Zechariah 13:3 - Syin Chin Bible

³ Tuaciang khat po in kamsaanna a zom nuam hamtang lai le, a pa le a nu in nang hong kithatlum nanak tu hi, ci tu hi, ama in Topa ii kammalte ka pau ci napi, leilot thu a son hang ahi hi. Ama ii kam a san ciang, a pa le a nu in nam taw hollum tu hi.

Zechariah 13:3 Iomraidhean Croise

Jeremiah 23:25

Amate mang sungah ka thupuakte hong pia zo hi ci a keima min suangin leilot thu a son kamsaangte ii thusonte ka he hi.

Jeremiah 23:34

Ka mite khat ahibuale kamsaang khat ahibuale thiampi khat in, ‘Topa ii Vanhngit’ ci kammal a zangh zezen ahile ama le a inn kuanpuite daan ka pia tu hi.

Jeremiah 28:15

Tua zawkciang Hananiah tungah hi thu ka son zawkciang, “Ngai in, Hananiah awng! Nang sia Topa ii hong sawl na hi bua hi. Hi mite leilot thu na umsak hi.

Ezekiel 13:23

Tua ahikom, tu in na mukholna a maan ngawlte le lam hong pialsak thu sonkholte bo zo hi. Keima, Topa ka hi hunlam na heak natu in na vaangletna pan ka mite ka suatak hi,” ci hi.

Ezekiel 14:9

“Kamsaang khat in theam thuakin, a maan ngawl zona a pia le Kei, Topa in ama ka theam hu a hi hi. Israel mite huamsung panin ama ka heam tu hi.

Ezekiel 43:7

“A thithei mihing awng, hi lai ah ka kumpi tokhum om hi. Hi lai Israel mite sungah teangin, amate a tawntung ka uk tu hi. Israel mite le a kumpite in pathian dangte biakna taw ahizong, a kumpite luang hi munah phumna taw ahizong, ka min thiangtho daisak kik nawn ngawl tu hi.

Matthew 10:37

“Kei sangin a nu a pa a itzaw sia kei nungzui tu in kiphu ngawl hi; kei sangin a tapa ahibuale a tanu a it zaw te kei nungzui tu in kiphu ngawl hi;

Luke 14:26

“A kuama po kei nung hong zui tu sia in, a pa, a nu, a zi, a tate, a suapuipate, a suapuinute le, ama le ama mama sang zonghin kei hong it zaw buale kei nungzui a suak thei buatu hi.

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.

Thuhil kikna 18:20

Ahizong kamsaang khat pawpo in ka thupiak ngawl thu khat ka min suangin a son ngam le ama thi tu a, pathian dangte min suangin a son kamsaang khat pawpo zongh a thi kul tu hi,’ hong ci hi.

Thuhil kikna 33:9

Amate in nangma tungah a nute a pate, a suapui pate le a tate tung sangin a lian zaw thumaan na lak hi. Amate in na thupiakte ni in, na thuciam tungah thumaan uh hi.