Thiampite 8:23 - Syin Chin Bible

²³ Moses in tuutal ngo a, a chi tawm la in Aaron ziatsang bil tung, a ziatsang khutpi tung le a ziatsang peangpi tungah noai hi.

Thiampite 8:23 Iomraidhean Croise

Pusuana 29:20

Tua tuutal ngoin, a chi tawm la in Aaron le a tapate bil ziatsang dawn, a ziatsang khutpi tung, le a ziatsang peangpi tungah noai in. A om lai chi teng biaknatau pangh li tengah the in.

Pusuana 29:21

Biaknatau tungah a om chi tawm le noi sathau tawm la in Aaron le a puante tung, a tapate le a puante tungah the in. Aaron, a tapate le amate ii puante kei tungah hong ki aap tu hi.

Thiampite 14:14

Thiampipa in tuuno chi tawm la in, biakna taw kisai a kithiansua pa ii a ziatsang bildawn, a ziatsang khutpi dawn le a ziatsang peangpi dawn noisak tu hi.

Thiampite 14:17

Ama in a khutpheak sung a om sathau tawm le tuuno chi tawm la in biakna taw kisai thiang hi, ci in a kithangsak tu pa ii a ziatsang bildawn, a ziatsang khutpi, a ziatsang peangpi tungah noai tu hi.

Thiampite 14:25

Ama in tuu ngo tu a, a chisan tawm la in tua pa ii ziatsang bildawn, a ziatsang khutpi tung le ziatsang peangpi tungah noai tu hi.

Thiampite 14:28

Ama in chisan a noina mun tengma ahi, a ziatsang bildawn, a ziatsang khutpi tung le a ziatsang peangpi tungah sathau tawm noai tu hi.

Thiampite 7:37

Tua ahiciang, hite in meihal biakpiakna, antang biakpiakna, mawphel biakpiakna, khialphel biakpiakna, kipsakna biakpiaknate, le pawlkhop biakpiakna atu in ngeinate ahi hi.

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Romete 6:13

Tua bek dom ngawlin, a pha ngawl tupnate sungah a kizangh tu in na pumpi nate khat pawpo aap thei ngawl tu nu hi. Tua hi ngawl zaw in thina pan a kinungtasak kik mihingte bangin na pumpi uh thumaan thutang taw a kizak natu in, Pathian tungah kipia vun.

Romete 6:19

(A zawngkhal mihing na hi uh hu in na tel thei tu in, ni sim ih zak kammal ol te kong zangh hi.) Khatvei lai in siatna le thiangtho ngawlna sungah a sia tu le a nin tu in noma le noma silate bangin na kipum aap uh bangma in, tu in thutang ii silate bangin tupna thiangtho sungah na kipia tavun.

1 Corinth te 1:2

Corinth khua ah a om Pathian ii pawlpi tung le Pathian ii mi thiangthote suak tu in a kisam sa, Jesus Christ taw kipumkhatna ah ama ii neisa a suak mi theampo, mun theampo ah amate le eite ii Topa ahi ih Topa Jesus Christ a bia mihing theampo tungah lai kong thaak hi:

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

1 Corinth te 6:20

ama in note man pia a, hong leisa na hi uh hi. Tua ahikom na pumpi uh sia Pathian minthan natu in zangh tavun.

Philippi te 1:20

Ka deina tatak le ka lametna sia bang ziam cile ka thi zong ka nung zong ka nuntakna buppi taw Christ vaang ka piak thei natu, hun theampo sung, a tuanin tu hun sung teng seseamin, hangsan takin ka panmun ka lel ngeingawl natu thu ahi hi.

Philippi te 2:17

Note upna hangin Pathian a kipia sangaw biakpiakna tungah piakkhiatna khat bangin ka nuntakna chisan kibua tu ahile zong ka lungdam tu a, ka thinnopna no theampo kong hawmsawn tu hi.

1 Thessalonica te 5:22

A sia nam theampo na pial tavun.

Hebrew te 2:10

Ta tam mama in ama ii vaangletna a siim thei natu in, na theampo bitphua in a keam Pathian in, Jesus sia a thuakna tungtawnin a cialcing pa a suasak tu sia a maan thu hi takpi hi. Banghang ziam cile amate ngupna sung a then sia Jesus ahi hi.

Hebrew te 5:8

Ama in Pathian Tapa ahihang, thuakna tungtawnin thunitna sin hi.