Zechariah 1:6 - Syin Chin Bible

⁶ Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.

Zechariah 1:6 Iomraidhean Croise

2 Kumpite 15:12

Tua ahikom Topa ii Kumpipa Jehu tungah kamciam a piak, “Na suan na paalte khang li dong Israel kumpipate suak tu hi,” a ci sia taangtung hi.

Job 6:29

A vaal kai in pau zo nu hi. Na thumaan ngawlna uh kheal vun. Hong puanil heak vun. Kei sia thumaan khi hi.

Isaiah 21:17

Kedar mite sung pan thal toaite sia ngalhang belte hi a, ahihang amate sung pan tawm bek taang lai tu hi. Keima, Israel te ii Topa Pathian in ka son zo hi,” hong ci hi.

Isaiah 44:26

Ahihang ka naseampa in thuson kholna khat a nei ciang, ka ngealnate pualaak tu in, kamtai khat ka puak ciang tua ngealnate le sonkholnate ka taangtungsak hi. Jerusalem ah mite teang kik tu hi ci in Jerusalem tungah ka son a, Judah ngam khuapite kisa kik tu hi ci in Judah ngam khuapite ka son hi. Tua khuapite sia a siatcipnate sung pan tho to tu hi.

Isaiah 55:1

Topa in, “A dangko theampo awng, hong pai tavun — hi lai ah tui om hi! Hong pai tavun, no sum nei ngawlte awng — an lei vun a ne vun! Hong pai tavun! sapittui le khuinoai lei vun — nang atu bangma man ngawl tu hi!

Isaiah 55:11

Keima pau kammal sia zongh tuabang ma hi tu a — sep tu a ka ngealna bangin taangtung a; ka sawl teng theampo seam tu hi.

Jeremiah 23:20

ama ii tupna teng a vekpi a vawt siat mateng in a thin uukna thai ngawl tu hi. Mailam sangah a mite in hi thu telthiang tu uh hi,” ka ci hi.

Jeremiah 26:15

Ahihang hi thu telcian vun: kei nong that uh le noma le hi khuapi sung mihingte sia a mawbaang ngawl mihing khat that a mawnei na tang tu uh hi, banghang ziam cile hi kidop natu thu, no tungah son tu in hong sawl pa sia Topa ahi hi,” ka ci hi.

Jeremiah 28:17

Tua kum a tha sali tha in Hananiah thi hi.

Jeremiah 32:24

“Babylon te in khuapi a laak natu in khuapi kiimkot ah leivum ciangin uumci a, tuaciang sim uh hi. Ngal, kialpi le natna in hi khuapi sia amate ii khut sung thengsak tu hi. Na son sate theampo a taangtun na mu thei hi.

Jeremiah 36:28

laizial dang khat la in, a masa laizial sungah a omte theampo tuasia sungah at tu in hong sawl hi.

Jeremiah 39:16

Ethiopia mi Ebedmelech tungah a son tu in Topa in kei hong sawl hi. “Ka vawt tu hi ka ci bangin hi khuapi tungah nopsakna ahi ngawl siatna ka tungsak tu hi. Hi bangin hong pian ciang a mu tu in tua munah na om tu hi.

Jeremiah 4:4

No, Judah mite le Jerusalem khua mite awng, na Topa ahi keima taw na vawt uh thuciamna sia keamcing vun a, ka tungah hong ki aap tavun. Tuabangin na hi bua uh le, a siate na vawtna uh hu in ka thin uukna sia mei bangin kuang tu hi. Tuasia kuangin tua meikuang a mit tu kuama om ngawl tu hi,” ci hi.

Jeremiah 44:2

Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 44:28

Ahihang note tawm bek thina pan na suakta tu uh a, Egypt ngam panin Judah ngam ah na heak kik tu uh hi. Tuasia ciang a nungta laiteng in akua ii kammal sia taangtung zo a maan ziam, keima kammal maw, amate ii kammal, ci sia he tu uh hi.

Jeremiah 44:29

Hi munah daan kong pia tu a, tuaciang note tungah siatna kong thengsak tu hi ci a ka kamciam sia a taangtun takpi na Keima, Topa in note kong lak tu hi.

Jeremiah 44:6

Tua ahikom ka thin uukna le ka thinsona sia Judah ngam khuate le Jerusalem lampite tungah ka buak a, tuate sia mei taw ka hal hi. Tuni a na mu uh bangma in tuate sia a kisiacip in om a, a lipkhaphuai suak hi.

Kaa late 1:18

“Ahihang Topa sia a maan hi a, keima in a thu ka nit ngawl hang hi zaw hi. Hong ngai tavun, mun theampo a om mite awng; a na ka thuak hong en tavun. Ka ngaknute le ka tangvalte sia ngalmat in kipaipui siat zo hi.

Kaa late 2:17

Topa in hong tawnna teng a khak belin tungsak hi. Ama in hun saupi lai a eite kidop natu hong hil sa bangin hesuakna om ngawlin hong lalsak hi. Ama in ih ngalte ngalzosak a, ih ngallelna ah amate lungdamsak hi.

Kaa late 3:42

“Topa awng, kote mawin, kong langpan zo uh a, nangma in nong maisak bua hi.

Ezekiel 20:43

Tuasia ciang a thasiathuai na vawt theampo taw noma le noma bangza in kininsak nu ziam ci sia na phawk kik tu uh hi. Siatna na vawtte theampo hu in noma le noma na kithasiat sua tu uh hi.

Ezekiel 37:11

Pathian in kei tungah, “A thithei mihing awng, Israel mite sia hi mithi ngute taw kibang hi. Amate in ka ngu uh tei zo a, maisang bangma muanmawkna nei nawn ngawl khu hi, a ci uh hi.

Daniel 4:28

Hi thu theampo Nebuchadnezzar kumpipa tungah tung siat hi.

Hosea 5:9

Daan thuak tu ni hong theng tu a, Israel kisusia tu hi. Israel mite awng, hisia piang tatak tu hi!

Hosea 9:15

Topa in, “Amate ngamtat siatnate theampo Gilgal pan kipan hi. Tua mun in amate ka etsat kipatna mun ahi hi. Amate ngamtat siatna hu in ka ngam panin amate ka notkeak tu hi. Amate ka it nawn buatu hi; a lampuite theampo in kei hong langpan zo uh hi.

Amos 9:10

‘Pathian in eite kungah natna satna hong naisak bua in teh a ci theampo — ka mite sung a mawneite ngal sungah kithatlum tu hi,” ci hi.

Zechariah 1:7

Darius sia kumpilianpa in a maan zawk a kum niina, a tha sawm le tha khatna (Shebat tha), ni 24 ni zanin Topa in mukholna khat sungah thupuak khat nei hi.

Malachi 3:18

Kei atu a seamte le a seam ngawlte, tuaciang thutangte le a seksolte tungah a piang thute ii kilamdanna sia ka mite in khatvei mu kik tu uh hi,” ci hi.

Mi Simna 23:19

Pathian sia a leilot thei mihingte taw kibang ngawl a; Ama sia a thin a kheal papai mihing hi ngawl hi. A kamciamna babang seam a; A pau bangin taangtung hi.

Mi Simna 32:23

Ahizong, na kamciam na len bua uh le, Topa langpanin mawnei na hi tu uh sia kong hesak hi. Hi thu taw kisai in khial tha heak vun; na mawna daan thuak tu nu hi.

Mi Simna 33:56

Amate na notkeak bua uh ahile, amate lalcipsak tu ka sawm bangin note kong lalcipsak tu hi.” ci hi.

Matthew 24:35

Vantung le simlei a bo tu hi, ahihang ka kammalte a bo ngei buatu hi.

Thuhil kikna 28:15

“Ahizong tuni in kong piak Topa na Pathian ii hong thupiak theampo le thukham theampo thumaan takin zui ngawlin ama thu na ni bua uh le, hi siatna theampo note tungah hong tung tu hi.

Thuhil kikna 28:2

Topa na Pathian thu ni vun, tua hile hi thupha theampo noma aa hi tu hi:

Thuhil kikna 28:20

“A sia vawtin Topa na nial uh le, manlang takin na lalcip uh dong ama in tuasiatna, buaina le na sepna theampo ah ngimnate tungsak tu hi.

Thuhil kikna 28:45

“Topa na Pathian thu ni ngawlin hong piak thukham theampo na zui ngawl hu in, hi tuasiatna teng no tungah hong tung tu a, na lal siat uh dong tuasiatnate hong om tu hi.

1 Thessalonica te 5:4

Ahihang suapuite awng, note in khuazing sungah om ngawl nu hi, tua ahikom tua Ni in nguta khat hong pai a, lamdang na sak bang ahi buatu hi.