Zechariah 10:3 - Syin Chin Bible

³ Topa in, “Ka mite a uk ngamdangmite tungah ka thin uuk a, daan ka pia tu hi. Judah mite sia keima aa hi, tuaciang keima Vaanglianbelpa Topa in amate ka keam tu hi. Amate sia a thahat ka ngal siphute hong hi tu uh hi.

Zechariah 10:3 Iomraidhean Croise

Job 39:25

Lemle kitum simin a naak uh thing hi; ngal kisimna mun nai a thet ma in ngal ngimnam za thei a, tuaciang tuate in ngalkapbute ii au in a thupiakte za uh hi.

Pusuana 4:31

Amate in um uh hi. Amate kungah Topa pai in kivawtsiatna a thuaknate Topa ii a mu sakna thu teng a zaak uh ciang amate kunin Topa bia uh hi.

Paunakte 21:31

Ngalsim natu in siphute na kinging kholsak thei hi. Ahihang ngalzawna hong pia pa in Topa ahi hi.

Solomon ii La 1:9

Ka ngaino awng, Pharaoh ii siphu ngalleang a kai siphutalte a thin a thosak siphupui bangin pasalte thin na thosak hi.

Isaiah 10:12

Ahihang Topa in, “Zion mual tung le Jerusalem khua sungah ka nasep teng ka man ciang, Assyria kumpipa sia ama ii kisuantaakna le kiphatsakna theampo hu in daan ka pia tu hi,” ci hi.

Isaiah 24:21

Topa ii, tungsang vaang neite le leitung ukte daan a piak tu hun khat hong theng tu hi.

Jeremiah 10:21

Keima in, “Ih lampuite mawmaw a; lamlak tu in Topa thu dongh ngawl hi. Tuasia hu in amate nguallelin, ih mite kithethaang hi.

Jeremiah 11:22

Tuasia ciang Vaanglianbelpa, Topa in, “Amate daan ka pia tu hi! A tangvalte ngal sungah kithatlum tu a; a patangte sia ngilkialin pukthi tu uh hi.

Jeremiah 25:12

Tua zawkciang Babylon le a kumpipa sia a mawna uh hu in daan ka pia tu hi. Tua ngam ka susia tu a, a tawntung lalcip in ka nusia tu hi.

Jeremiah 25:34

No lampuite awng, kap vun, ka mite a cing a keamte awng, a ngingin kap vun! Tau in leivui sungah liik vun. Note hong kithalup tu hun hong theng zo a, tuutalte bangin note hong kisem tu hi.

Jeremiah 50:6

“Ka mite sia tuucingte ii mualtung tengah a bosua tuute taw kibang hi. Amate sia tuute bangin mual khat pan mual khat ah vakthap kawkoai uh a, a inn omna mun mangil zo uh hi.

Ezekiel 34:11

“Keima, Vaanglianpipa Topa in kong ci na pan keima mama in ka tuute ka zong tu a, ka keam tu hi,

Ezekiel 34:12

tuucing khat in a kithethaang tuute kaikhawm in a kep bangma in ka tuute ka keam tu hi. Tua khuazing le a lauhuai tuasiatna ni in, a kithethaang na mun theampo panin amate ka khawm kik tu hi.

Ezekiel 34:2

Ama in, “A thithei mihing awng, Israel ngam ukte sonsia in, kamsaanna taw, Keima, Vaanglianpipa Topa ii kong ci teng amate munah son in: No Israel ii tuucingte awng a lal na hi uh hi: Noma le noma na kikeam cing uh a, ahihang na tuute na keamcing ngei bua uh hi.

Daniel 11:32

Theamna taw kumpipa in a biakna uh a nusia sa mihingte ii panpuina nga tu hi, ahihang Pathian nung a zuite in do kik tu uh hi.

Zephaniah 1:8

Topa in, “Tua kingawlup ni in, uliante, kumpi tapate le ngamdang ngeinate a zui theampo daan ka pia tu hi.

Zephaniah 2:7

Judah mi a nungta laiteng in na leitang uh la tu hi. Amate in a ngan honte thana in nei tu a, Ashkelon innte ah ngiak tu uh hi. Topa a Pathian in amate taw omkhawm tu a, amate nuamsasak kik tu hi.

Zechariah 11:17

Tua a mannung ngawl tuucingpa a lal hi zo hi! Ama in a tuuhonte nusia zo hi. Ama thahatna sia ngalte in lalcipsak tu hi. A baan ngawtaak tu a, a mit ziatsang taw tu hi,” hong ci hi.

Luke 1:68

“Israel te ii Pathian Topa pok tek tawng! Ama in a mite hun tu in hong pai a, suaktasak hi.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

Ruth 1:6

Tua zawk tawmvei ciangin, Topa in ama ii mite sia thupha pia a, an tam mama la hi ci in Naomi in za hi; tua ahikom a mote nii taw Moab ngam nusia tu in kithoai hi.