Thiampite 7:9 - Syin Chin Bible

⁹ Thik bealpeu sungah a ki em, ahibuale beal baannei le moh emna sungah a kivawt antang biakpiakna peuma, Pathian tungah a pia thiampipa ii neisa hi.

Thiampite 7:9 Iomraidhean Croise

2 Kumpite 12:17

Tua hunin, Syria te ii Kumpipa Hazael in Gath khuapi simin zo hi; tua zawkciang ama in Jerusalem sim tu sawm hi.

Ezekiel 44:29

Antang taw biakpiakna, mawna le khialna kiphel natu biakpiakna le kitatna in a kipia biakpiakna theampo sia thiampite an hi tu a, Israel ngam ah keima atu in a kipia tuam theampo amate nga tu ahi hi.

Thiampite 2:10

A taanglai biakpiaknate thiampite neisa hi a; Topa a kipia an sung pan a kila ahikom, thiangtho mama hi.

Thiampite 5:13

Hi bangin thiampipa in tua pa mawmai natu biakpiakna neisak tu a, ama mawna kimaisak tu hi. Antang taw biakpiakna bangma in a taanglai anvui teng thiampipa aa ahi hi.

Thiampite 7:10

Ahizong a kihuan ngawl antang a kipia theampo, sathau taw a kihel ahizong a kihel ngawl ahizong, Aaron suan thiampite neisa hi a, a kikim in a hawm tek tu ahi hi.

Thiampite 7:8

Meihal biakpiakna in a kipia nganhing vun sia biakpiakna a pia thiampipa ii neisa ahi hi.

Mi Simna 18:9

Biaknatau ah a kihal ngawl, a thiangthobel biakpiaknate panin a nuai a teng nangma aa ahi hi: antang biakpiakna, mawphel biakpiakna le khialphel biakpiakna te ahi hi. Kei tungah hong kipia a thiangtho biakpiakna te a vekpi in nangma le na tapate aa ahi hi.

1 Corinth te 9:13

Biakinn sungah naseamte in Biakinnpi panin an nga a, biaknatau tungah sangaw biakpiakna seamte in, a satel nga uh hi.

1 Corinth te 9:7

Ama ii sum zangh a, ngalkap sung a seam ngalkap om ngei na ziam? A sapithuan sung pan a piang sapitnga a ne ngawl lothopa akua om ngei ziam? Ama tuute ii noai a ne ngawl tuucingpa a om ziam?

Galatia te 6:6

Tapidaw thu a kihil pasal khat in, ama ii neisa na pha theampo a Syapa taw hawm tahen.