Zechariah 7:3 - Syin Chin Bible

³ thiampite le kamsaangte tungah hi bangin thu dongh tu in paisak hi, “Biakinnpi a kilalsak hu in kum tam mama sung ka vawt sa uh bangma, tu in a tha nga tha in, an tanna taw khuangai in om lai tu khu ziam?” ci hi.

Zechariah 7:3 Iomraidhean Croise

Ezra 3:10

Inn sate ii Biakinn tawdap a vawt kipat ciang puantual silh Thiampite in a khut ah lemle toai in dinmun la uh a, Asaph bee le phung Levi te in daalkopsai taw tua munah ding uh hi. Amate in David kumpipa hun pan a kihilnate bangin Topa pok uh hi.

Thuhilsya 3:4

Ama in hee natu hun le lungdam natu hun, mau tu hun le lap tu hun,

Hosea 4:6

Ka mite in kei hong saang ngawl ahikom a lal hi zo hi. No thiampite in kei hong saang ngawlin kong hilnate hong nial nu hi, tua ahikom no kong nial a, na tapate ka thiampi tu in ka saang buatu hi.

Joel 2:17

Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

Haggai 2:11

Ama in, “Thiampite tungah hi dokna huvau thukhensatna khat ngen in:

Zechariah 7:4

Hi thu sia Topa ii thupuak hi a, kei tungah hong theng hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Zechariah 8:19

“A tha li tha, a tha nga tha, a tha sali tha le a tha sawm tha te sungah antan nate sia Judah mite atu in lungdam thinnop poai hong suak tu hi. Thumaan thutak le kilemna dei hamtang vun.”

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Matthew 9:15

Jesus in, “Mopoai sungah zi neipa a om lai teng a leangnate khuangai thei tu in na um uh ziam? Ni khat ni ciang zi neipa amate sung pan kila tu a, tuasia ciang amate an tang tu uh hi.

1 Corinth te 7:5

Hun khat sung thungetna in hun na zak thei natu uh thukimna nei masa na hi bua na uh le, khat le khat na kinial heak vun; ahihang tua zawkciangin nupa ngeinate zom kik vun. Hi bangin hi le uhte pumpi kitek laakna hangin, a piang Satan ze etna na lel natu uh pan kikeam zo tu nu hi.

Thuhil kikna 33:10

Amate in na thukham a zui thei natu in na mite hil tu hi; Na biaknatau tungah sangaw biakpiaknate pia tu uh hi.