Thiampite 9:24 - Syin Chin Bible

²⁴ Thakhat thu in Topa in meikuang puak a, biaknatau tungah a om meihal biakpiakna le a thau teng haltum hi. Mipite sia tua meikuang a mu uh ciang au siat a lei maingat in kunsuk uh hi.

Thiampite 9:24 Iomraidhean Croise

Pianciilna 15:17

Ni tumin khua a zin ciang meikhu a suak meibeal le meisip kuang sia thakhat thu in kilangh a, nganhing sabekte kilaklaw kaantan hi.

Pianciilna 17:3

Abram sia a maitang lei a phak dong kunsuk a, Pathian in,

2 Kumpite 19:15

tuaciang, “Cherubim te ii tungsia na tokhum tungah a to, Topa Israel te ii Pathian awng, nang bekma Pathian na hi hi, leitung kumpi ngam theampo a uk pa na hi hi. Nangma in lei le van na bitphua hi.

1 Khangtaanghthu 21:26

Ama in tua munah Topa atu in biaknatau khat sa in meihal biakpiakna le kipawlkhop biakpiakna pia hi. Ama in thungen a, Topa in a thungetna saang ahikom biaknatau tungah biakpiaknate a kaanghsak tu in vantung pan meikuang khiaksuk hi.

2 Khangtaanghthu 6:2

A tawntungin na teen natu mun ahi, tu in, a tuanngen biakinn khat kong saksak zo hi,” ci hi.

Ezra 3:11

Amate in hi Topa pokna la sa kikik hi: “Topa pha hi, Israel a itna kip tawntung hi.” A kuama po in a tha neiza tek taw au in Topa pok uh hi, banghang ziam cile Biakinnpi tawdap a vawt kipan zo hi.

Psalm Late 80:1

Israel te ii Tuucing pa awng, hong ngai ta'n; Na tuu hon lampuipa awng, hong za ta'n. Cherub te ii tung sang, na kumpi tokhum tungah a to pa awng,

Pusuana 3:2

Tualai ah Topa vantunglalang sia sawlpaang khat ii sung pan a pusuak meikuang khat bangin ama kungah kilangh hi. Moses in sawlpaang a kaangh in mu a, ahizong sawlpaang sia kaanghtum ngawl hi.

Thiampite 10:2

Thakhat thu in Topa in mei puak a, Topa ompuina munah tua mei in amate kaanghlum hi.

Thiampite 6:13

Biaknatau ah mei kuang topsak tu a, mitsak ngeingawl tu hi.

Mi Simna 14:5

Tua zawkciang Moses le Aaron sia mihonpite mai lei ah kun uh hi.

Mi Simna 16:22

Ahizong Moses le Aaron lei ah kunsuk a, “Aw, Pathian awng, nuntakna theampo ii naak na hi hi. Mihing khat a maw a khial ciang taangpi bup tungah thin uuk ni ziam?” ci uh hi.

Mi Simna 23:21

Israel te mai sangah bangma kaamsiatna ahibuale ngimna a thuak tu ka mu kholsak bua hi. Topa a Pathian in amate ompui a; Ama sia a kumpipa hi ci in thangsak uh hi.

Matthew 26:39

Ama sia tawm a pai zawkciang, lei ah bokcip in, thungen hi. “Ka Pa awng, ahithei le hi thuakna hai sia kei tung pan hong laaksak ta'n! Ahihang kei dei bang hi ngawlin, nangma deina bang hi tahen,” ci hi.

Thupualaakna 4:9

Kumpi tokhum tungah a to pa, a tawntung a tawntungin a nungta pa tungah nganhing li teng in minthanna, upatna le lungdamkona la sak uh hi.

Thupualaakna 5:8

Tuabang a vawt ciangin, nganhing li teng le upa kul le li teng sia Tuuno mai ah boksuk uh hi. Tengtongh khat tek le ngimnamtui taw a kidim khamh khawbeamte nei tek uh a, tuate sia Pathian ii mihingte ii thungetna ahi uh hi.

Thupualaakna 7:11

Vantunglalangte theampo kumpi tokhum, upate le nganhing nungta lite kiimkot ah ding uh hi. Tuaciang amate in kumpi tokhum mai lei ah boksuk in Pathian bia uh a,

Thukhente 13:23

Ahihang a zi in, “Topa in ei hong thatlum nuam hi thong le ih biakpiakna te hong saang ngawl tu hi; ama in hite theampo hong lak ngawl tu a, tu in hi bang thute hong son ngawl tu hi,” ci in zo hi.

Thukhente 6:21

Tua zawkciang Topa vantunglalang in ama ii toai ciangkang ii dawn taw sa le anluumte kithuthasak hi, tuaciang suang sung panin meikuang pusuak a, sa le anluum kaanghtum hi. Tuasia ciang vantunglalang bo hi.