Zechariah 3:4 - Syin Chin Bible

⁴ Vantunglalang in a vantung sawllamhte munah, “Hi sia pa ii a silh puansia teng suutkeak vun,” ci hi. Tua zawkciang ama in Joshua munah “Na mawna teng kong laak keaksak zo a, na silh tu puan thakte kong pia tu hi,” ci hi.

Zechariah 3:4 Iomraidhean Croise

Luke 15:22

Ahihang a pa in naseamte sam a, ‘Hong manlang tavun! Puantual phabel sia la tavun a, silhsak vun. A khutme ah khutzungbu bulsak vun a, peangdap thuasak vun.

Isaiah 61:10

Topa sepna hangin Jerusalem lungdam hi. Jerusalem sia mothak khat pasal a nei ni in a kizeam bang ahi hi. Pathian in ama sia ngupna le ngalzawna taw tuam zo hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Isaiah 43:25

Ahitazong, na mawna hong maisak sia Pathian keima hi a, keima ka hikom hi bangin ka vawt hi. Na khialnate lenin maw kong suan buatu hi.

1 Corinth te 6:11

Note pawlkhat in tuabang na ngamta ngei uh hi. Ahihang note sia mawna panin hong kithiansua zo hi; Pathian tungah hong ki aaptuam zo hi. Topa Jesus Christ le eite Pathian ii Thaa in Pathian mai ah note thutang hong suaksak zo hi.

Zechariah 3:7

Vaanglianbelpa Topa ii ci teng son hi: “Ka thukhamte zui in kong sawl tuamte na seam le, tuasia ciang ka Biakinnpi le a suumte na uk suak tu hi, tuaciang ka omna munah a om vantunglalangte thungetna ka zaak bangin na thungetnate kong za tu hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Isaiah 61:3

Zion ah a om a khuangai mite tungah Heena luangin thinnopna le lungdamna, khuangaina luangin pokna la khat puak tu in kei hong paisak hi. Amate sia Topa mama ii suan sa Thingkungte taw kibang tu hi. Amate theampo in a maan sia seam tu uh a, Pathian sia ama ii sepnate hu in kipok tu hi.

Hebrew te 8:12

A mawnate uh ka maisak tu a, a khialnate uh ka ciamtee nawn buatu hi,” ci hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Zechariah 3:9

Joshua mai ah mai sali a nei suang khat nguak ka koi tu hi. Tua tungah lai kong khen tu a, ni khat thu in hi ngam ii mawna teng ka lakeak tu hi.

Psalm Late 51:9

Ka mawnate hong etsak heak in a, ka siatnate theampo hong melmaisak ta'n.

Colossae te 3:10

a thak nuntakna zia na silh zo uh hi. Tua in, a kicing takin ama ih heak seseam natu in, Bitphuapa Pathian ii ama a suun tu in hong thaksua tawntung nuntakna thak ahi hi.

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

Romete 3:22

Pathian in mihingte sia Jesus Christ a upna uh tungtawnin thutang suaksak hi. Christ a umte theampo tungah Pathian in hi bangin vawt hi, banghang ziam cile kuama a kilamdang tuatuan a om bua uh hi.

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

Luke 1:19

Vantunglalang in zo kik a, “Kei sia Gabriel ka hi hi. Pathian omna munah a om pa ka hi a, hi lungdamna thupha, nang kungah hong puak tu le nang taw kipaupui tu in, hong kisawlpa ka hi hi.

Zechariah 3:1

Mukholna dang khat ah Topa in Thiampi Lianbel Joshua sia Topa vantunglalang mai ah dingin a om hong lak hi. Tuaciang Joshua kungah Satan ding a, ama mawsuan tu in kinging hi.

Isaiah 52:1

Jerusalem awng, thahat in a, lian kik in! Pathian ii a thiangtho khuapi awng, puan et hoi silh in! Pathian um ngawl mite na kongpite sungah tum kik ngei nawn ngawl tu uh hi.

1 Kumpite 22:19

Micaiah in zomto a, “Tu in Topa pauna teng ngai vun! Topa sia vantung a kumpi tokhum tungah to a, ama ii vantunglalangte a kiim ah a ding ka mu hi.”

2 Samuel 12:13

David in, “Topa tungah maw zo khi hi,” ci hi. Nathan in, “Topa in hong maisak hi; thi ngawl tu ni hi.

Thupualaakna 5:11

Tuaciangin ka et kik le, tul tam mama le awn tam mama a pha vantunglalangte aw ka za hi! Amate in kumpi tokhum, nganhing li teng le upate kiimkot ah dingin,

Matthew 22:11

“Kumpipa sungtang in a leangnate a et ciang, mopoai puan silh ngawlpa khat mu hi.

Ezekiel 42:14

Thiampite in Biakinnpi sung a tum zawkciang le a suum puanung ah a pai nop ciang, hi inndoite sungah Topa atu na a sep laitak, a silh puan thiangthote a nusiat kul hi. Ama te sia mipite kikhop na ah a pai ma in puan dang a sil uh kul tu hi”.

Micah 7:19

Nangma in kote khatvei ma nong hesuak kik tu hi. Kote ii mawna khialnate na peang nuai ah na siikcip tu a, tuipi taw ah na khiasuk tu hi!

Isaiah 44:22

Na mawnate meeikaai bangin ka bosak zo hi. Ka kungah hong cia kik ta'n; keima in nang hong ngumpa ka hi hi,” ci hi.

Jeremiah 52:33

Tua ahikom Jehoiachin sia a thong puante kilaihsakin a nuntak lai teng kumpipa ii sabuai ah an kinesak hi.