Zephaniah 1:16 - Syin Chin Bible

¹⁶ Luphungte taw a kidal khuapite le tausaangte a sim ngalkapte ii ngal kisimna awnging le ngal lemle aw taw a kidim ni hi tu hi.

Zephaniah 1:16 Iomraidhean Croise

Isaiah 27:13

Tua ni a thet ciang, Assyria le Egypt ngam ah saltaang in a om Israel te theampo tua mun pan sap kikna tu lemle khat kitum tu hi. Amate hong cia a, Jerusalem khua ama ii mual thiangtho tungah Topa bia tu uh hi.

Isaiah 32:14

Kumpi inn ngawngawn kinusia tu a, khuapi taisan in kiloai tu hi. Innte le amate a dal kulhte a tawntung lalcip tu hi. Tua mun ah ngam laate vakin tuute an zong tu uh hi.

Isaiah 59:10

mittawte bangin ih zawt kawkoai hi. Eima in suntang takpi in zan bang keak le, mithi khua, khuazing sung om bang keakin ih lutu hi.

Jeremiah 6:1

Benjamin mite awng, na kihuuk natu uh in tai vun! Jerusalem khua panin kisuatak tavun! Tekoa khua ah lemle tum vun a, Beth Haccherem khua ah kiheaksakna mei thut vun. Tuasiatna le suksiatna sia saksang pan hong pai tu hi.

Jeremiah 8:16

Dan khuapi sungah ih ngalte hong theng zo uh hi; a siphute ii a naak thin uh ih za hi. A siphute a haam uh ciang ngam buppi liing hi. Ih ngam le ih ngamsung a, a om na theampo, ih khuapi le khua mite theampo susia tu in ih ngalte hong pai zo uh hi.”

Ezekiel 7:7

Ngam sungah a teang no mihingte atu in bona hong thetheng hi. Mual tung biakpiakna munte ah poai kikhaam nawn ngawlin buaina bek a om tu hun hong nai hi.

Hosea 5:8

Gibeah ah ngal dona lemle tum vun! Ramah ah patau daak saat vun! Bethaven ah minsial vun. Benjamin mite awng ngal simin kuan vun.

Hosea 8:1

Topa in, “Patau daak tum vun! Ngalte muvanlai bangin ka ngam sungah hong suktun hi! Ka mite in amate taw ka vawt thuciamna paltan a, ka hilna langpan hi.

Joel 2:1

Lemle tum vun; Pathian mual thiangtho Zion tungah patau daak tum vun, Judah mite awng, liing vun! Topa ni hong theng pal tu hi.

Amos 3:6

Khuapi sungah khua mite a lausak ngawl tu ngal patau lemle a kitum om na ziam? Topa in a puak buale khuapi khat ah tuasiatna theng tu ziam?

Habakkuk 3:6

Ama a tawlngak ciang, leitung kithing a; Ama ii a et ciang minamte liinglawng hi. A tawntungin a om mualte kektham a; taanghlai hunin, a va ngeina mualte, a kip tawntung mualte kiasuk hi.

Thuhil kikna 28:52

Amate in Topa na Pathian ii no hong piak tu ngamsung khua theampo sim tu a, na muan na suan luphung saangte cimhtham tu hi.

Joshua 6:20

Tua ahikom thiampite in lemle tum hi. Mipite in tuasia a zaak poma ciang nging takin au uh a, tuaciang luphung pangte cimhtham hi. Tuaciang ngalkap hon bup sia a maisan tek mual tungah kaato in khuapi sungah tum a, tua khuapi la uh hi.