Titus 1:2 - Syin Chin Bible

² Tua thumaan thutak sia tawntung nuntakna lametna tungah kiphut hi. A leilot ngawl Pathian in hi nuntakna sia, ei atu in, hun kipat pan ma hong kamciam zo a,

Titus 1:2 Iomraidhean Croise

Isaiah 1:20

Ahihang kei nong langpan uh le note thi tu nu hi. Keima, Topa in ka son zo hi,” ci hi.

Mi Simna 23:19

Pathian sia a leilot thei mihingte taw kibang ngawl a; Ama sia a thin a kheal papai mihing hi ngawl hi. A kamciamna babang seam a; A pau bangin taangtung hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Mark 10:17

Jesus ding tu in a kipat kik ciangin, pasal khat hong tai a, ama mai ah khupdin in, “Sya pha awng, tawntung nuntakna ka nga natu in bang ka vawt tu ziam?” ci in dongh hi.

Mark 10:30

ama in hi khang hun sungah a tamzaw lai nga tu hi. Ama in innte, suapuipate, suapuinumeite, nu, pa, tate le lote a zaa zakhat tamzaw in nga tu hi, vawtsiatna zongh thuak tu hi, tuaciang hong pai pheang tu hun sungah tawntung nuntakna nga tu hi.

John 10:28

Amate tawntung nuntakna ka pia a, tuaciangin amate a thi ngei nawn buatu hi. Amate ka khut sung panin kuama in hong sut zo buatu hi.

John 17:2

Banghang ziam cile ama tungah na piaksa mi teng tawntung nuntakna a piak thei natu in, mihing theampo tungah thuneina ama tungah na pia zo hi.

John 17:24

“Pa awng! Amate nong piaksa hi a, nong piaksa ka minthanna sia a mu thei natu in, ka omna munah hong om tek tu ka dei hi; banghang ziam cile, simlei a kipiansak ma in, nong it zo hi.

John 5:39

Laithiangthote na entel uh hi, banghang ziam cile tuate sungah tawntung nuntakna mu tu na ki um uh hi. Tuaciangin hi Laithiangthote mama in, keima ii thu son hi!

John 6:54

A kuama po ka taksa ne a, ka chi a dawnte in, tawntung nuntakna nga a, ni tawp khakbel ni ciangin nuntakna sungah ka thosak tu hi.

John 6:68

Simon Peter in, “Topa awng, akua kung pai tu khu ziam? Tawntung nuntakna a pia kammalte nangma in na nei hi.

Sawltakte 15:18

hi thu taangh tawngh laipek pan a hesak Topa in son hi.’

Romete 1:2

Tua Lungdamna Thupha sia Lai Thiangtho sungah a ki at sa bangma taanghlai pek panin a kamsaangte tungtawnin Pathian ii kamciam a piaksa ahi hi.

Romete 16:25

Eite in Pathian tungah minthanna pia tawng. Jesus Christ huvau Lungdamna Thupha ka hilna bang le a bosa hun sau mama sungah a kiseal thumaan thutak hong kilak bangin Ama in na upna uh sungah kip takin na din thei natu in vawt thei hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

Romete 5:2

Tu laitak a ih dinmun ahi Pathian ii thuthiamna sung a theng tu in upna tungtawnin ama in tua munah hong then hi. Tua ahikom eite in Pathian minthanna ih siim natu lametna ih nei hu in ih kisuangtaak hi!

Romete 5:21

Tua ahikom mawna in thina taw hong uk bangma in, Pathian ii thuthiamna in thutang suana taw hong uk a, ih Topa Jesus Christ tungtawnin tawntung nuntakna sungah hong then hi.

Romete 5:4

thuak zawkna in Pathian thukimna piangsak in, ama hong thukimpuina in lametna piangsak hi.

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

Colossae te 1:27

Pathian ii ngealna sia ama ii thuku, mihing theampo atu in, ama ii a nei a tuanngen thuku sia a mite ii a heaksak tu ahi hi. Tua thuku in bangziam cile Christ in note sungah om a tua hu in note in Pathian ii vaangletna na lua tu uh hi.

1 Thessalonica te 2:15

tua Jew te in Topa Jesus le kamsaangte thatlum a, ko hong vawtsiate ma ahi uh hi. Amate Pathian atu in bangza in lungkimhuai ngawl tu ziam! A kuama po atu in amate bangza in ngal ciipha ahi ziam!

1 Thessalonica te 5:8

Ahihang eite in sun hun ii neisa ih hi a, ih pilvang kul tu hi. Eite in upna le ki itna sia awmdalna in ih silh tu a, ih lamet ngupna sia thik lukhu bangin ih khuk kul hi.

1 Timothy 6:12

Upna tai kidemna sungah na hi thei tawpin tai in a, tuaciang nangma atu in tawntung nuntakna na sungsuam in; banghang ziam cile tetti tam mamate mai ah na upna kho takin na pualaak ciang hi nuntakna ah Pathian in nang hong sam ahi hi.

1 Timothy 6:19

Tu bangin maisang ah a kip doppha khat a suak tu sumngumte amate atu in a khol tu uh hi. Tua hile amate in nuntakna maan tatak a nei zo hong hi tu hi.

2 Timothy 1:1

Christ Jesus taw kikop a, ih nei hong kikamciam nuntakna a thangsak tu in Pathian ii deina taw a kisawl Christ Jesus sawltakpa Paul in,

2 Timothy 1:9

Ama in ama aituam mihingte ih sua natu in eite hong hun a, hong sam hi; eite ii sepnate hang hi ngawlin, ama tupna le thuthiamna hang ahi hi. Hun kipat ma in ama in Christ Jesus tungtawnin hi thuthiamna hong pia hi,

2 Timothy 2:10

Jesus Christ tungtawn a hong pai ngupna le tawntung minthanna sia Pathian tealsa mite zongh in a nga thei natu in, na theampo ka thuak kenkon hi.

2 Timothy 2:13

Ih thumaan bua zonghin, ama sia hong thumaan top hi, banghang ziam cile ama le ama kitheam thei ngawl hi.”

2 Timothy 2:15

Pathian muna ah a kicing kikipsakna na nga natu in a phabelin naseam in a, nasep tungtaang ah a maizum natu a om ngawl naseampa bang hi in, Pathian thumaan thute a maan tak a hil theipa na hi in.

Titus 2:13

A lian ih Pathian le Hunpa Jesus Christ minthanna taw hong kilangh tu ih lam et thupha hong tun Ni ngak in, ih om laitak tuabangin ngamta tawng.

Titus 2:7

Na theampo ah ngamtat phatna taw kisai in nangma mama a ettee taak na hi kul tu hi. Na hilna sungah deisak takpina le thupi laakna taw hil in.

Titus 3:7

tuasia ciangin ama ii thuthiamna taw, eite sia Pathian taw thutang suak thei in ih lamet ahi tawntung nuntakna hong neisak hi.

1 John 2:25

Tuaciangin Christ ama mama ii eite hong piak tu hong kamciam sia — tawntung nuntakna ahi hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

Jude 1:21

tuaciang, ih Topa Jesus Christ ii hesuakna taw tawntung nuntakna hong piak tu ngakin na om uh laitakin, noma le noma sia Pathian ii itna sungah kikeamcing tavun.

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.

Thupualaakna 17:8

Nganhing sia khatvei lai nungta ngei ahihang tu in nungta nawn ngawl hi; ama sia a hawng thukpui sung panin, hong pusuak to dektak zo a, a kisusia tu in pai tu hi. Leitung bitphua ma in, nuntakna laibu sungah a min uh a kikhum ngawl, leitung ah a nungta mihing theampo in, nganhing sia a et uh ciangin, lamdang sa tu uh hi. Ama sia khatvei lai in nungta ngei hi; tu in nungta nawn ngawl hi, ahihang khatvei hong kilangh kik tu hi.

1 Samuel 15:29

Israel ii minthang kumpi Pathian sia leilot ngawl, a thin kheal ngawl hi. Ama sia mihing khat hi ngawl hi — a thin kheal ngawl hi,” ci hi.