Zephaniah 1:6 - Syin Chin Bible

⁶ Kei hong nungngat in, kei hong zui nawn ngawlte, kei tungah lamlak natu ngen ngawl a, hong zuan ngawlte ka susia tu hi,” ci hi.

Zephaniah 1:6 Iomraidhean Croise

2 Samuel 22:22

Topa thukham ka ni a; ka Pathian kung pan ka puapial bua hi.

2 Khangtaanghthu 15:13

A moi a haam ahizong, numei pasal ahizong ama a bia ngawl pawpo thalup tu ahi hi.

Psalm Late 10:4

Mihing seksol pa in Topa awlmaw ngawl a, a kiphatsakna in, Pathian thupi sim ngawl hi.

Psalm Late 125:5

Ahihang mihing seksolte daan na piak ciangin nangma ii thu le la a taisante zongh daan na pia in. Israel te tungah kilemna om tahen!

Psalm Late 36:3

Ama ii kampauna in seksolna le leilotnate taw kidim a, ama in ciimna le phatna taw seam nawn ngawl hi.

Isaiah 1:4

No a khial a maw minam, siatna vawtin a seksol mihingte a lal tu hi zo nu hi! Na mawnate in note hong kaisuk hi! Israel te ii a thiangtho Pathian, Topa nialin na nungngat zo uh hi.

Isaiah 43:22

Topa in, “Israel awng, ahihang kei nong cimtak zo hi; nang in kei nong bia bua hi.

Isaiah 9:12

Nisuana sang pan Syria le nitumna sang pan Philistia in Israel valhtum tu in a kam uh kaa zo hi. Tuabangza ngawngawn zongin Topa thin uukna thaisak zo ngawl a; daan pia tu in a khut vaan lai hi.

Isaiah 9:13

Israel mihingte kisiik kik ngawl hi; Vaanglianbelpa Topa in amate daan a piak zawk ngawngawn zongin, Topa kung zuan kik tuan ngawl uh hi.

Jeremiah 10:25

Na thin uukna sia nang hong bia ngawl minamte tung le nang hong nial mite tungah tungsak in. Amate in na mite that a; ko hong susia cipin ko ngam a sia sa in nusia uh hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 2:13

banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Ezekiel 3:20

Mihing pha takpi khat sia ngitlo nasep hong kipan a, tuaciangin a lauhuai dinmun ah ka koi ciang, a kidop natu thu na pia buale ama thi tu hi. Ama ii mawnate hu in ama thi tu hi — a pha a septe ka tepteesak buatu hi; tuaciangin ama ii thina hu in nangma in mawpu tu ni hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 7:10

Israel mite kiphatsak na in amate langpanin ausan uh hi. Hi bang a piang tu theampo piang zo kazu in amate sia keima, Topa a Pathian kungah hong zuan kik ngawl uh hi.

Hosea 7:7

Amate in a thin uuk saan laitakin a ukte thatlum uh hi. A kumpipate khat zawkciang khat kisuamlum ahihang kei tungah huu na dei in thu hong ngen om ngawl hi,” ci hi.

Zephaniah 3:2

Tua sia in Topa thu ngai ngawl a, a kiteknate zongh saang ngawl hi. Topa muang ngawlin, huna zongh ngen ngawl hi.

Romete 3:11

A ciim kuama om ngawl a, Pathian a bia kuama om ngawl hi.

Hebrew te 2:3

Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.

Joshua 23:12

Na thumaan bua uh a, no sungah a taanglai minamte taw kipawlkhawm in na kiteang uh le,

1 Samuel 15:11

“Saul sia kumpipa in ka koi sia khuangai khi hi; ama in kei hong nusia a, tuaciang ka thupiakna hong ni ngawl hi,” ci hi. Samuel thin uuk a, zan khua in Topa tungah pakaai hi.