Zephaniah 1:3 - Syin Chin Bible

³ mihing le nganhing, vacim le ngasa dongin ka susia tu hi. Mi ngilote bo natu ka vawt tu hi. Mihing nam buppi ka susia tu a, kuama taang ngawl tu hi. Keima Topa in ka son zo hi.

Zephaniah 1:3 Iomraidhean Croise

Pianciilna 6:7

“Hi ka bitphua sa mihingte, tuaciang nganhingte le vacimte zongh ka bosak siat tu hi, banghang ziam cile amate ka piansak sia ka khuangai hi,” ci hi.

Isaiah 27:9

Ahizong, Israel te ii mawnate sia, lawkite ii biaknatau suangte, leikaang bangin a kingoaicip zawkciang le Asherah numeipathian lim te a bo zawkciang, le ngimnamtui halna biaknataute a om nawn ngawl ciang bekin, kimaisak bek tu hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Isaiah 6:12

Keima in mihingte a khuala na ah puakin a ngam bup ka ngamkhing didesak tu hi.

Jeremiah 12:4

Ih ngam sia bang tanvei kongaw tu a, lo theampo sungah lopate bang tanvei kongaw tu ziam? Nganhingte le vacimte thi dektak uh hi, banghang ziam cile ih mite ii seksolna hang hi a, ih mite in ‘Pathian in ih sep ih vawtte hong mu ngawl hi’ a ci uh hang ahi hi.”

Jeremiah 50:3

“Saksang panin minam khat Babylon sim tu in hong theng zo a tua sia sennealngam suaksak tu hi. Mihing le nganhingte taikeak tu uh a, tua munah kuama teang ngawl tu hi,” hong ci hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Ezekiel 44:12

Ahihang amate in Israel mite atu in milim biakna vawtsak a, tuabangin mite mawna sungah paipui ahikom, Keima, Vaanglianpipa Topa in, amate daan piak kul tu hi, ci in ciliap huai kiciamna ka vawt hi.

Ezekiel 7:19

Amate in a khamh le a ngunnte lampi ah ninteak bangin vawk tu uh hi, banghang ziam cile Topa ii thin uuk ciangin, khamh le ngunn in amate hun zo ngawl hi. Khamh le ngunn in amate deina lungkimsak thei ngawl a, a ngil uh vasak thei ngawl hi. Khamh le ngunn in amate sia mawna sung zotpui hi.

Hosea 14:3

Assyria in ko hong hung thei ngeingawl a, ngal siphute in ko hong dal thei ngawl hi. Kote in milimte tungah ka Pathian hi ci kik ngei nawn bua vak ung. Topa awng, nangma in belh tu dang a nei ngawlte hesuak ni hi.”

Hosea 14:8

Israel mite sia milimte taw kisai nawn ngawl tu hi. Amate ii thungetnate ka zo tu a, amate ka keam tu hi; A tee a hing tawntung thingkung bangin amate ka uap tu a; a thupha theampo ii naak ka hi hi,” ci hi.

Hosea 4:3

Tua ahiciang a ngam kaanghko tu a, ngam sungah nuntakna nei theampo thi tu hi. Nganhingte, vacimte theampo le ngasate ngawngawn thi tu hi,” ci hi.

Zechariah 13:2

Tua hun ciang ngamsung pan milimte min theampo ka phiat tu a, kuama in ciamtee nawn ngawl tu hi. Kamsaang ka hi a ci khat pawpo le, milim biak tu a lungngulna ka heam tu hi.

Matthew 13:41

Mihing Tapa in, midangte a khialsakte le a sia vawt theampo khawm tu in, a vantunglalangte sawl tu a,

Matthew 23:39

Hong ci khi hi; tu pan kipan, ‘Topa min taw hong pai pa sia Pathian in thupha pia tahen,’ na ci uh mateng in, kei nong mu kik nawn buatu hi.” a ci hi.

Thupualaakna 2:14

Ahihang kong mawsiat nopna pawlkhat om hi: milim biakna an a neak natu le numei le pa paktat natu a kaizotna taw Israel te mawna sung a thengsak Balak tungah thu a hil Balaam thuhilna a zui pawlkhat na om uh hi.