Zechariah 8:3 - Syin Chin Bible

³ Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi.

Zechariah 8:3 Iomraidhean Croise

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Psalm Late 48:1

Topa sia lian a, ih Pathian khuapi sung le a mual thiangtho tungah nasia takin pok tu ahi hi.

Pusuana 29:45

Israel mite sungah ka teang tu a, amate ii Pathian ka hi tu hi.

Isaiah 1:21

Khatvei lai in a thumaan khuapi sia pumpi zuak numei khat bangin ngamta hi! Khatvei lai tua khuapi sia mihing thutangte taw kidim a, ahizong tu in mithatte bekma taang lai hi.

Isaiah 1:26

Taanghlai in na nei uhte bangma in no hong uk tute le ngaisutna hong pia theite kong pia tu hi. Tua zawkciang Jerusalem sia a thutang, thumaan khuapi kici tu hi.”

Isaiah 11:9

Pathian ii mual thiangtho Zion tungah liamna baina, a sia a kha bangma om ngawl tu hi. Tuipite sia tui taw a kidim bangma in leitung sia Topa thu heakna taw kidim tu hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 32:16

Ngamsung mun theampo ah thumaan thutang le thukhaikim thu om tu hi.

Isaiah 60:14

Nang hong zawthawk vawt mite ii tapate hong pai tu a, Nang zatakna hong lak tu in kun tu hi. Khatvei lai in nang hong nomu theampo sia na peang ah bokin hong bia tu uh hi. Amate in nang sia, ‘Topa ii Khuapi,’ ‘Zion, Israel ii A thiangtho Pathian ii Khuapi,’ hong ci tu uh hi.

Isaiah 65:25

Ngiate le tuunote an nekhawm tu hi; tawpite in khui anneak bangin, taangphaw ne tu a, ngulte sia kiitakhuai nawn ngawl tu hi. Ka mual thiangtho, Zion tungah liamna baina le siatna bangma om ngawl tu hi,” ci hi.

Isaiah 66:20

Amate na Israel mipuite theampo sia hi ngamte pan keima kungah letsong in hong puak kik tu uh hi. Israel mite in biakpiakna antangte sia biakna taw kisai bung thiangthote taw Biakinnpi ah hong paipui bangma in, amate in na ngammipuite sia siphu, laa, kalaoh le siphu ngalleangte le khui leangte tungah pua in ka mual thiangtho Jerusalem ah hong paipui tu uh hi.

Isaiah 8:18

Topa ii hong piaksa tate taw hi munah ka om hi. A kumpi tokhum Zion mual tungah a om, Vaanglianbelpa Topa in, Israel mite kungah a nungta thupuakte bangin eite hong puak hi.

Jeremiah 14:9

Banghangin muanmawk khol ngawl patauna nei mihing khat bangin, kuama a hu zo ngawl ngalkap khat bangin om ni ziam? Topa awng, a tatakin, nang in ko taw nong omkhawm hi! Kote in na mite ka hi uh hi; hong nusia heak in’ a ci uh hi,” hong ci hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 31:23

Vaanglianbelpa Topa Israel ii Pathian in, “Mihingte a ngam ka piak kik ciang, Judah ngamsung le a khuate sungah amate in, ‘Topa in Jerusalem mual thiangtho, ama teenna mun thiangtho sia, thupha pia tahen’ khatvei ma ci kik tu uh hi.

Jeremiah 33:16

Judah mite le Jerusalem mite sia kisuatak tu a, ngam muangin teang tu uh hi. Tua khuapi sia ‘Topa, Eite Ngupna’ kici tu hi.

Ezekiel 48:35

Khuapi ii pangh li teng a kiim uum pang sia ii sauna kingawm sia metre 9,000 pha hi. Tu pan kipan tua khuapi ii min sia, ‘Hi munah Topa om hi!’ “Jehovah Shammah” hi tu hi.

Daniel 9:16

Nidang in kote nong huu zo hi, tua ahikom Jerusalem tungah hong thin uuk nawn heak in. Tua in na khuapi, na mual thiangtho ahi hi. Kote ii mawna khialnate le ka taanghpupite ii tatsiatna hangin ka kiim ka paam ngamte theampo in Jerusalem le na mite hong nomu uh hi.

Joel 3:17

“Tuasia ciang Israel awng, keima in Topa na Pathian ka hi hunlam nong he tu uh hi. Ka mual thiangtho Zion tungah ka teang hi. Jerusalem sia khuapi thiangtho khat hi tu a; ngamdangte in tuasia zothal kik ngeingawl tu uh hi.

Micah 4:1

Mailam hun ah Biakinnpi dinna mual sia a saangbel mual khat hi tu a, mualnote theampo tungah dokto tu hi. Minam tam mamate tua munah tuiluang bangin hong pai tu a,

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zechariah 1:16

Tua ahikom Jerusalem khuapi tungah ka hesuakna lak tu in kong pai kik zo hi. Ka Biakinnpi kipua pha kik tu a, khuapi kisa kik tu hi,” ci hi.

Zechariah 12:6

“Tua hun ciang Judah bee le phungte duisung ahibuale, thaw an min lak pha lo sung a meikaang bangin ka vawt tu hi — amate in a kiimkot minamte theampo susia tu uh hi. Jerusalem mite ahile khuapi sungah ngammuangin om tu uh hi.

Zechariah 14:10

Saksang Geba panin thangsang Rimmon dong ngamkuam buppi leitam kisua tu hi. Jerusalem sia kiim le paamte sangin saangzaw tu hi; khuapi in Benjamin kongpi pan nidang kongpi omna ngei Kiing Kongpi dong, tuaciang Hananel Tausaang pan kumpite sapittui suuknate dongin kithung tu hi.

Zechariah 8:16

Na sep tu uh sia hi teng hi: Khat le khat tungah thumaan thutak kison vun. Thukhenzum ah thutang khenna tatak — kilemna a piangsak thukhenna namte pia vun.

Zechariah 8:19

“A tha li tha, a tha nga tha, a tha sali tha le a tha sawm tha te sungah antan nate sia Judah mite atu in lungdam thinnop poai hong suak tu hi. Thumaan thutak le kilemna dei hamtang vun.”

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 14:23

Jesus in, “A kuama po kei hong it sia in ka hilcianna a zui tu hi. Ka Pa in tua pa it tu a, ka Pa le keima in ama kungah pai in, ama taw ka teang tu uh hi.

2 Corinth te 6:16

Pathian ii biakinn sia doai biakna milimte taw bangbangin thukimna vawt thei tu ziam? Banghang ziam cile eite sia a nungta Pathian biakinn ih hi hi! Pathian in: “Ka mite sungah ka inn ka vawt tu a, amate sungah ka teang tu hi; keima in amate Pathian ka hi tu a, amate in keima mihingte ahi tu uh hi,” ci hi.

Colossae te 2:9

Banghang ziam cile thaa pianzia sia Christ le ama ii mihing a hina sung mama ah a cing takin teang a,

Thupualaakna 21:10

Thaa in kei hong uk a, vantunglalang in, mualsaang mama khat ii dawn ah hong paipui hi. Ama in Vantung Pathian kung pan a hong paisuk Khuapi Thiangtho ahi Jerusalem khua hong lak a,

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.

Thupualaakna 21:3

Kumpi tokhum pan a ngingin a pau khat ka za hi: “Tu in Pathian omna inn sia mihingte taw omkhawm zo hi! Ama in amate taw teang khawm tu a, ama mihingte a hi tu hi. Pathian mama in amate taw omkhawm tu a, ama in amate ii Pathian ahi tu hi.