Zechariah 1:3 - Syin Chin Bible

³ ahihang tu in no tungah kong ci hi, ‘Kei kungah hong heakkik tavun, tuaciang keima no sangah kong kiheak tu hi.

Zechariah 1:3 Iomraidhean Croise

2 Khangtaanghthu 15:2

tuaciang, Azariah sia Asa kumpipa taw kimu tu in pai hi. Ama in, “Asa kumpipa, no Judah mite le Benjamin mite awng, hong ngai tavun! Topa na bel uh laiteng ama in hong ompui tu hi. Ama na zong uh le ama hong musak tu a, ahizong na nungngat uh le ama in hong nusia tu hi.

2 Khangtaanghthu 15:4

Ahizong a ngim nga uh ciang amate in Topa, Israel te ii Pathian zuan uh hi. Amate in ama zongin mu uh hi.

Nehemiah 9:28

Kilemna a om kik ciang amate hong khial kik a, a ngalte in amate na zothalsak kik hi. Ahitazong amate kisiik kikin, hut tu hong nget ciang vantung pan na za a, hun khat zawk hun khat na hesuakna lian taw amate na suatak hi.

Job 22:23

Hi hi, Pathian kungah kiniamkhiakna taw heak kik hamtangin, na bangkua sungah a sia ngamtatna theampo na bosak ta in.

Isaiah 31:6

Pathian in, “Israel mihingte awng, kei tungah nong maw zo uh a, nong langpan zo uh hi. Ahitazong tu in kei kung hong zuan kik tavun!

Isaiah 44:22

Na mawnate meeikaai bangin ka bosak zo hi. Ka kungah hong cia kik ta'n; keima in nang hong ngumpa ka hi hi,” ci hi.

Jeremiah 12:15

Ahihang amate ka laak zawkciang amate ka hesuak tu hi; a minam simin amate ii leitang tung le a ngam tek ah ka paipui kik tu hi.

Jeremiah 25:5

Nang le na taanghpupite ii a tawntung na lua tu in Topa ii hong piaksa ngam sungah na teen tan thei natu uh in, na seksolnate le a sia na ngamtatnate panin na kikheal natu uh kamsaangte in no tungah hong son zo hi.

Jeremiah 3:1

Topa in, “Pasal khat in a zi khul a, tua nu in ama nusia in ngualdang khat ii zi a suak le, ama in tua nu la kik thei ngawl tu hi. A la kik ahile a ngam ninsak siat tu hi. Ahihang Israel awng, nang in lawm tam mama na nei zawkciang tu in ka kung nong zuan kik nuam hi!

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 4:1

Topa in, “Irsael mite awng, na kiheak nuam uh le, kei kungah hong heak kik tavun. Ka tungah nong thumaan a, ka ngaimawk milimte na vawk uh le,

Ezekiel 18:19

“Ahihang, ‘Banghangin a tapa in a pa mawnate hu in thuak ngawl tu ziam?’ ci in dongh tu nu hi. A zona sia tapa in a maan le a phate seam hi. Ama in ka thukhamte keamcing a, belcing takin zui ahikom ama sia nungta tatak tu hi.

Ezekiel 18:31

A sia a kha na vawt uh theampo kheal vun a, thinthak lungthak na nei tavun. No Israel mite banghang thi nuam nu ziam?

Ezekiel 18:32

Kuama a thi tu dei ngawl khi hi. Na mawnate panin, kikheal vun a, nungta tavun,” Vaanglianpipa Topa in ci hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 14:4

Topa in, “Ka mite ka kung ka then kik tu hi. Ka thin theampo taw amate ka it tu a; amate tungah ka thin uuk nawn ngawl hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Joel 2:12

Topa in “Ahihang tu mama zongh in, thintak taw kisiik kik in kei kungah an tanna, kaana le mauna taw hong heak kik tavun.

Malachi 3:7

Note, na taanghpupi masate bangin ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong ‘Nang kung kong zot kik natu in bang ka sep uh kul tu ziam?’ ci in nong dongh uh hi.