Zephaniah 1:5 - Syin Chin Bible

⁵ Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Zephaniah 1:5 Iomraidhean Croise

1 Kumpite 11:33

Hi bangin seam tu khi hi, banghang ziam cile Solomon in kei hong nial in ngamdang pathiante: Sidon te ii numeipathian Astarte;, Moab te ii pathian Chemosh; Ammon te ii pathian Molech te bia hi. Solomon in ka thu hong ni ngawl hi; ama in khialna vawt zo hi, a pa David ii a zui bangin ka thukhamte le ka thupiakte zui ngawl hi.

1 Kumpite 11:5

Ama in Sidon te ii numeipathian Astarte, tuaciang Ammon te ii a thasiathuai pathian Molech bia hi.

1 Kumpite 18:21

Elijah in mite kungah paito in, “Na thin uh na khensat natu in bang tanvei hai lai tu nu ziam? Topa sia Pathian ahile ama bia vun; ahihang Baal sia Pathian ahile bia vun!” ci hi. Ahihang mite in kam khat zongh pau ngawl uh hi.

2 Kumpite 17:32

Hi mite in Topa zongh bia uh hi, tuaciang doai biate ii biakna munte sangaw biakpiakna munte ah thiampi seam tu le amate taangin sangaw biakpiakna a pia tu in amate sung pan mi tuatuamte teal uh hi.

2 Kumpite 17:33

Tuabangin amate in Topa bia uh a, ahihang amate hong paina a ngamte ii ngeinate bangma in amate tek ii pathiante zongh bia uh hi.

2 Kumpite 17:41

Tua hi a, tua mite in Topa bia uh hi, ahihang amate ii a milimte zongh bia uh hi; tuni dong ma in a suan a paalte in tuabangin ngamta lai uh hi.

2 Kumpite 23:12

Kumpipa Josiah in Ahaz kumpipa teenna inndoite ii tung kumpi innkhum tungah Judah kumpipate ii saksa biaknataute le Manasseh kumpipa ii Biakinnpi leitualte nii sungah a koi biaknataute vaattham hi; ama in biaknataute saatneen in a bek a bek in Kidron kuam ah vawk hi.

Isaiah 22:1

Hisia in Mukholna Kuam taw kisai thupuak ahi hi. Bang thu piang ziam? Banghangin khua mite theampo in innkhum tungah poai vawtin om uh ziam?

Isaiah 44:5

“Mite, khat zawkciang khat in, ‘Keima in Topa aa ka hi hi,’ ci tu hi. Amate in Israel mite taw kikop tu in hong pai tu uh hi. mi simin a baan tungah Topa min at in ama le ama sia Pathian ii mihing khat ka hi hi,’ ci tu hi.” ci hi.

Isaiah 45:23

Ka kamciam sia thumaanin, kikheal ngawl tu hi. Keima in keima ka hina theampo taw ciliaphuai takin ka kiciam hi: Mihing theampo hong pai in ka mai ah hong khupdin tu uh a, kei tungah thumaan tu in hong kiciam tu uh hi.

Isaiah 48:1

Hi thu ngai vun, Judah suan Israel mite awng: Note in Topa min taw kiciam in Israel te ii Pathian ka bia tu uh hi ci nu hi — ahizong na kam bek uh hi a, na ci takpi ahi bua hi.

Jeremiah 12:16

Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi.

Jeremiah 19:13

Jerusalem khua a innte, Judah kumpite ii innte, a tatakin ci leang inn theampo ii khuvumte tung pan aksite atu ngimnamtui hal biakna a kipiakna innte le pathian dangte tungah biakpiakna sapittui a kibuakna munte — tua teng theampo Topheth bangza ma in a nin suak siat tu uh hi,” a ci sia amate tungah son tu in keima hong sawl hi.

Jeremiah 32:29

mei taw hal tu uh hi. Kei hong thin uuksak a innkhum tung a Baal atu ngimnamtui a halna le a dang pathian te atu sapittui sungsukin a biakpiakna mun ahi innte haltum tu hi.

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Jeremiah 49:1

Ammon thu Topa in hi bangin son hi: “Israel pasalte koisungah om ziam? A ngam a hung tu kuama om ngawl ziam? Banghangin Gad minamte ii ngam sia Molech pathian a bia mihingte in lasakin tua munah teangsak ziam?

Jeremiah 5:2

Topa ka bia tu uh hi na ci uh hangin, na thin tatak uh taw na ci uh hi ngawl hi.

Jeremiah 5:7

Topa in, “Ka mite ii mawnate banghangin maisak tu khi ziam? Amate in kei hong nusia in pathian tatak ahi ngawlte bia zo uh hi. ka mite sia a ngilva dong ka vaak a, ahihang amate in palngul khialna vawtin pumpi kizuakte taw a hun zangh uh hi.

Jeremiah 7:10

Hi ka huasaakte na vawt uh a, tua zawkciang ka Biakinnpi sungah pai in, keima mai ah na ding uh a, ‘Ei ngammuang zo hing!’ na ci uh hi.

Jeremiah 7:9

Note in nguta, ngual that, palngul mawna vawtin, leilot thu taw kiciam nu hi, Baal tungah biak piaknate pia a, nidang a na heak ngeingawl uh pathiante na bia uh hi.

Jeremiah 8:2

A ngute khawmtua a, kiphumsak tu ci thada, lei ah eak vawk bangin pheang om tu hi. Tuate sia a it le a na a sepsak, thu a dok le a biak uh ahi ni, tha le aksite mai ah kipheangpha tu hi.

Hosea 10:2

A lungtang uh theam nopna taw a kidim mite sia tu in a mawnate hu in a thuak kul tu hi. Pathian in a biaknataute sutham tu a, a khuam thiangthote susia tu hi.

Hosea 4:15

“No Israel mite in kei tungah hong thumaan ngawl na hi uh hang Judah te in tuabang in mawna nei heak tahen. Gilgal ah ahibuale Bethaven ah biakpiakna vawt heak vun, tua ahibuale tua munah a nungta Topa min taw kamciam vawt heak vun.

Amos 5:26

Ahihang tu in na pathian kumpi Sakkuth ii lim le na aksi pathian Kaiwan limte na biak uh ahikom tua milimte zongh

Matthew 6:24

“Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Sawltakte 10:9

A zing ciangin, amate Joppa khua nai a thet laitak Peter in thungen tu in sun hun laitakinnkhum tungah kaato hi.

Romete 14:11

Banghang ziam cile laithiangtho in, “A nungta Pathian ka hi bangma in, mihing theampo ka mai ah khupdin tu a, tuaciangin mihing theampo in kei sia Pathian ka hina pualaak tu uh hi, Topa in ci hi,” ci hi.

Thuhil kikna 10:20

Topa na Pathian ii thu ni in ama bek bia vun. Ama tungah thumaan in ama min bek suangin na kamciamna te vawt vun.

Thuhil kikna 4:19

Note in van ah na mu — ni, tha le aksi te bia tu in hong kitheam thaak ngawl natu uh kidawm tavun. Hite sia Topa na Pathian in midangte theampo tungah a biak tu in pia zo hi.

Joshua 23:7

tuasia ciang note kawm ah a taanglai mite taw na kipawl buatu uh hi, amate ii pathian minte thuson in na nei buatu uh hi, ahibuale tuate ii min lo in thuciamte na vawt buatu uh a, tua pathiante bia in na kun suk buatu uh hi.