Titus 1:1 - Syin Chin Bible

¹ Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

Titus 1:1 Iomraidhean Croise

1 Khangtaanghthu 6:49

Aaron le a suan a paalte in ngimnamtui biakpiaknate pia in biaknatau tungah a kihal sangaw biakpiaknate pia uh hi. Thiangthobel Mun ah biakna theampo atu le Pathian ii Israel te mawna khialna a maisak natu in sangaw biakpiaknate atu sia amate nasep hi. Amate in hi nasep teng sia Pathian naseampa Moses ii thupiak nate bangin seam uh hi.

Luke 18:7

Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

Sawltakte 13:48

Gentile te in hi thu a zaak uh ciangin, lungdam a, Topa ii thupuak a pok uh hi; tuaciangin tawntung nuntakna nga tu a, a kiteal sate thu umte suak uh hi.

Romete 1:1

Lungdamna Thupha hil tu in Pathian ii a sap, sawltak khat tu in a teal, Jesus Christ ii naseampa ahi Paul ii laithak ahi hi.

2 Corinth te 1:1

Pathian ii deina taw Christ Jesus ii sawltakpa ahi Paul le ih suapuipa Timothy in — Corinth khua ah Pathian ii pawlpi le Achaia ngam bup ah Pathian ii mihingte theampo tungah lai kong thaak uh hi:

Ephesus te 2:8

Banghang ziam cile note in upna tungtawnin Pathian ii thuthiamna taw ngup sa na hi uh hi. Tua in note hanciamna hang hi ngawlin, note kisuantaak thaak ngawl natu in Pathian letsong ahi hi.

Philippi te 1:1

Christ Jesus ii naseamte ahi Paul le Timothy in — Christ Jesus taw pumkhat a om pawlpi lampuite le, Husyate a kihel Philippi ah a om Pathian ii mite theampo tungah lai kong thaak uh hi.

Colossae te 2:2

Hi bang ka ngamtat sia amate thinletna taw a kidim natu, ki itna sungah a kikaizot natu, le thumaan heakna pan a piang thinmuanna a kicing hauna a nei thei natu deina ahi hi. Hisia lam panin Pathian thuku ahi Christ ama mama sia amate in he tu uh hi.

1 Timothy 2:4

mihing khat sim ngupna nga a, thumaan thutak a heak tu sia Pathian in dei hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

1 Timothy 6:3

Ih Topa Jesus Christ ii thumaan kammalte le ih biakna ii hilna taw a kisi ngawl upna thubul tumdang a hil sia in

2 Timothy 2:10

Jesus Christ tungtawn a hong pai ngupna le tawntung minthanna sia Pathian tealsa mite zongh in a nga thei natu in, na theampo ka thuak kenkon hi.

2 Timothy 2:23

Ahihang mawmawthuai le telmeal om ngawl kam kinialnate na pial in, tuate sia kihauna taw tawp ahi sia na heak ahi hi.

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.

2 Peter 1:3

Pathian ii a nei vaangletna in, ama ii minthanna le phatna nga tu a, hong sam pa ih heakna tungtawnin, Pathian thu sungah a maan nuntakna ih nei natu in, ih kitaangsap theampo ei tungah hong pia hi.

2 Peter 3:11

Hite theampo tuabangin kilalcipsak tu ahile no sia bangbang mihingte na hi tu uh kisamh tu ziam? Na nuntakna uh sia thiangtho tu a, Pathian atu in a ki aaptuam nuntakna hi tu hi,

1 John 2:23

Banghang ziam cile Tapa a nial pawpo in Pa zongh nial hi. Tapa a saang pawpo in Pa zongh nei hi.

Thupualaakna 1:1

Hi laibu sia Jesus Christ ii pualaak thute a kitepteena ahi hi. Hai ngawlin, a tung tu thute a naseamte tungah a lak thei natu in, Pathian in hi pualaakna pia hi. Christ in a naseampa John tungah a heaksak natu in, ama kungah a vantunglalang paisak a,