Zechariah 3:2 - Syin Chin Bible

² Topa vantunglalang in Satan munah, “Topa in nang hong puavawk tahen, Satan awng! Jerusalem a it Topa in nang hong puavawk tahen. Hi sia pa in meikhuk sung pan a kiteen kik thingkhua khat taw kibang hi,” ci hi.

Zechariah 3:2 Iomraidhean Croise

2 Khangtaanghthu 6:5

‘Egypt pan ka mite ka pusua pui hun pan kipan tu dong Israel ngam sungah keima hong kibiak natu mun biakinn khat sak natu in khuapi khat pawpo ka teal bua a, Israel ka mite lampui tu in khat pawpo zongh ka teal bua hi.

2 Khangtaanghthu 6:6

Ahihang tu in keima nong biak natu mun Jerusalem ka teal zo a, ka mite uk tu in nangma David kong teal zo hi.’ ci hi.”

Psalm Late 109:31

banghang ziam cile ama in mizawng pa hung a, a thi natu in a puavawkte kung panin amate suatak hi.

Isaiah 7:4

Ama kinging sa in a om khinkhian natu le a thin patau ngawl natu in son in. Kumpipa Rezin le ama ii Syria mite le Pekah kumpipa ii thin uukna te sia meikuang valiat thingkhua nii panin meikhu sia sangin lauhuai ngawl zaw hi.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Amos 4:11

“No pawlkhat sia Sodom le Gomorrah ka suksiat bangin kong susia hi. No a thi mong teng sia meikhuk khat pan a kiteen thingkhua kaanghmong bang na hi uh hi. Tua hi napi, kei kung nong zuan kik tuan bua lai uh hi,” ci hi.

Zechariah 1:17

Vantunglalang in Topa kammal hi teng zongh thangsak tu in hong sawl hi: “Vaanglianbelpa Topa in a khuapite nuamsa kik tu a, ama in Jerusalem khatvei hu kikin, ama khuapi in nei kik tu hi, ci hi.”

Zechariah 2:12

Judah mite khatvei ma ama ngam thiangtho sungah Topa ii nei tuam hong hi kik tu a, Jerusalem khua sia ama itbel khuapi hong hi kik tu hi.

Mark 1:25

Jesus in doai munah, “Pau heak in, pasalpa sung pan hong pusuak ta'n!” ci in thupia hi.

Mark 9:25

Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Luke 22:32

Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

Luke 4:35

Jesus in thaa tungah thupia a, “Thim in, pasalpa sung pan pusuak in!” ci hi. Doai in mihingpa sia amate mai ah lei denna in nei a, bangma dang tatsak ngawlin a sung pan pusuak hi.

Luke 9:42

Patang sia hong paipui laitakin doai in lei denna in nei a, butthi in kaikinsak hi. Jesus in thaa ngilo tungah thupia a, patang sia damsakin, a pa tungah aap kik hi.

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.

Romete 16:20

Tuaciang ih thinnopna ii naak ahi Pathian in Satan sia hai ngawlin na peang nuai ah siiktham tu hi. Ih Topa Jesus thuthiamna in note taw hong om tahen.

Romete 8:33

Pathian tealsa mihingte tungah akua in, mawna zong thei tu ziam? Pathian mama in amate mawnei ngawl a suasakte ahi hi!

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Jude 1:23

midangte sia meikuang sung pan dokin, hun tavun; a dangte tungah hesuakna le kiitakna kithua in, na lak tavun a, ahihang amate paktat mawna taw nin a baang sa puante mama na ensan tavun.

Jude 1:9

Vantunglalangte sung pan a lianbel Michael zongh in hi bangin ngamta ngawl hi. Moses luanghawm sia Doaimangpa taw a kituu laitakin, Michael in Doaimangpa sia kamsia taw na lang ngawl a, “Topa in nang hong teih tahen,” na ci bek hi.

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.