Zephaniah 2:10 - Syin Chin Bible

¹⁰ Moab le Ammon mite kiphatsakna, a kisaktheina le vaanglianbelpa Topa ii mite a selno hu in daan a piak tu zia sia tuabang ahi hi.

Zephaniah 2:10 Iomraidhean Croise

1 Khangtaanghthu 16:21

Ahizong Pathian in amate kuama in nengcipsak ngawl hi; amate a dal tu in Pathian in kumpite hi bangin thupia hi:

Pusuana 10:3

“Tua ahiciang kumpipa kungah Moses le Aaron pai in, “Topa, Hebrew te ii Pathian in, ‘Kei tungah nong kiniamkhiak tu, bang tanvei hong nial lai tu ni ziam? Kei hong biak thei natu in, ka mite paisak in.

Pusuana 9:17

Ahizong nangma na kisathei veve a, ka mite na paisak bua hi.

Isaiah 16:6

Judah mihingte in, “Moab mihingte bang zata in kiphasak ci thu ih za zo hi. Amate a kisaktheina le a kiletsakna ih he hi, ahihang amate ii kisuantaakna sia a luithawthong hi,” ci uh hi.

Jeremiah 12:14

Topa in, “Israel ka mite tungah ka piaksa ngam a siasak Israel ii ngam paamte thu taw kisai son tu thu pawlkhat ka nei hi. Keima in tua mi seksolte sia a kizunglok keak thingkung khat bangin amate ii ngam panin ka la keak tu a, amate khut sung pan Judah mite ka suatak tu hi.

Jeremiah 48:14

“Moab mite awng, banghangin ngalhangte ka hi uh a, ngalsim thiam ngalkapte ka hi uh kici nu ziam?

Jeremiah 48:29

Moab sia kiphasak mama hi! A mite kiphatsakna, a kisak theina, a kiletsakna le bang zata amate le amate kithupi ngaisut ziam ci thute ka za zo hi.

Kaa late 1:9

A thiantho ngawlna ol tak kimu a, ahizong a thuak tu sia awlmawk ngawl hi. Ama lelna sia nasia leilam a kuama in heeneam zo ngawl hi. A ngalte in zothal ahiciang, Topa tungah hesuak ngen in kap hi.

Ezekiel 25:6

Hi sia Vaanglianpipa Topa ii ci ahi hi: “Na khut beangin, lungdam in na kilawn uh hi. Israel ngam na zawngsak uh hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Obadiah 1:11

Ngalte ii a kongpite a sukthap ni in na tungh nuam bua hi. Jerusalem ii nei le lamh te laaksak a, amate sungah a hawmtham khualmite za ma in nang a sia na hi hi.

Obadiah 1:3

Na kiphatsakna in nang hong theam zo hi. Na khuapi sia suang taw kivawt kulhpi hi a; na inn sia mualtung a saangna ah om hi, tua ahikom nang le nang ‘Akua peuma in kei hong kaivawk zo tu ziam?’ na kici hi.

Zephaniah 2:8

Topa Vaanglianbelpa in, “Moab le Ammon mite in ka mite a zawnsakna, a nomuna le, a ngam ka sut tu hi ci in a kiphatsakna zongh ka za zo hi.

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.