Zechariah 4:2 - Syin Chin Bible

² “Bang na mu ziam?” ci in hong dongh hi. “Khamh taw a kivawt meivak khuam khat hi. A dawn ah sathau koina kuang khat om hi. Meivak khuam tungah meiinn sali om a, a simin meivakkhau koina nei tek hi.

Zechariah 4:2 Iomraidhean Croise

1 Khangtaanghthu 28:15

meiinn le a detna khuam khat sim atu,

2 Khangtaanghthu 13:11

Zing sim nitak simin amate in ama tungah ngimnamtui biakpiakna le nganno taw pumhal sangaw biakpiaknate nei uh hi. Amate in zeksa ngeina bangin a thiangtho sabuai tungah anluum biakpiakna pia a, tuaciang nitak simin khamh meivak khuam tungah meiinnte de uh hi. Kote in Topa thupiak bang ka seam uh hi, ahihang note in ama na nusia uh hi.

2 Khangtaanghthu 4:7

Amate in a vawt ngei bangin khamh meidetna khuam sawm le sabuai sawm vawtin Biakinnpi ii a lai inndoi sungah koi in, a lang le lang ah meidetna khuam nga le sabuai nga veu kikoi hi. Khamh khawbeam zakhat zongh kivawt hi.

Thuhilsya 12:6

Ngunnkhau tat tu a, khamh meiinn taaksuk in tamhtham tu hi; tuikhuk ah khauzeen sia tatin tuibeal zaantham tu hi.

Jeremiah 24:3

Tua zawkciang Topa in keima tungah, “Jeremiah awng, bang na mu ziam?” hong ci hi, “Theinga ka mu hi. A phate sia pha mama a, a siate ahile sia leilam ahikom neak thei tu hi ngawl hi,” ci in ka zo hi.

Jeremiah 52:19

Amate in khamh ahibuale ngunn taw a kivawt nate theampo la uh hi: tuate sia kuangnote, meikam toaina bealpeute, sangaw biakpiakna a chi donna kuangte, vut kuangte, meiinn ngaknate, ngimnamtui halna kuangte le sapittui sunna biakpiakna haite ahi uh hi.

Amos 7:8

Ama in, “Amos awng, bang na mu ziam?” ci in kei hong dongh hi. “Teena khaukhai khat” ci in ka zo hi. Tuaciang ama in “Ka mite khaukhai bangin a tang ngawl pang khat taw a kiban hunlam lakna in hi teena khaukhai ka zangh hi. Amate daan ka piak tu huvau ka thin ka kheal kik buatu hi.

Zechariah 5:2

Vantunglalang in ka mu sia hong dongh hi. “Laizial khat vui sungah leang hi; tuasia metre kua sau a, metre li le lang zai hi,” ka ci hi.

Thupualaakna 1:12

Akua in hong paupui ziam ci in ka nung ka kiheak ciang, khamh meivakna sali ka mu hi,

Thupualaakna 1:20

ka ziatsang khut sungah na mu aksi salite le khamh meivak khuam salite ii a kiphualseal a khiakna sia hi bang ahi hi: aksi salite sia pawlpi salite ii vantunglalangte hi a, meivakna khuam salite sia pawlpi salite ahi hi.

Thupualaakna 4:5

Kumpi tokhum pan khualeng vazal a, nging vangam in vanto hi. Tua kumpi tokhum mai ah Pathian thaa salite ahi meisip salite kuang hi.