Zechariah 3:1 - Syin Chin Bible

¹ Mukholna dang khat ah Topa in Thiampi Lianbel Joshua sia Topa vantunglalang mai ah dingin a om hong lak hi. Tuaciang Joshua kungah Satan ding a, ama mawsuan tu in kinging hi.

Zechariah 3:1 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 48:16

Natna satna theampo panin keima hong suatak vantunglalang in amate thupha pia tahen! Hi panote tungtawnin keima min le ka pate ahi Abraham le Isaac min nungta top tahen! Amate in ta tam mama nei in suan le paal tam mama nei tahen!”

1 Khangtaanghthu 21:1

Satan in Israel mite tungah ngimna thengsak nuam ahikom ama in David sia mi simna vawt tu in khensatsak hi.

2 Khangtaanghthu 29:11

Ka tapate awng, hun bothongsak heak vun. Note sia ama atu ngimnamtui hal tu le ama biakna ah mipite lampui tu in, Topa tealsa mite na hi uh hi.”

Ezra 10:18

Hi sia in ngamdang zinei pasalte tepteena hi: Joshua le a suapuite ii bee le phung pan Jehozadak ii tapate: Maaseiah, Eliezer, Jarib le Gedaliah te ahi hi.

Ezra 2:2

A lampuite sia Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum le Baanah te ahi uh hi. Hisia saltanna pan a ciakik Israel bee le phungte sung pan a bee a phung zui in mi phaza tepteena ahi hi.

Ezra 5:2

Shealtiel ii tapa Zerubbabel le Jehozadak ii tapa Joshua te in a thusonte a zaak uh ciang Jerusalem Biakinnpi sakkik kipan a, kamsaangte nii in hu uh hi.

Psalm Late 106:23

Pathian in a mite ka lalsak tu a ci ciangin ama ii teal a naseampa, Moses in Pathian mai ah dingin a thin uukna taw amate a lalsak ngawl natu in khaam hi.

Psalm Late 109:6

Ka ngalpa tungah thusit tu in a maan ngawl thukhenpa khat teal in a, ama ngalte khat ma in ama mawsiatsak in.

Jeremiah 15:19

Hi thu taw kisai in Topa in, “Nong heak kik ahile kong la kik tu a, ka naseampa na suak kik tu hi. Thu mannung ngawl po na son sangin thu manpha thu taknei na son le, ka kamsaang na suak kik tu hi. Mipite sia nang kung hong zuan kik tu a, amate kungah nang na pai kul ngawlzaw tu hi.

Ezekiel 44:11

Amate in ka Biakinnpi sungah kongpite cingin Biakinnpi nasepte seamin keima na a seam thei tu uh hi. Amate in mihingte ii meihal le sangaw biakpiakna ah a piak nganhing te ngo thei tu a, mihingte kisapnate sepsak tu uh hi.

Ezekiel 44:15

Vaanglianpipa Topa in, “Tua Levi minam Zadok ii suan le paal thiampite ahile Israel midangte ii kei hong taisat zawkciang, Biakinnpi sungah thumaan takin ka na seam suak uh hi. Tua ahiciang tu in amate sia ka na seam a, ka omna ah hong pai in sangaw biakpiakna a thau le a chi taw biakpiakna hong nei tute ahi uh hi.

Haggai 1:1

Darius ii Persia kumpilian a sep zawk a kum niina kum, a tha luk tha, ni masabel ni in Topa in kamsaangpa Haggai tungtawnin thu son hi. Shealtiel tapa Judah ngamukmangpa Zerubbabel atu le Jehozadak ii tapa Thiampi Lianbel Joshua atu in thupuak ahi hi.

Haggai 1:12

Tua zawkciang Zerubbabel, Joshua le Babylon ngam saltanna pan hong cia kik theampo in Topa a Pathian sawl bangin vawt uh hi. Amate lau ahiciang, Topa ii kamtaipa, kamsaang Haggai thu ni uh hi.

Haggai 2:4

Ahizong tu in note khat zongh thinkiam heak vun. Na seam vun banghang ziam cile no taw keima kong omkhawm hi.

Zechariah 1:13

Topa in heenepna kammal taw vantunglalang tungah zo kik a,

Zechariah 1:19

Keima hong paupui vantunglalang tungah, “Hi sakiite a khiakna bang ziam,” ci in ka dongh hi. Ama in, “Tuate in Judah, Israel le Jerusalem mite a kithethaangsak simlei vaangliante a cinopna ahi hi,” ci in hong zo hi.

Zechariah 1:9

Ama ka dongh a, “Topa awng, hi siphute in bang khiakna nei ziam?” ka ci hi. Ama in, “Bang ci nuam ziam kong lak tu hi.

Zechariah 2:3

Tuaciang keima hong paupui vantunglalang sia mai sangah kal hong suan ka mu a, vantunglalang dang khat ama taw kisi tu in hong pai hi.

Zechariah 3:8

Tua ahiciang nang, Thiampi Lianbel ahi Joshua awng, na ngai in; no, a thiampi seppuite awng, mailam hun phate ii limlakna ahite awng, ngai vun: Thingbaak a kici ka naseampa kong pualaak tu hi!

Zechariah 4:14

Tuasia ciang ama in, “Hite in leitung bup ii Topa na a seam tu in Pathian tealsa le sathau a noisa mihing niite ahi hi,” ci hi.

Zechariah 6:11

Amate hong piak khamh le ngunn te taw kumpilukhu khat vawt in a, Jehozadak tapa Thiampi Lianbel Joshua lu tungah khusak in.

Malachi 3:1

Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Luke 22:31

“Simon, Simon awng! Ngai in! Lothopa ii zungtaang le taangphawte a khen bangma in, a phate le a siate hong khen natu in, Satan in no theampo hong ze et natu thu nga zo hi.

Thuhil kikna 10:8

Mual tungah Topa in Thuciamna Thingkuang a cing tu, thiampi na a seam tu, tuaciang ama min suangin thupha a pia tu in Levi namte nasep pia hi. Hi nasepte tu dongin amate nasep hi lai hi.

Thuhil kikna 18:15

Tuate taangin ama in kei taw a kibang kamsaang khat na mite sung pan no hong puak tu a, ama thu na ni tu uh hi.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.

1 Samuel 6:20

Tua ahikom Beth Shemesh mite in, “Hi a thiangtho Pathian, Topa mai ah akua peuma dingtang zo tu hi ziam? Ei taw a kikhuala thei natu in ama koisungah puak tu hi ziam?” ci uh hi.