Zephaniah 1:10 - Syin Chin Bible

¹⁰ Topa in, “Tua ni ciang, Jerusalem Ngasa Kongpi ah kaana aw na za tu uh hi. Khuapi khen a thak zawna munah tauna aw le mual tungah sukthapna awnging lian khat na za tu uh hi.

Zephaniah 1:10 Iomraidhean Croise

2 Samuel 5:7

(Ahihang David in amate Zion kulhpi suan takpi in tua hun pan kipan “David Khuapi” kici hi.)

2 Samuel 5:9

Kulhpi a suan zawkciang a sungah David teang a, “David khuapi” ci in minvaw hi. Ama in tuasia ii kiimkot ah khuapi sa a, nisuana sang mualpangh ah lei a dipna pan hong pan hi.

2 Kumpite 22:14

Jerusalem khua ii a khenthak sungah a teang Huldah a kici numei kamsaang khat munah thu dongh tu in, Hilkiah, Ahikam, Achbor, Shaphan le Asaiah te pai uh hi. (A pasal Shallum sia, Tikvah ii tapa, Harhas ii tupa hi a, ama in biakinn sungah a zak puantualte a keampa ahi hi.) Amate in thupiang teng ama munah son uh hi,

2 Khangtaanghthu 3:1

Solomon ii pa David kumpipa in Biakinnpi atu in a mun tu khat kinging khol zo hi. Tua mun sia Jerusalem khua sung Moriah mualtung Jebus mi Araunah ii ancilna, David kungah Topa kilakna mun ahi hi. Solomon kumpipa ii inn sak tu a kipat hun sia

2 Khangtaanghthu 32:22

Tuabangin Topa in Hezekiah kumpipa le Jerusalem mi teng Assyria kumpilianpa Sennacherib le a ngal dangte khut sung pan zongh suatak hi. Ama in a mite sia a kiim le a paam ngam theampo taw kilemin teangsak hi.

2 Khangtaanghthu 33:14

Tuasia zawkciang Manasseh in David Khuapi nisuana sangah a om luphung puanung sia Gihon Cik hui Kuam sung panin saksang ah Ngasa Kongpi le Ophel kici khuapi huam ciang dong saangsak vaial hi. Judah ngam sungah kulh taw a ki uum khuapi sim ah ngalkap honkhat le a uk ngalkapbu khat veu koi hi.

2 Khangtaanghthu 34:22

Kumpipa thupiak bangin Jerusalem ii a khen khuathak mun khat sungah a teang Huldah a kici numei kamsaang khat munah thu dongh tu in, Hilkiah, Ahikam, Achbor, Shaphan le Asaiah te pai uh hi. (Tua nu ii pasal sia, Tikvah ii tapa, Harhas ii tupa Shallum hi a, ama in biakinn puantualte a keam pa hi.) Amate in thupiang teng ama munah son uh hi,

Nehemiah 12:39

tua mun pan Ephraim Kongpi, Jeshanah Kongpi, Ngasa Kongpi, Hananel Tausaang le Zakhat Tausaang te kaantan in Tuu Kongpi ah ka pai uh a, Biakinnpi kongpi hui ah ka tawp uh hi.

Nehemiah 3:3

Hassenaah ii bee le phung in Ngasa Kongpi vawt hi. Amate in a zawlte thung a kongpite bulh in, kongpi kha natu in a kalhnate le a zawlte thua uh hi.

Isaiah 59:11

Eite lauthawngin ih thinngim hi. Zawthawk vawtna pan le ahi ngawlin hong kivawtna pan hong ngum tu in Pathian ih thangai a, ahihang bangma piang ngawl hi.

Jeremiah 39:2

Zedekiah ii kumpi a sua zawk kum sawm le kum khatna, a tha li tha, ni kua ni in khuapi luphungte kisulet hi.

Jeremiah 4:31

Numei khat nautun a, a kap bang aw khat ka za hi, taciil a suak numei khat ii cik-au taw kibang hi. Tua in Jerusalem ii hu sam saa a, a kaana ahi hi, a khut zan in, “Kei a lal hi ing! Keima that tu in amate hong pai hi!” ci hi.

Ezekiel 6:13

Mithi luangte sia milimte kawm le biaknataute kiimkot, tuaciang mualno saang theampo tung le mualpi dawn theampo, thingkung hingte le, oak thingkung lian theampo ii nuai, milim meihal biakpiakna mun theampo ah kithethaang tu hi. Tua zawkciangin mihing theampo in keima sia Topa ka hi hunlam hong he tu uh hi.

Amos 8:3

Tua ni ciang kumpi inn sungah a kisa late sia kaana le mauna aw suak tu hi. Mithi luangte mun theampo ah om tu hi. Tuate a thimtham in kivawk tu hi,” hong ci hi.

Zephaniah 1:15

Tua ni sia thinso ni khat, ngim nga ni le thinkiam ni khat hi tu a, siatna le lalna ni khat, khuazing le khuasia ni khat, meeikaai a, khuatuap ni khat hi tu hi.

Zephaniah 1:7

Topa thukhen tu ni hong nai zo hi; tua ahikom ama mai ah thim dide in om vun. Topa in a mite pum aap siat tu in kithoai a, Judah a suttol tu in ngalte sam hi.