Titus 1:3 - Syin Chin Bible

³ tuaciang a hun hong tun tak ciangin, ama ii hong puak thu sungah hong pualaak hi. Hi thu sia kei hong ki aap a, tuaciang ih Ngumpa Pathian hong thupiakna taw ka thangsak hi.

Titus 1:3 Iomraidhean Croise

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 45:15

A mite a ngum, Israel te ii Pathian sia, ama le ama a kiseal Pathian ahi hi.

Isaiah 45:21

Hong pai tavun a, na thu uh zum ah son vun; thu neite khat le khat kikum hen. Thupiang tute akua in taanghlai in sonkhol ziam? A mite a ngum Pathian, Topa sia keima hi ngawl kana khi ziam? Keima ngawl pathian dang om ngawl hi.

Daniel 11:27

Tua zawkciang tua kumpite ngeal sabuai khat ah an nekhawm tu uh hi, ahihang a ngaisutnate sia khawm uh a, khat le khat kitheam tu uh hi. A hun theng ngawl lai ahikom a dei bang nga ngawl tu uh hi.

Daniel 8:23

“Tua kumpi ngamte a bo kuan ciang seksol mama zo ahikom tuate daan kipia tu hi, tuaciang ama thu bek thu a sa, siatna nguicing a vawt a thinkoai le ngualtheam thei kumpi khat piang tu hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Habakkuk 2:3

Lai taw at in, banghang ziam cile tuasia a taangtut tu hun theng ngawl lai hi. Ahihang hun sia a manlangin hong theng tu a, kong lak sia taangtung tu hi. Hong pian tu haisaang thei tha tu hi, ahizong tuasia ngak in; hong piang tatak tu a, hong haisaang ngawl tu hi.

Mark 1:15

“A hun hong tung zo hi, Pathian Ngam hong nai zo hi. Na mawnate uh pan kisiik vun a, Lungdamna Thupha um vun!” ci hi.

Mark 13:10

Ahihang a tawpna hong thet ma in, lungdamna thu sia mihing theampo tungah kihil siat tu hi.

Mark 16:15

Ama in, “Leitung mun theampo ah pai tavun a, mihing theampo tungah lungdamna thu hil tavun.

Luke 1:47

Pathian ka Ngumpa hangin ka thaa lungdam hi.

Sawltakte 10:36

Israel te tungah a puak thu na heak uh hi, mihing theampo ii Topa ahi, Jesus Christ tungtawnin kilemna Lungdamna Thu thansakna ahi hi.

Sawltakte 17:26

Ama in mihing khat panin, mihing nam theampo bitphua a, leitung buppi ah teangsak hi. Ama in amate teen natu a hunte le a munte see kholsa in koi hi.

Romete 15:19

nalamdang lakna le a lamdang nate ii vaangletna le Pathian Thaa ii vaangletna taw hong seam zo hi. Tua ahiciang Jerusalem pan Illyricum ah khualhaw in ka paina ah Christ huvau Lungdamna Thupha a cingin ka thangsak zo hi.

Romete 16:25

Eite in Pathian tungah minthanna pia tawng. Jesus Christ huvau Lungdamna Thupha ka hilna bang le a bosa hun sau mama sungah a kiseal thumaan thutak hong kilak bangin Ama in na upna uh sungah kip takin na din thei natu in vawt thei hi.

Romete 16:26

Tu in ahile kamsaangte lai atna sung panin tua thumaan thutak sia a kilanghtakna ah kikoi zo hi; tuaciangin a nungta tawntung Pathian sawlna taw minam theampo in um a, a nit thei natu in amate tungah kihesak zo hi.

Romete 5:6

Banghang ziam cile cimaw a ih om laitakin Pathian ii a teal hun ciangin Christ sia mi ngilote atu in hong thi hi.

1 Corinth te 9:17

Keima uuk thu in ka tealna taw ka nasep seam hi leng, thaman hong kipiak tu ka lamen tu hi; ahihang sep tu pealmaw in nei a, a seam ka hi hi, banghang ziam cile Pathian in kei hong muang a, hi vaipuak hong aap hi.

Galatia te 4:4

Ahihang a hun hong cin pepeet ciang, Pathian in a Tapa hong paisak hi. Ama sia mihing ahi leitung nu khat ii tapa bangin hong pai a, Jew te Thukham nuai ah nungta hi,

Ephesus te 1:10

A hun hong tun ciangin Pathian ii a khuangkhim tu, hi tupna in vantung leitung ah bitphua sa theampo kaikhawm tu a, a lutang tu in Christ koi tu hi.

Ephesus te 2:17

Tua ahikom Christ hong pai in Pathian taw a kikhuala, no Gentile te tung le Pathian taw a kinai Jew te tungah kilemna thu ahi Lungdamna Thupha hong hil hi.

Philippi te 1:13

Tua thute taw kizomin, kumpi inncing ngalkap bup le hi sungah a om a dang teng in kei sia Christ ii naseam ka hi hu a thongtaak ka hi hunlam he siat uh hi.

Colossae te 1:23

A kho thu doppha tungah na thumaan tawntung vun a, lungdamna thu na zaak ciil uh lai a na nga uh lametna taw na kipeal nuam heak vun. Leitung mihing sim tungah a kihil hi lungdamna thu hu in keima Paul sia naseam khat suak ka hi hi.

Colossae te 1:6

Pathian ii thuthiamna na zaak phit ni uh pan kipan, no in a maan tatakin na heak uh bangma, tua lungdamna thu in, thuphate no tungah hong puapuak a, leitung theampo ah kizel hi.

1 Thessalonica te 2:4

Tuate luangin Pathian in pau a hong dei bangin ka pau tawntung uh hi, banghang ziam cile Lungdamna Thupha son tu in kote kiphu hi ci in ama in khensat hi. Mihingte diksak tu in ka hanciam bua uh hi, ahihang ka niimna uh hong sittel Pathian diksak tu in ka hanciam uh hi.

1 Timothy 1:1

Jesus Christ sawltak khat ahi Paul in, eite hong Ngumpa Pathian le eite lametna Jesus Christ thupiak na bangin —

1 Timothy 1:11

Tuabang hilcianna sia ka thansak tu in hong ki aap lungdamna thu sungah kimu a, tua Lungdamna Thupha sia a minthang thupha toai Pathian kung pan hong pai ahi hi.

1 Timothy 2:3

Hi bangin a pha ih vawtte in Pathian ih Ngumpa lungkimsak hi,

1 Timothy 4:10

Mihing theampo le, a tuan in a umte a Ngumpa, a nungta Pathian sungah lametna ih nei hu in eite in nasia takin hanciam a, na ih seam hi.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

Titus 2:10

a neisa nguksak ngawl tu hi. Tua hi zaw ngawlin, silate in, a tawntung a uphuai le mihing pha ahi hunlam a lak kul tu hi, tua hile ih Ngumpa Pathian thu kihilna sia a sepna theampo ah man neisak tu hi.

Titus 2:13

A lian ih Pathian le Hunpa Jesus Christ minthanna taw hong kilangh tu ih lam et thupha hong tun Ni ngak in, ih om laitak tuabangin ngamta tawng.

Thupualaakna 14:16

Tuaciang meei tung a to sia in, a phiau lei ah vik a, leitung an kila hi.