Zephaniah 1:4 - Syin Chin Bible

⁴ “Jerusalem mite le Judah mite theampo daan ka pia tu hi. Baal biakna a khakbel te dongin ka bosak siat tu a, tua nasep a seam lawki thiampite zongh kuama in phawk ngawl tu hi.

Zephaniah 1:4 Iomraidhean Croise

2 Kumpite 21:13

Samaria daan ka piak bang le Israel kumpipa Ahab le a suan a paalte ka vawt bangin Jerusalem daan ka pia tu hi. Jerusalem sia a mite bo dongin ka nawt siat tu a, a kinawt thiang a khup lam a kikoi pakan khat bangin ka vawt tu hi.

2 Kumpite 23:12

Kumpipa Josiah in Ahaz kumpipa teenna inndoite ii tung kumpi innkhum tungah Judah kumpipate ii saksa biaknataute le Manasseh kumpipa ii Biakinnpi leitualte nii sungah a koi biaknataute vaattham hi; ama in biaknataute saatneen in a bek a bek in Kidron kuam ah vawk hi.

2 Khangtaanghthu 34:4

Ama ii thupiak bangin a mite in Baal biakna biaknataute sutham in a kungah ngimnamtui halna biaknataute pheltham hi. Amate in Asherah milimte le a dang milimte theampo suuvui in, a vui teng sia tua milimte sangaw biakpiakna a pia mite ii thaan tungah the uh hi.

Pusuana 15:12

Na ziatsang khut na vaan a, leitang in ih ngalte valhlum hi.

Jeremiah 15:6

No, mihingte in kei nong nial zo uh a; nong nungngat zo uh hi, ka thin uukna ka iip na in toi zo ka hikom ka khut zalh in kong susia hi.

Jeremiah 6:12

A innte sia midangte kipia tu a, a lote le a zite uh sia tuabang ma in midangte kipia tu hi. Hi ngammite daan ka pia tu hi.

Ezekiel 25:7

Tuabang na hi hu in minam dangte tungah kong aap tu a, amate in hong suttol in, hong phuulsak tu uh hi. Kong sucip tu a, ngam khat in na ding kik zo nawn buatu a, noma ngam na ci tu uh a om nawn buatu hi. Tuasia ciang Keima, Topa ka hi sia nong he tu uh hi.”

Ezekiel 6:14

Hi hi, keima in ka khut ka vaan tu a, amate ngam ka lalthamsak tu hi. Thangsang sennealngam pan saksang Riblah khuapi dong, Israel mite teenna mun khat zongh khoaikhe ngawlin ngamtongta ka suaksak tu hi. Tuasia ciangin, a kuama po in keima sia Topa ka hi hunlam hong he tu uh hi,” hong ci hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Micah 5:13

Na milimte le na biak suangkhuam thiangthote ka susia tu hi; note in na vawt tawm nate na bia nawn buatu uh hi.

Zephaniah 2:11

Topa in amate lausak tu hi. Ama in leitung pathiante sia bangma ngawl suaksak tu a, tua zawkciang minam theampo in amate ngam tek ah ama bia tu hi.

Zephaniah 2:13

Topa in Assyria suksiat natu in a vaangletna zangh tu hi. Ama in Nineveh khuapi sia a lalsa a kinusia sa, tui om ngawl sennealngam suaksak tu hi.