:7

Topa in, “Minamte sung panin a lianbel, Israel atu in lungdamin lasa vun. Pokna lasa vun, ‘Topa in a mite ngum zo a; a taanglaite theampo suatak zo hi,’ ci vun.

Jeremiah 32:44

Mihingte in tua lote lei in lo kileina lai tungah min thu, tazeik tuum tu a, tetti nei tu uh hi. Hi thu sia Benjamin ngam, Jerusalem kiim ah khuanote, Judah ngam khuate le tuaciang mualtung ngam, mualpeang ngam le Judah thangsang ngam ah om khuate ah piang tu hi. Keima in mihingte a ngam ah ka teangsak kik tu hi. Keima, Topa in ka son zo hi,” hong ci hi.

Jeremiah 33:12

Vaanglianbelpa Topa in, “Mihing nganhing a teang ngawl sennealngam bang ahi, hi ngam sungah nganthana tu mun om kik tu a, tua munah tuucingte in a tuute cing tu uh hi.

Jeremiah 33:7

Judah mite le Israel mite ka nuamsasak tu a, nidang a om ngei bangin ka pua kik tu hi.

Jeremiah 47:5

Gaza mite tungah heena lian theng zo a, Ashkelon ii mite dai dide in om uh hi. Philistia mi a om laiteng bang tanvei kap tu uh ziam?

Ezekiel 39:25

Vaanglianpipa Topa in, “Ahihang tu in Jacob suan le paal Israel mite ka hesuak tu a, ka nuamsasak kik tu hi. Ka min thiangtho ka sungsia tu hi.

Hosea 6:11

“Tuaciang no Judah mite na hi uh le, na sep na vawtte tungtaang ah daan piak tu hun khat zongh ka ciangtan zo hi.

Obadiah 1:19

“Judah thangsang mite in Edom la tu a; nitumna sang mualpeang ah a teang mihingte in Philistia la tu hi; Israel mite in Ephraim le Samaria ngam tang tu a; Benjamin mite in Gilead la tu hi.

Micah 2:12

“Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Micah 4:10

Jerusalem mite awng, nausuak tu numei bangin kisaan in tau vun, banghang ziam cile tu in khuapi na nusia tu uh a, ngam taanzau sungah na teang tu uh hi. Babylon ah na pai uh kul tu hi, ahizong tua munah Topa in na ngalte khut sung pan hong hun tu hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Zephaniah 2:9

Israel te ii Pathian, a nungta Topa ka hi bangma in Moab le Ammon sia Sodom le Gomorrah bangin kisusia tu hi, ci in ka kiciam hi. Tuate sia cikhukte le a laltham top, lopa bek pona mun suak tu hi. Ka mi a nungta laite in amate vanh suttol tu a, a ngam laaksak tu uh hi,” ci hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zephaniah 3:20

A hun hong tung tu hi! A kithethaang na mite inn ah kong ciapui tu hi; Simleitung bup ah na min kong thangsak tu a, tuaciang khatvei a khangto a nuamsa in kong vawt kik tu hi,” ci hi. Topa in ci zo hi.

Haggai 1:12

Tua zawkciang Zerubbabel, Joshua le Babylon ngam saltanna pan hong cia kik theampo in Topa a Pathian sawl bangin vawt uh hi. Amate lau ahiciang, Topa ii kamtaipa, kamsaang Haggai thu ni uh hi.

Haggai 2:2

Ama in Haggai tungah Shealtiel tapa Judah ngamuk mangpa Zerubbabel, Thiampi Lianbel Joshua le mite tungah hi bang in sonsak hi,

Luke 1:68

“Israel te ii Pathian Topa pok tek tawng! Ama in a mite hun tu in hong pai a, suaktasak hi.

Luke 7:16

Amate theampo lau in, Pathian pok uh hi. “A lian mama kamsaangpa khat ei sungah piang zo hi! Pathian in a mite ngum tu in hong pai zo hi!” ci uh hi.

Sawltakte 8:26

Topa vantunglalang khat in, Philip munah, “Kithoai in a, thangsang zuanin Jerusalem pan Gaza paina lampi zui in va pai ta'n,” ci hi. (Hi lampi sia kizangh nawn ngawl hi.)

Sawltakte 8:40

Philip sia Azotus khua ah theng ahi hunlam ama le ama kitel hi; ama Caesarea ah pai suak a, lamdung khua theampo ah Lungdamna Thupha hil hi.

Romete 11:5

Tu laitakin zongh tuabang ma ahi hi. Thuthiamna taw Pathian tealsa mihing tawm om lai hi.

Ruth 1:6

Tua zawk tawmvei ciangin, Topa in ama ii mite sia thupha pia a, an tam mama la hi ci in Naomi in za hi; tua ahikom a mote nii taw Moab ngam nusia tu in kithoai hi.