Zephaniah 1:7 - Syin Chin Bible

⁷ Topa thukhen tu ni hong nai zo hi; tua ahikom ama mai ah thim dide in om vun. Topa in a mite pum aap siat tu in kithoai a, Judah a suttol tu in ngalte sam hi.

Zephaniah 1:7 Iomraidhean Croise

Job 24:1

Banghangin Pathian in thukhen natu hun khat, ama na a seamte atu in thutang khen ni khat ciangtan ngawl ziam?

Psalm Late 46:10

“Kisim kidona tawp vun a, Pathian ka hina hong tel tavun, minamte ii sungah a lianbel le leitung ii tungsia ah a lianbel ka hi hi” ci hi.

Isaiah 13:3

Topa in a thiangtho ngal khat sim tu le ama a thin a uuksakte daan pia tu in, a kiphasak le a muanhuai a ngalkapte sam zo hi.

Isaiah 13:6

Na sa in kap keak vun! Vaanglianbelpa ii sukcip tu ni, Topa ni, hong nai hi.

Isaiah 2:12

Tua ni ciang Vaanglianbelpa Topa in a vaanglian theampo le, a kiphasakte, a kiliansakte theampo niamsuksak tu hi.

Isaiah 29:2

tua zawkciang, “Pathian ii biaknatau” a kici khuapi tungah Pathian in siatna thengsak tu hi. Kaana le tauna om tu a, a khuapi buppi sia chi taw a kituam biaknatau khat bang hi tu hi.

Isaiah 34:5

Topa in vantung ah a namsau kinging khol zo a, tu in suksiat tu a see sa Edom mite saat tu hi.

Isaiah 34:6

Topa namsau sia amate ii a chi le a thau taw kituam tu a, biakpiakna in a kinei tuu le kealte ii chi le thaute taw kibang tu hi. Topa in hi biakpiakna sia Bozrah khuapi ah pia tu hi; ama in hisia Edom ngam sungah kithalupna lian mama khat suaksak tu hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Jeremiah 46:10

Tuni sia Vaanglianpipa Topa, Vaanglianbelpa ii ni hi: tuni in ama in phula tu hi; tuni in ama in a ngalte daan pia tu hi. A namsau in a kham dong amate ne tu a, a lungkim dong a chi dawn tu hi. Tuni in Vaanglianbelpa in saksang Euphrates ngunhui ah a ngalmatte biakpiakna in nei hi.

Ezekiel 7:10

Israel atu in tuasiatna ni hong theng tu hi. Ngoltol ngamtatna pung vaial hi. Kiphatsakna sia a saangbel mun theng hi.

Ezekiel 7:7

Ngam sungah a teang no mihingte atu in bona hong thetheng hi. Mual tung biakpiakna munte ah poai kikhaam nawn ngawlin buaina bek a om tu hun hong nai hi.

Joel 1:15

Topa ni nai hi; Vaanglianbelpa ii siatna hong tunsak tu ni ahi hi. Tua ni in bangza launa piang tu ziam!

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Joel 2:31

A lian le a lauhuai Topa ii ni hong pai ma in, ni kimialsak tu a, tha zongh chi bangin san tu hi.

Amos 6:10

Mithi vui tu a kisee sa mithipa ii beepa in, inn sung pan a luang pusuapui tu hi. A beepa in inn sungah a taanglai khat pawpo sia tungah “Tua munah khat po nang taw a om dang a om lai ziam?” ci in sam tu hi. Aw khat in, “Om bo!” ci in zo tu hi. Tuaciang a beepa in, “Thim in! Topa ii min ngawngawn zongh ih law thaak ngawl natu in kidop kul tu hi,” ci tu hi.

Amos 8:3

Tua ni ciang kumpi inn sungah a kisa late sia kaana le mauna aw suak tu hi. Mithi luangte mun theampo ah om tu hi. Tuate a thimtham in kivawk tu hi,” hong ci hi.

Habakkuk 2:20

Topa in a Biakinnpi thiangtho sungah om hi; ama mai ah leitung mihing theampo in thim dide in om tahen.

Zephaniah 1:14

Topa ii Ni a thupi sia hong nai zo hi — hong nai mama zo a, manlang takin hong theng tu hi! Tua ni in a thuak hak ni hi tu hi, banghang ziam cile, ngalkap hangsan belte zongh thinkiamin kap tu hi!

Zechariah 14:1

Topa sia thukhenin a to tu ni nai zo hi. Tuaciang Jerusalem kiphuul tu a, na mu tangin a vanh laakte kihawm tu hi.

Zechariah 2:13

Ama sia a teenna mun thiangtho panin hong pai ahiciang mi theampo awng, Topa mai ah thim dide in om vun.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Matthew 22:4

Tua ahikom naseam dangte paisak a, khual a kihilte munah hi bang sawl hi. ‘Ka poai sia tu in a kipan thei tu hi zo hi; ka khuital le ka khuino thaute kingo zo hi, na theampo kinging sa in om zo hi. Mopoai ah hong pai tavun!’

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.

Romete 9:20

Ahihang lawmpa awng, Pathian kam a zo kik tu in nang akua na hi ziam? Tungbeal khat in a vawtpa munah, “Banghangin kei hi bangin hong vawt ni ziam?” ci in a dongh thei bua hi.

Philippi te 4:5

Mihing khat sim tungah na cikna uh lak tavun. Topa hong pai pal tu hi.

Colossae te 1:12

Thinnopna taw Pa tungah lungdam na ko tavun. A ma in khuavakna ngam sungah a mite ii lua tu a khealsiate nga tu in hong kilawmsak hi.

1 Samuel 16:5

Ama in, “Hi hi, Topa tungah sangaw biakpiakna khat vawt tu in kong pai hi. Kithiansua vun a, hong pai tavun,” ci in zo hi. Ama in Jesse le a tapate zongh amate le amate kithiansua tu in sawl a, sangaw biakpiakna munah sam hi.

1 Samuel 20:26

ahihang tua ni in Saul in bangma son ngawl hi, banghang ziam cile, “Ama bang khat po tat hi tha tu hi, tuaciang a zeksa ngeina taw kisai in thiang ngawl po zongh hi thei tu hi,” ci in ngaisun hi.