Thiampite 8:13 - Syin Chin Bible

¹³ Tua zawkciang Moses in Topa thupiak bangin Aaron tapate mai sangah paipui a, laktongte silsakin a kawng uh ah kawngsawmte sawmsakin a lu uh ah lukhute khusak hi.

Thiampite 8:13 Iomraidhean Croise

Psalm Late 132:9

Na thiampite in a maan sepnate vawt tawntung tahen; na mihingte in lungdamna taw au tahen!

Pusuana 40:13

Aaron in keima na a seam thiampi a sep thei natu in thiampi puante silhsak in, sathau buakin, hi bangin ama aap in.

Pusuana 40:16

Topa thupiak bangin Moses in na theampo seam hi.

Isaiah 61:10

Topa sepna hangin Jerusalem lungdam hi. Jerusalem sia mothak khat pasal a nei ni in a kizeam bang ahi hi. Pathian in ama sia ngupna le ngalzawna taw tuam zo hi.

Isaiah 61:6

Note sia Topa ii thiampite, Ih Pathian ii naseamte hong kici tu hi. Note in minamte haunate na nopsak pui tu uh a, Note in amate ii hauna sia noma hauna ahikomin Na kiphatsak pui tu uh hi.

Ezekiel 42:14

Thiampite in Biakinnpi sung a tum zawkciang le a suum puanung ah a pai nop ciang, hi inndoite sungah Topa atu na a sep laitak, a silh puan thiangthote a nusiat kul hi. Ama te sia mipite kikhop na ah a pai ma in puan dang a sil uh kul tu hi”.

Thiampite 10:5

Moses thupiak bangin amate in a luangte puan taw tunin ngiaphual pua sangah pusuapui uh hi.

1 Peter 2:5

Nuntakna a nei suangte bangin pai tavun a, thaa biakinn sak natu in a kizanghte hi tavun, tua munah Jesus Christ tungtawnin, Pathian tungah a saan thamman, thaa taw kisai sangaw biakpiakna a pia a thiangtho thiampite bangin na seam tu uh hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

Thupualaakna 1:6

tuaciangin eite sia a Pathian le a Pa atu a seam tu in thiampi in hong vawt hi. Jesus Christ tungah minthanna le vaangletna sia a tawntung a tawntungin om tahen! Amen.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”