Shealtiel ii tapa Zerubbabel le Jehozadak ii tapa Joshua te in a thusonte a zaak uh ciang Jerusalem Biakinnpi sakkik kipan a, kamsaangte nii in hu uh hi.
Israel ii Topa Pathian awng, nang thutang ni hi, ahihang kote nong nungtasak hi. Ka mawnate na tungah kong pualaak uh hi; na mai ah kong pai natu thu a om bua hi,” ka ci hi.
Na deisak bangin nuntak tu a phawkte le a maan na seam in a lungdamte na phatvawt hi. Ko tungah na thin uuk hi, ahizong kote in mawna khialna ka vawt leleng uh hi; na thin uuk mama napi in taanghlai pan kipan kote in mawna khialna ka vawt tan uh hi.
Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.
Sonteena in, mihau khat sia khamh khutzungbu bun a, puan pha silhin, kikhopna munah hong pai hen a, tuaciangin mihing khat sia puansia ngapkaai silhin, kikhopna munah hong pai hi.
midangte sia meikuang sung pan dokin, hun tavun; a dangte tungah hesuakna le kiitakna kithua in, na lak tavun a, ahihang amate paktat mawna taw nin a baang sa puante mama na ensan tavun.
