Zephaniah 2:3 - Syin Chin Bible

³ Ama ii thupiakte a ni, ngam sungah a kiniamkhiak note theampo awng, Topa sangah hong kiheak tavun. A maan sia vawt vun a, Topa mai ah noma le noma kiniamkhiak vun. Tua hile Topa ii a thin uukna hong lak ni ciangin daan khak natu pan suakta tha tu nu hi.

Zephaniah 2:3 Iomraidhean Croise

2 Samuel 12:22

“Hi hi, a nuntak hunsung teng kapin an tang peu khi hi. Topa in kei hong hesuak tha tu a tano thisak ngawl tu hi ci in ka ngaisun hi.

Psalm Late 105:4

Hu ngen tu in Topa zuan vun; a kizom suakin ama bia vun.

Psalm Late 149:4

Topa in a mite tungtaang ah thinnopna nei hi; ama in a kiniamkhiak te zawna taw patoai hi.

Psalm Late 22:26

Mizawngte in a du zaza ne tu uh a, Topa kung a zuan peuma in ama a pok tu uh hi. Amate in a tawntungin nuamsa tahen!

Psalm Late 31:20

Amate sia mihingte ii thasawmna pan le ngalte selnona panin nangma omna ngam muanna ah na seal hi.

Psalm Late 45:4

Thumaan le thutang khenna a huu tu in zawna sungah na uk theina vaang taw hong pai ta'n. Na thahatna in zawna lianpite hong ngasak tu hi.

Psalm Late 57:1

Kei hong hesuak ta'n, Pathian awng, kei hong hesuak ta'n, banghang ziam cile ngammuanna nga natu in nang kong zuan hi. A nasia mama vuipi suangvalte a thim dong na thakhui ii limh nuai ah kidalna ka nga hi.

Psalm Late 76:9

thukhen tu in nong dinto tak ciang, leitung sia lau in thim khipkhep hi.

Psalm Late 91:1

Ngammuan natu in Topa kung a pai, akua po ahizong Vaanglianbelpa dalna sungah a om pawpo in

Pusuana 12:27

‘Topa tungah zatakna in ih piak Paisan Poai sangaw biakpiakna hi, Egypt ah Israel te ii innte hong paisatna hang ahi hi. Ama in Egypt te that a, ahizong eite hong khoaikhe hi,’ na ci tu uh hi,” ci hi. Israel mite in khupdin in bia uh hi.

Paunakte 18:10

Topa sia, tausaang kho taw kibang a, thutangte in zuanin ngammuanna nga thei hi.

Isaiah 1:17

tuaciang a maan sep tu kisin vun. Thukhaikim thu omsak vun — a kizawthawk vawtte hu vun, tangate ii nga tuakte pia vun a, meingongte panpui vun” ci hi.

Isaiah 11:4

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Jeremiah 39:18

Nang sia kong keamcing tu a, hong kithatlum ngawl tu hi. Kei hong muang na hikom na nuntakna suakta tu hi. Keima, Topa in ka ci zo hi.”

Jeremiah 45:5

Nang atu a tuam vilvel a hong kivawt natu zong na hi ziam? Zong heak in! Mihing nam buppi tungah siatna ka thengsak tu a, ahihang nang sia na paina po ah thi ngawlin na suakta valiai tu hi. Keima Topa in ka ci zo hi.”

Ezekiel 13:5

Amate in luphung cimhna munte cing ngawl a, ciang zongh ciang kik ngawl hi. Tua ahiciang, Israel te sia Topa ii ni, ngal hong thet ciang kihuu zo ngawl tu hi.

Hosea 10:12

Keima in, “Noma atu in leithak tho vun a, thutang suana ciingin, kei nong biakna pan a piang tu thuphate at vun. Na Topa ahi kei sangah nong kiheak tu hun zo a, tuaciang kong pai tu a, no tungah thupha kong buak tu hi,” ci hi.

Hosea 7:10

Israel mite kiphatsak na in amate langpanin ausan uh hi. Hi bang a piang tu theampo piang zo kazu in amate sia keima, Topa a Pathian kungah hong zuan kik ngawl uh hi.

Jonah 3:9

Pathian a thin kheal kik tha tu hi; a thin uukna thaisak tha tu a ih thi buatu hi!” ci hi.

Zechariah 8:19

“A tha li tha, a tha nga tha, a tha sali tha le a tha sawm tha te sungah antan nate sia Judah mite atu in lungdam thinnop poai hong suak tu hi. Thumaan thutak le kilemna dei hamtang vun.”

Matthew 5:5

“A kiniamkhiakte in mihing lungdamte ahi uh hi; amate in Pathian kamciamte a saang tu uh hi!

1 Thessalonica te 4:1

A khakbelin suapuite awng, Pathian ii diksak nuntakzia sia, ko tung panin na sin sa uh ahi hi. Hisia in note nuntakzia sia ma ahi hi. Tu in tua sang zong a nasia zaw in na nuntak natu uh Topa Jesus min taw kong ngen uh a, kong thawn uh hi.

1 Thessalonica te 4:10

Tuaciang a tatak ci leang Macedonia ngam mun theampo ah a om, suapui teng tungah tuabangin na ngamta zo uh hi. Tua ahikom suapuite awng, tu a sangin zongh a kician zaw lai in na ngamta tavun.

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

1 Peter 3:4

tuate taangin na hoina sungah Pathian ii muna ah a man neibel ahi a tul thei ngawl, a dik cikna thiamna le thinsung pha na nei tu uh hi zaw hi.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.