Zephaniah 1:12 - Syin Chin Bible

¹² “Tua hun ciang in meiinn khat la in, Jerusalem ka zong tu hi. Amate le amate tumtakin lungkim a, a kimuang mite in, ‘Topa in a pha, a sia bangma vawt nei ngei bo’ a cite daan ka pia tu hi.

Zephaniah 1:12 Iomraidhean Croise

Job 21:15

Amate in Pathian atu sep kul sa ngawl hi, a tungah thunget zongh phattuamna omsa ngawl hi.

Psalm Late 10:4

Mihing seksol pa in Topa awlmaw ngawl a, a kiphatsakna in, Pathian thupi sim ngawl hi.

Psalm Late 14:1

Mihing mawmawte in, “Pathian om bo!” ci uh hi. Amate theampo siatna khaatna taw kidim siat a, a cizathuai nate seam zo uh hi; a maan a seam kuama a om bua hi.

Psalm Late 94:7

Amate in, “Topa in ei hong mu ngawl hi; Israel te ii Pathian in hong phawk ngawl hi,” ci uh hi.

Isaiah 5:19

Note in, “Topa in ka vawt tu hi a ci sia hi vabil in vawt tahen, tua hile ih mu thei tu hi. Israel ii a thiangtho Pathian in ama ngealnate vawt hen; a thinsung ah bang ngaisun ziam en tek tawng,” na ci uh hi.

Jeremiah 10:5

Tua milimte sia tangmai lo sungah lohunnate taw kibang hi; tua milimte pau thei ngawl a; lampai thei ngawl ahikom puak kul hi. Tuate kiita heak vun: Na siat natu uh bangma vawt thei ngawl a, na phat natu bangma vawt thei ngawl hi,” ci hi.

Jeremiah 48:11

Topa in, “Moab sia thin muangin om tawntung a, ngamdang ah sal kitangsak ngeingawl hi. Ama sia beal khat pan beal khat sungah a kisung ngeingawl a omcing sapittui taw kibang hi. A ngim lal ngeingawlin lim tawntung hi.

Ezekiel 8:12

Pathian in hong dongh hi, “A thithei mihing awng, Israel lampuite ii a sepkute na mu ziam? Amate a vekpi in limte taw a kidim inndoi sungah biakna vawt uh hi. Amate kam zonna hisia hi: ‘Topa in hong mu ngawl hi! Ama in hi ngam taisan zo hi.’ ” ci uh hi.

Ezekiel 9:4

“Jerusalem khuapi bup sungah va pai ta'n a, khuapi sungah a kivawt, a kiihuai nate theampo hu in, a khuangai a thinngim theampo ii talki tungah tepteena vawt ta'n,” ci hi.

Ezekiel 9:9

Pathian in, “Israel le Judah mite in a lauhuai mama mawna khialnate nei uh hi. Amate in ngamsung theampo ah mihing that a, Jerusalem sia khialna lian taw kidimsak hi. Amate in Keima Topa in amate ngam nusia zo a, amate mu ngawl hi hong ci hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Obadiah 1:6

Esau suan le paalte awng, na sumngumte hong kilaaksak zo hi.

Malachi 2:17

Na kampauna uh taw Topa toisak nu hi. Ahihang, “Ama bangbangin toisak khu ziam?” ci in dongh nu hi. “Vaanglianbelpa Topa in ngamtat siate theampo phasa hi; tuabangte diksa takpi hi,” ci nu hi. Tua ahibuale, “Thutangin ih heen Pathian sia koisungah om hi tu ziam?” ci in dongh nu hi.

2 Peter 3:4

hi bangin, hong dongh tu uh hi. “Hong pai kik tu ci in kamciam hong pia ahi bua ziam? Ama koisung om ziam? Ih taanghpupite sia thi siat zo hi, ahihang simlei kibitphua lai pan bangma in, na theampo kibang lai hi!”

Thupualaakna 2:23

A nungzuite zongh ka thatlum tu hi, tuasia ciangin pawlpi theampo in kei sia mihing theampo ii ngaisutna le a deina a he siat pa ka hi hunlam hong he tu hi. Note khat tek na ngamtat uh babangin kong thuk tu hi.